Yawˇbaˆ 41:10 - Akha

¹⁰ Aˬ yawꞈ-ahˇ nui ma laˆ pehˇ naˇ, guˆ dui dui laˇ paˬ-ehˇ gʼeh-awˇ, aˬ yawꞈ mehˬ shi tsawˇ haˬ tiˬ gʼaˬ-iˬ maˬ yawꞈ tehˬ peuˬ-a.

Yawˇbaˆ 41:10 ပူးပေါင်းရင်းမြစ်များ

Aˇ dahˬ 49:9

Yuˇdaˆ-aˬ, aˇ laˬ jaˬ shiˇ-ahˇ duˇ-eu meh. Aˬ cawˬ-ahˇ kawꞈ sehꞈ dzaˬ gʼaˬ-awˇ, yawˬ ha-euˬ lo kʼahˬ-ahˇ paˇ gʼoꞈ yuꞈ laˇ-eu meh. Kʼaˇ cah mawꞈ gaˇ cah-awˇ, kʼaˇ yuꞈ mawꞈ gaˇ yuꞈ kʼawꞈ, aˬ yawꞈ-ahˇ tiˬ gʼaˬ-iˬ maˬ laˆ ciˆ peuˬ-a.

Yawˇbaˆ 3:8

Byaˆ yahˬ-ahˇ kʼehˇ dzaˬ nya-eu nyiˇ paˬ shaˆ ma deuˬ-ahˇ, aˇ nah kʼoeˇ nah-ahˇ yaˬ kʼehˇ yaˬ-awˬ lehˇ ehˇ nehˬ-awˬ.

Yawˇbaˆ 3:9

Uˬ ciꞈ kʼoeˇ miˇ-ahˇ shawˬ ga shawˬ miˇ maˬ bi tsehˬ-ehˇ, uˬ bya bya laˇ tsaˬ maˬ siˬ ni bi jaˆ-awˬ.

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

Yawˇbaˆ 41:9

Byaˆ yahˬ-ahˇ kʼaˇ ya mawˇ-euˬ tsawˇ haˬ, laˇ baˇ-iˇ-awˇ coˬ dzeh-iˇ-eu meh.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Yeˬlaˬmiˇ 12:5

Sahˬpaˬ Miˬyehˇ ehˇ-eu, “Yeˬlaˬmiˇ nawˇ tsawˇ haˬ zaˬ-ahˇ cehˆ ceh ceh-eu gʼaˬ doeˇ doeˇ naˇ, mahˬ nehˬ-ehˇ aˬ joˆ-ehˇ cehˆ ceh ceh nmˇ. Juˇ tsui ni gʼeh-eu deh ga-ahˇ nawˇ coˬ-iˇ naˇ, Yawˇdaˬ lawˇ baˬ gawˆ taw bawˇ tsahˬ bawˇ dahˇ laꞈ kʼoeˇ, nawˇ aˬ joˆ-ehˇ yawꞈ ziꞈ nya nmˇ.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Yeˬlaˬmiˇ 50:44

“Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Baˬbuˇloˬ tsawˇ haˬ deuˬ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.