Yawˇbaˆ 5:11 - Akha

¹¹ Nui nahˬ nui yu -ahˇ ciˬ huiˬ-awˇ, Ngoeˇ-eu deuˬ laˬ kʼaˬ ya cehˇ ni, caw ba nehˬ-eu gʼaˬ Miˬyehˇ meh.

Yawˇbaˆ 5:11 ပူးပေါင်းရင်းမြစ်များ

Yawˇbaˆ 22:29

Nui ma huiˬ-eu mahˇ-eu tsawˇ haˬ-ahˇ Miˬyehˇ dehˬ awˆ-awˇ, nui ma nahˬ yu ni gʼeh-eu tsawˇ haˬ-ahˇ aˬ yawꞈ ka kʼoꞈ tehꞈ-a.

Yawˇbaˆ 36:7

Yaw tsaˬ yaw dawˇ tsawˇ haˬ deuˬ-ahˇ aˬ yawꞈ haw piˇ-eu laꞈ kʼoeˇ, aˬ cawˬ kʼoeˇ taˆ uˆ lahˇ-eu tsawˇ haˬ bi geuꞈ-awˇ, mˬ maˬ maˬ byaˆ zaˇ ziˇ bi taˬ huiˬ bi taˬ mahˇ nehˬ-eu meh.

Yawˇbaˆ 8:7

Nawˬ neh smˬ jiˇ-euˬ pyuˇ shuiˇ myawˬ gahˬ deuˬ-aˬ, Miˬyehˇ nawˬ-ahˇ biꞈ-eu lehˇ gʼeh-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Jaceuq 107:41

Ehˇ kʼawꞈ shaˬ-eu tsawˇ haˬ deuˬ shaˬ zahˬ naꞈ gaˇ aˬ yawꞈ ka kʼoꞈ le-awˇ, aˬ yawꞈ maꞈ-euˬ miˬ sawˇ zaˬ deuˬ-ahˇ, mawˇ neˇ mawˇ maꞈ loꞈ-ehˇ bi jeuˬ bi o le-euˬ meh.

Jaceuq 113:7

Shaˬ-eu zahˬ-eu tsawˇ haˬ deuˬ-ahˇ, kʼaˬ lehˇ tsahˬ-ahˇ neh aˬ yawꞈ gʼeu tuˇ-awˇ, mehꞈ-eu shuꞈ-eu tsawˇ haˬ deuˬ-ahˇ, shaˬ zahˬ naꞈ gaˇ ciˬ tuˇ nehˬ-awˇ,

Jaceuq 91:14

Miˬ yehˇ heu loꞈ-ehˇ ehˇ-eu meh. Ngaˬ-ahˇ gaˬ-eu deuˬ-ahˇ ngaˇ ka kʼoꞈ-awˇ, ngaˬ-ahˇ Sahˬpaˬ Miˬyehˇ meh lehˇ kʼaˇ siˬ nya-eu deuˬ-ahˇ ngaˇ haw piˇ ma.

Yeˬsaˬgeˬlaˇ 17:24

Ngaˇ Sahˬpaˬ Miˬyehˇ ngeuˇ meh lehˇ, miˇ kʼahˇ laꞈ kʼoeˇ dehꞈ-eu aˇ bawˇ, dawˬ tawˆ luꞈ siˬ duˬ jiˇ tehꞈ-a. Bawˇ goˇ deuˬ-ahˇ ngaˇ tuˇ cuˬ-awˇ, bawˇ awˆ deuˬ-ahˇ bi goˇ laˇ ma. Bawˇ nyoeˇ deuˬ-ahˇ bi nyoeˬ-iˇ-awˇ, baw guˇ deuˬ-ahˇ bi nyoeˇ laˇ ma. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˬ neh kʼaˇ ehˇ taˬ-euˬ jeˬ ngaˇ mˇ ma.

Luˇkaꞈ 6:21

“Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Yaˬkoˆ 1:9

Iˇ shaˬ shaˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ ciˬ goˇ nehˬ ngeh laˬ kʼaˬ cehˇ-eu tsaˬ meh.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.