Yawˇbaˆ 40:2 - Akha

² “Yawˇbaˆ-oˇ, Baoˬ huiˬ-eu Miˬyehˇ nehˬ-ehˇ ja haw mawꞈ nya lehˇ nawˇ ehˇ-eu meh. Nawˇ maˬ paˇ ja ni byehˇ nmˇ loˇ. Maˬ ngeuˇ naˇ ngaˬ neh kʼaˇ naˇ haˬ-euˬ jeˬ-ahˇ ehˇ kʼoꞈ nmˇ loˇ.”

Yawˇbaˆ 40:2 ပူးပေါင်းရင်းမြစ်များ

Yawˇbaˆ 10:2

Miˬyehˇ-oˇ, ngaˬ-ahˇ taˬ jahˇ doeˇ nehˬ laꞈ. Aˬ jeˬ baˬ da neh ngaˬ-ahˇ heu loꞈ-ehˇ jahˇ nehˬ laꞈ te lehˇ ehˇ nehˬ laꞈ sheˇ.

Yawˇbaˆ 13:3

Ngaˇ Miˬyehˇ nehˬ-ehˇ ja dzaˬ luꞈ-eu ma. Naw maꞈ nehˬ-ehˇ ja dzaˬ-eu maˬ ngeuˇ. Ngaˬ-euˬ gaˇ kawˆ aˬ yawꞈ nehˬ-ehˇ ja duˬ mawꞈ-eu ma.

Yawˇbaˆ 23:4

Ngaˬ-euˬ gaˇ kawˆ heu aˬ yawꞈ mehˬ shi pyehˬ kʼawˬ-awˇ, yaw kʼaˆ-ehˇ ja ceh ceh mawꞈ nya.

Yawˇbaˆ 27:2

“Ngaˬ-euˬ kʼoeˇ taˆ yaw tsaˬ yaw dawˇ jeˬ maˬ bi keuˆ le-ehˇ, ngaˇ yaw dehꞈ dehꞈ-eu jeˬ-ahˇ kʼaˬ jehꞈ ni bi pyeuꞈ laˇ-euˬ gʼaˬ pyeuꞈ-eu, Baoˬ huiˬ-eu Miˬyehˇ mehˬ shi ngaˇ heu loꞈ-ehˇ ehˇ tsehˆ-eu ma.

Yawˇbaˆ 3:20

“Aˬ jeˬ miˇ neh tsawˇ haˬ zaˬ-ahˇ shaˬ zahˬ naꞈ naꞈ-ehˇ bi dehꞈ ta. Aˬ jeˬ miˇ neh noeˬ shaˬ luꞈ-eu deuˬ-ahˇ yaw shehꞈ bya nehˬ ta.

Yawˇbaˆ 3:23

Aˬ yawꞈ maꞈ-euˬ aˇ nah aˇ yamˬ-ahˇ Miˬyehˇ dehˬ kaˬ taˬ-awˇ, yawˬ pyawˬ na luꞈ-ahˇ ciˬ gʼoeˬ taˬ-euˬ meh.

Yawˇbaˆ 30:21

Nawˇ ngaˬ-ahˇ tiˬ pawꞈ-iˬ gʼawˬ shaˬ maˬ gaˬ ni, nawˬ-euˬ baoˬ neh ngaˬ-ahˇ kʼehˬ nehˬ laꞈ-eu meh.

Yawˇbaˆ 31:35

Ngaˇ dawˬ ngehˬ gaˇ tiˬ gʼaˬ-iˬ maˬ naˇ haˬ-a loˇ. Yawˬ dawˬ na luꞈ tsaˬ ma lehˇ ngaˇ kamˬ peuˬ ma. Baoˬ huiˬ-eu Miˬyehˇ ngaˬ-ahˇ ngehˬ cawˬ le luꞈ-uˇ. Ngaˬ-euˬ yaw lehˬ jeˬ-ahˇ toeˬ mehˬ-eu deuˬ neh ngehˬ-euˬ dawˬ-ahˇ ngaˇ mawˇ nya ni boꞈ doˆ taˬ law nmˇ-aˬ,

Yawˇbaˆ 33:13

Tsawˇ haˬ zaˬ-euˬ dawˬ-ahˇ maˬ naˇ haˬ nehˬ laꞈ nga lehˇ, aˬ jeˬ miˇ neh Miˬyehˇ-ahˇ nawˇ iˬ baˇ taˬ te.

Yawˇbaˆ 38:3

Kʼaˬ dzeˇ zaˬ loꞈ-ehˇ tsawˬ tuˇ-awˇ yawꞈ-awˇ, ngaˇ naˇ haˬ-eu jeˬ ehˇ kʼoꞈ-awˬ.

