Yawˇbaˆ 40:8 - Akha

⁸ Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Yawˇbaˆ 40:8 ပူးပေါင်းရင်းမြစ်များ

Yawˇbaˆ 10:3

Nawˇ gʼawˬ shaˬ gaˬ-eu nui ma tiˬ pawꞈ-iˬ maˬ ahˇ ni, nawˬ neh beh-euˬ jeˬ-ahˇ yaw zeu maˬ baw-ehˇ, haiˬ-eu tsawˇ haˬ deuˬ-euˬ gaˇ kawˆ-ahˇ nui kʼahˇ shiˇ-eu tsaˬ tehꞈ-a loˇ.

Yawˇbaˆ 10:7

Ngaˇ iˬ baˇ maˬ ahˇ-eu gaˇ kawˆ hawˇ-eu, tsawˇ haˬ tiˬ gʼaˬ-iˬ nawˬ-euˬ laꞈ-ahˇ neh ngaˬ-ahˇ maˬ ka kʼoꞈ nya-eu gaˇ kawˆ nawˇ siˬ nya meh.

Yawˇbaˆ 13:18

Ngaˇ yaw tsaˬ ma lehˇ ngaˇ siˬ nya-eu miˇ neh, ngaˬ-euˬ gaˇ kawˆ ja-eu lehˇ ngaˇ lehˬ hmˬ taˬ-euˬ ma.

Yawˇbaˆ 16:11

Miˬyehˇ ngaˬ-ahˇ haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.

Yawˇbaˆ 19:6

Heu loꞈ-ehˇ pyeuꞈ laˇ ni mˇ-euˬ gʼaˬ Miˬyehˇ meh lehˇ, naw maꞈ-ahˇ maˬ siˬ laˇ nya loˇ. Ngaˇ bi paꞈ leˇ-eu lehˇ aˬ yawꞈ lahˇ ju kʼmˇ-euˬ maˬ ngeuˇ-a loˇ.

Yawˇbaˆ 32:1

Yawˇbaˆ-aˬ, yawˬ haˇ yawˬ ha iˬ baˇ maˬ ahˇ lehˇ noeˬ duˬ taˬ-euˬ miˇ neh, Yawˇbaˆ-euˬ cawˬ kʼoeˇ smˇ gʼaˬ aˬ yawꞈ-ahˇ dawˬ maˬ paˇ teh ngehˬ ni byehˇ-euˬ meh.

Yawˇbaˆ 32:2

Ehˇ kʼawˬ, Yawˇbaˆ yawˬ haˇ yawˬ ha tsaˬ ma lehˇ ehˇ-awˇ, Miˬyehˇ-ahˇ iˬ baˇ taˬ-eu miˇ neh, gaˇ dzeˇ paw yawꞈ-awˇ haw luꞈ-eu Eˇliˇhuˆ lehˇ myahˇ-euˬ tiˬ gʼaˬ nui ma pehˇ laˇ-awˇ, aˬ yawꞈ-euˬ nui ma-ahˇ maˬ nyehꞈ tehˬ coeˇ ni pyeuꞈ laˇ taˬ-euˬ meh. Eˇliˇhuˆ-aˬ, Lam aˇ jeuˬ Buˇzaˆ-euˬ aˬ li Baˬlaˬkeˬlaˇ-euˬ zaˬ pyeuꞈ-eu meh.

Yawˇbaˆ 34:17

Tsaˬ-eu dawˇ-eu Miˬyehˇ-ahˇ nawˇ iˬ baˇ taˬ te loˇ. Yaw tsaˬ yaw dawˇ jeˬ-ahˇ aˬ yawꞈ bye meh lehˇ nawˇ noeˬ te loˇ.

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Iˇsaˬyaˇ 14:27

Baoˬ huiˬ-eu Sahˬpaˬ Miˬyehˇ neh lehˬ hmˬ taˬ-euˬ jeˬ-ahˇ, kawˆ pyaˆ nya-eu aˬ suˇ gʼaˬ jawˇ ta. Cawˬ ja taˬ-eu aˬ yawꞈ-eu aˬ laꞈ-ahˇ, dehˬ kʼoꞈ nya-eu aˬ suˇ gʼaˬ jawˇ ta.

Iˇsaˬyaˇ 28:18

Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Iˇsaˬyaˇ 43:26

Dzeuˇ yaꞈ-euˬ gaˇ kawˆ deuˬ ehˇ doˆ haw sheˇ. Naw maꞈ tsaˬ-euˬ gaˇ kawˆ ja dahˇ haw sheˇ. Gaˇ kawˆ heu-ahˇ tiˬ kawˆ loꞈ-ehˇ ja duˬ kaˇ-euˇ.

Iˇsaˬyaˇ 45:9

Miˇ tsaˬ oeˬ lahˬ tsahˬ-ahˇ ga-eu miˇ tsaˬ oeˬ lahˬ, tehˆsahˇ-ahˇ dawˬ dziˇ dziˇ leˇ nya ta loˇ. Oeˬ lahˬ tehˆ gaˇ zmˬ-euˬ shaˬ jehˆ, tehˆ sahˇ-ahˇ teh ngehˬ leˇ nya ta loˇ. Tehˆ sahˇ gʼaˬ maˬ bym law nyaˬ lehˇ, shaˬ jehˆ oeˬ lahˬ ehˇ nya ta loˇ.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

Gaˬlaˬtiˆ 3:15

Aˬ yuiꞈ aˬ nyiˇ Ka li zaˬ deuˬ-oˇ, yawˬ nah na luꞈ ya puˬ ya mawˇ luꞈ-eu gaˇ kawˆ yaw jeˬ ma jeˬ tiˬ hmˬ ngaˇ ehˇ-eu ma. Tsawˇ haˬ nyiˬ gʼaˬ yaw kaˬ gaˇ kawˆ tiˬ jeˬ na-ahˇ taꞈ leˇ-awˇ saˇ jaˇ dzaˬ-eu laꞈ kʼoeˇ sahˬ boꞈ boꞈ tsehˆ gʼaˬ naˇ, tiˬ gʼaˬ-iˬ maˬ paˇ laˆ pyaˆ nya-eu uˬ taꞈ, dawˬ tiˬ dawˬ-iˬ maˬ paˇ dawˆ lahˬ nya meh.

Gaˬlaˬtiˆ 3:17

Ngaˇ ehˇ mawꞈ-eu-aˬ, heu loꞈ-ehˇ ma. Aˬbyaˬhaˬ nehˬ-ehˇ Miˬyehˇ dawˬ ma saˇ jaˇ dzaˬ-euˬ meh. Kʼoeˇ sawˇ miˇ tsa oeˬ yaˇ smˬ tseˇ kʼoꞈ gʼeh-awˇ neh hawˇ-eu biꞈ leꞈ-euˬ Zahˇ dawˬ kʼoꞈ dawˬ kʼoeˇ-aˬ, Miˬyehˇ neh dzaˬ taˬ-euˬ saˇ jaˇ kʼoeˇ-ahˇ maˬ laˆ pyaˆ nya-a.

HeˬByehˇ 7:18

Zahˇ sahˇ kʼoꞈ yaw oeˇ kʼoeˇ-aˬ, gʼaˬ baˬ-awˇ gaˇ dahˇ maˬ tsoeˬ-eu miˇ neh, maˬ zmˬ ni bi jaˆ-euˬ meh.