Yawˇbaˆ 42:11 - Akha

¹¹ Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

Yawˇbaˆ 42:11 ပူးပေါင်းရင်းမြစ်များ

Aˇ dahˬ 24:22

Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.

Aˇ dahˬ 24:53

Kʼoeˇ naˇ, dm gʼaˬ dm lmˇ hawˇ-eu pyuˇ myawˬ guˇ, shuiˇ myawˬ guˇ deuˬ aˬ yawꞈ yuˇ doˆ-awˇ, Leˬbehˇkaꞈ-ahˇ biꞈ-euˬ meh. Leˬbehˇkaꞈ-euˬ aˬ mahˇ aˬ da hawˇ-eu aˬ ma gʼaˬ-ahˇ kʼawꞈ, aˇ poeˬ kʼaˆ-eu myawˬ deuˬ aˬ yawꞈ biꞈ-euˬ meh.

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Yawˇbaˆ 16:5

Muiˬ-eu nui noeˬ nui duˇ biꞈ-eu dawˬ neh naw maꞈ-ahˇ gʼaˬ biꞈ-awˇ, naw maꞈ nui ma saˇ laˇ ni kʼawꞈ, ngehˬ nya tmˇ nya ma.

Yawˇbaˆ 2:11

Yawˇbaˆ-euˬ cawˬ smˇ gʼaˬ-aˬ, Teˬmaˬ meuˬ-ahˇ jawˇ-euˬ Eˇliˇpaˬ, Shuˇaˬ miˇ kʼahˬ-ahˇ jawˇ-eu Biˇlaˬdaˇ hawˇ-eu Naˬmaˬ miˇ kʼahˬ-ahˇ jawˇ-eu Zoˇpaˬ meh. Yawˇbaˆ shaˬ zahˬ naꞈ dui dui luꞈ-eu gaˇ kawˆ aˬ ha smˇ gʼaˬ ya gaˬ ngeh, iˇ-awˇ gʼaˬ biꞈ-iˇ ma lehˇ aˬ yawꞈ maꞈ noeˬ tsehˆ-euˬ meh.

Yawˇbaˆ 4:4

Tsawˇ haˬ tiˬ gʼaˬ na sahˬ tiꞈ tiꞈ-eu miˇ neh, gʼaˬ byehˆ byehˆ-awˇ gʼaˬ doeˇ doeˇ ngeh, nawˬ-euˬ dawˬ gaˬ-awˇ gʼaˬ ahˇ-eu laꞈ kʼoeˇ yawꞈ ziꞈ nya-eu meh.

Dawqdaq 14:20

Iˇ shaˬ zaˬ-ahˇ aˬ yuiꞈ aˬ nyiˇ maˬ haw nahˇ-ehˇ, smˇ muiˬ zaˬ cawˬ maˬ cawˬ jiˇ coeˇ-a.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Yoˇhaˬ 11:19

Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ gʼawˬ mya ni, Maˬliˇ hawˇ-eu Maˬta aˬ mahˇ aˬ da bi shiˇ-euˬ miˇ neh, gʼaˬ biꞈ nehˬ-eu lehˇ uiˬ le taˬ-euˬ meh.

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

1 Gawˇliˬtu 12:26

Aˇ sehˇ tiˬ sehˇ naˇ laˇ naˇ, aˇ sehˇ dawˬ tawˆ luꞈ ya caw naˇ-eu meh. Aˇ sehˇ tiˬ sehˇ-ahˇ aˬ cawˬ ja ceuˬ kʼaˇ za naˇ, aˇ sehˇ dawˬ tawˆ luꞈ laˬ kʼaˬ ya caw cehˇ-eu meh.

HeˬByehˇ 12:12

Kʼoeˇ miˇ neh, laꞈ guˬ shiˇ laˇ-euˬ naw maꞈ-euˬ aˬ laꞈ paˇ cawˬ diˇ-awˇ, gʼaˬ juˬ laˇ-euˬ naw maꞈ-euˬ pawˬ tsuiꞈ gʼaˬ paˇ bi ahˇ kʼoꞈ laˇ-awˬ.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.

Yawˇshuˆ 24:32

Iˇjiˇtuˆ miˇ kʼahˬ-ahˇ neh, Iˇsaˬleˬlaˆ tsawˇ haˬ deuˬ neh baꞈ laꞈ-euˬ Yoˇsehˆ-euˬ gʼawˇ mawˇ-ahˇ, Sheˬkmˬ-euˬ aˬ da Haˬmawˬ-euˬ aˬ li deuˬ-euˬ laꞈ-ahˇ neh, pyuˇ maˇ byaˆ tiˬ yaˇ byaˆ biꞈ-awˇ Yaˬkoˆ neh zeuˇ-euˬ Sheˬkmˬ meuˬ-ahˇ jaˆ-eu miˇ tsaˬ kʼoeˇ tsahˇ-ahˇ baꞈ pahˬ-euˬ meh. Miˇ tsaˬ kʼoeˇ tsahˇ-aˬ, Yoˇsehˆ-euˬ zaˬ deuˬ uˆ deuˬ za-euˬ jeˬ biˇ pyeuꞈ-eu meh.

1 Saˬmeuˬlaˆ 10:27

Ehˇ kʼawꞈ, gaˇ dahˇ maˬ tsoeˬ-eu tsawˇ haˬ tiˬ paˆ na deuˬ aˬ yawꞈ-ahˇ yaw zeu maˬ baw-ehˇ, “Tsawˇ haˬ heu gʼaˬ aˬ dui-ahˇ muiˬ laˇ ni tiˬ jeˬ-iˬ maˬ mˇ nya luꞈ-a” lehˇ ehˇ-awˇ, aˬ yawꞈ-ahˇ laꞈ sawˬ tiˬ jeˬ-iˬ maˬ biꞈ leˇ ni jawˇ-eu meh.