Yawˇbaˆ 40:1

Kʼoeˇ naˇ, Yawˇbaˆ-ahˇ Sahˬpaˬ Miˬyehˇ paˇ ehˇ nehˬ-eu,

Yawˇbaˆ 40:3

Yawˇbaˆ ehˇ-eu,

Yawˇbaˆ 7:12

“Ngaˇ-aˬ, iˬ ma laˆ shaˆ byaˆ yahˬ yahˬ ma pyeuꞈ-eu miˇ neh, nawˇ ngaˬ-ahˇ bi ka lahˇ te loˇ.

Yawˇbaˆ 9:3

Aˬ suˇ gʼaˬ aˬ yawꞈ nehˬ-ehˇ ja dzaˬ peuˬ nmˇ. Tsawˇ haˬ zaˬ maˬ ehˇ kʼoꞈ nya-eu dawˬ deuˬ, aˇ heˇ dawˬ aˬ yawꞈ naˇ haˬ nya meh.

Dawˬ tsoˆ 6:10

Kʼaˇ pyeuꞈ laˇ-eu jeˬ dawˬ tawˆ luꞈ, aˇ hu ba neh ehˇ taˬ-awˇ jaˆ-eu gaˇ kawˆ tehꞈ meh. Yawˬ ha naˆ maˬ tseˇ gʼaˬ kʼaˆ-eu tsawˇ haˬ nehˬ-ehˇ tsawˇ pyehˇ maˬ pyehˇ nya-a lehˇ, tsawˇ haˬ yawˬ gʼaˬ na luꞈ siˬ nya meh.

Iˇsaˬyaˇ 40:14

Miˬyehˇ aˬ yawꞈ zaˬ siˬ nui gahˇ byah laˇ-awˇ, gaˇ aˬ joˆ-ehˇ ya mˇ-eu siˬ nya laˇ ni, aˬ suˇ gʼaˬ-ahˇ aˬ yawꞈ naˇ haˬ-iˇ-euˬ jaˆ ta.

Iˇsaˬyaˇ 50:8

Miˬyehˇ ngaˬ-euˬ dawˬ peh jawˇ meh. Ngaˇ iˬ baˇ maˬ ahˇ-eu aˬ yawꞈ siˬ nya luꞈ meh. Ngaˬ nehˬ-ehˇ yaˇ kʼaˬ ja mawꞈ-eu aˬ suˇ jawˇ ta. Yaˇ kʼaˬ daˇ duˬ-ahˇ tiˬ gm-ehˇ le-awˇ, ngaˬ-euˬ gaˇ kawˆ bi ja haw-awˬ.

Yeˬlaˬmiˇ 50:24

Baˬbuˇloˬ-oˇ, nawˇ ngaˬ-ahˇ guiˇ deuˆ-awˇ, ngaˬ neh kʼmˇ taˬ-euˬ lahˇ ju-ahˇ nawˇ coeˬ paꞈ-euˬ nya lehˇ, nawˇ maˬ siˬ nya-a.

Yeˬsaˬgeˬlaˇ 18:2

Aˬ yawꞈ ehˇ-eu, “Iˇsaˬleˬlaˆ miˇ kʼahˬ laꞈ kʼoeˇ tiˬ jawˇ-iˬ maˬ byehˇ ni daˬ luꞈ-eu dawˬ daˬ pyeuꞈ-eu, ‘Aˬ da aˬ gaꞈ siˬ cehˇ dzaˬ-euˬ zaˬ seuˬ kmˬ ya kmˬ-mˇ jeˇ’ lehˇ ehˇ-eu dawˬ daˬ teu aˬ jeˬ-ahˇ ehˇ mawꞈ ta.”

Maꞈtehˬ 20:11

Aˬ yawꞈ maꞈ-ahˇ gʼaˬ gaˇ poeˬ biꞈ nehˬ ngeh, aˬ gaꞈ yaˇ kmˇ yaw sahˇ gʼaˬ-ahˇ aˬ yawꞈ maꞈ gʼawˬ mya jeˬ toˇ-eu meh.

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.

1 Gawˇliˬtu 2:16

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Sahˬpaˬ Miˬyehˇ-euˬ nui ma-ahˇ, siˬ du nya-eu aˬ suˇ jawˇ ta. Yawꞈ-ahˇ nui noeˬ nui duˇ biꞈ-awˇ, ja mehˬ nya-eu aˬ suˇ jawˇ ta.” Ehˇ kʼawꞈ, aˬ dui-aˬ, Ka li-euˬ nui ma pi luꞈ-eu tsawˇ haˬ ma.