Yawˇbaˆ 6:26 - Akha

²⁶ Jaˬ lehˇ loꞈ-ehˇ gʼeh-eu dawˬ yawꞈ ngehꞈ tehꞈ-ehˇ ngaˇ ngehˬ luꞈ meh lehˇ naw maꞈ noeˬ meh. Toˆ-ehˇ ngeuˇ naˇ ngaˇ nui ma cawˆ-awˇ toˇ ngeh naw maꞈ ngaˬ-ahˇ aˬ jeˬ miˇ neh dawˬ ngehˬ cawˬ laˇ te.

Yawˇbaˆ 6:26 ပူးပေါင်းရင်းမြစ်များ

Yawˇbaˆ 10:1

Ngaˇ yaw dehꞈ maˬ paˇ dehꞈ coeˇ miˇ-a. Ngaˇ nui ma naˇ-awˇ toˇ gaˇ naˇ haˬ nehˬ laꞈ sheˇ.

Yawˇbaˆ 15:2

“Yawˇbaˆ-oˇ, nawˬ neh ngehˬ-euˬ dawˬ deuˬ yawꞈ ngehꞈ meh. Gaˇ dahˇ tsoeˬ leˇ-eu dawˬ maˬ ahˇ-a.

Yawˇbaˆ 16:3

Naw maꞈ ngehˬ gʼaˬ ehˇ gʼaˬ-eu maˬ baw ni ehˇ-eu gʼeh te loˇ. Aˬ jeˬ miˇ neh teu naˆ naˆ-ehˇ teh ngehˬ mawꞈ-eu nya.

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Yawˇbaˆ 38:2

“Tsawˇ gahˇ maˬ ahˇ-eu dawˬ ngehˬ-awˇ ngaˬ-euˬ zaˬ siˬ tsawˇ gahˇ gaˇ kawˆ naˇ haˬ-eu aˬ suˇ gʼaˬ te.

Yawˇbaˆ 40:5

Ngehˬ paˬ tmˇ paˬ-ehˇ gʼeh-eu naˆ maˬ tseˇ ngaˇ ngehˬ dzeuˇ tmˇ dzeuˇ taˬ-euˬ ma.”

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Yawˇbaˆ 42:3

Ngaˬ-euˬ tsawˇ gahˇ-ahˇ teh ngehˬ laˇ-eu tsawˇ gahˇ tiˬ pawꞈ-iˬ maˬ ahˇ-eu tsawˇ haˬ heu gʼaˬ aˬ suˇ gʼaˬ-a lehˇ, nawˇ ngaˬ-ahˇ naˇ haˬ-eu meh. Ngaˬ-euˬ gʼaˇ duˬ zahˬ dui dui leˇ paˬ-ehˇ gʼeh-eu ngaˇ maˬ siˬ nya-eu gaˇ kawˆ deuˬ-ahˇ ngaˇ ngehˬ dzeuˇ tmˇ dzeuˇ-euˬ ma.

Yawˇbaˆ 42:7

Sahˬpaˬ Miˬyehˇ Yawˇbaˆ-ahˇ dawˬ ngehˬ cawˬ gʼaˬ ngeh, Eˇliˇpaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ hawˇ-eu nawˬ-euˬ cawˬ kʼoeˇ nyiˬ gʼaˬ-ahˇ ngaˇ nui ma pehˇ nya. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ naw maꞈ maˬ ehˇ-a.

Yawˇbaˆ 6:25

Dawˇ coe ni ngehˬ-eu tmˇ-eu dawˬ, nui ma-ahˇ gʼaˬ biꞈ lahˬ-eu meh. Ehˇ kʼawꞈ naw maꞈ ngehˬ-eu dawˬ-aˬ, gaˇ dahˇ tsoeˬ-eu jeˬ maˬ ahˇ nya.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Yawˇbaˆ 6:9

Aˬ yawꞈ ngaˬ-ahˇ sehꞈ law nmˇ-aˬ, ngaˬ-euˬ gʼaˇ duˬ zaˬ dzehˬ tehꞈ-a.

Yawˇbaˆ 8:2

“Aˇ myah keuˆ ni nawˇ teu loꞈ-ehˇ toˇ-eu gʼeh te. Nawˬ-euˬ kʼaˬ meh-ahˇ doˆ le-euˬ dawˬ deuˬ jaˬ lehˇ baw gaˇ duˇ miˇ-a.

Hawˇseˬ 12:1

Iˇsaˬleˬlaˆ tsawˇ haˬ deuˬ neh, mˬ tiˬ ciꞈ mˇ-euˬ shaˇ-euˬ jeˬ, yaw muiˬ maˬ jaˆ yaw cawˆ tehꞈ meh. Yaw lehˬ hawˇ-eu yaw ca mˇ-eu, myaˬ laˇ kʼaˆ laˇ tehˇ tehˬ-eu meh. Aˬshuˇliˆ-ahˇ saˇ jaˇ dzaˬ-awˇ, Iˇjiˇtuˆ-ahˇ gaꞈ taꞈ-eu meh.”

Maꞈtehˬ 12:37

Nawˇ iˬ baˇ ahˇ ngaˇ loˇ, maˬ ahˇ nga loˇ lehˇ, nawˬ-euˬ dawˬ-ahˇ haw-awˇ yaˇ kʼaˬ daˇ tehꞈ-a.”

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.