Yawˇbaˆ 38:41 - Akha

⁴¹ Awꞈ-aꞈ deuˬ dzaˇ mehꞈ mehꞈ-ehˇ zaw-awˇ, aˬ yawꞈ maꞈ-euˬ zaˬ deuˬ dzaˇ bi dzaˬ laꞈ lehˇ ngaˬ-ahˇ shaˇ ngeh, awꞈ-aꞈ kʼoeˇ deuˬ-ahˇ aˬ suˇ gʼaˬ dzaˇ biꞈ nehˬ ta.

Yawˇbaˆ 38:41 ပူးပေါင်းရင်းမြစ်များ

Aˇ dahˬ 6:21

Naw maꞈ gʼaˇ duˬ maˬ ehˇ, jeˬ zaˬ hawˇ-eu ho zaˬ nga jiˇ deuˬ gʼaˇ duˬ maˬ ehˇ, kʼaˇ loˬ-eu dzaˬ-eu dawˇ-eu jeˬ dawˬ tawˆ luꞈ kʼawꞈ, saˇ baoˬ laꞈ kʼoeˇ shaˇ dawˆ-awˬ.”

Jaceuq 147:9

Jeˬ zaˬ deuˬ-ahˇ aˬ yawꞈ bi dzaˬ bi dawˇ-awˇ, jeˬ shiˇ kʼaˬ dzeˇ-euˬ zaˬ deuˬ dzaˇ mehꞈ-awˇ mahˇ ngeh, aˬ yawꞈ bi dzaˬ bi dawˇ-eu meh.

Maꞈtehˬ 6:26

Kʼoeˇ taˆ paw zaw luꞈ-eu aˇ jiˇ deuˬ-ahˇ haw sheˇ. Aˇ jiˇ kʼoeˇ deuˬ cehˇ maˬ ka-a. Cehˇ maˬ yehˬ-a. Cehˇ jiˇ-ahˇ cehˇ maˬ pi ahˇ-a. Ehˇ kʼawꞈ, mˬ kʼoeˇ taˆ jawˇ-eu naw maꞈ-euˬ Aˬda, aˇ jiˇ kʼoeˇ deuˬ-ahˇ bi dzaˬ bi dawˇ-eu meh. Aˇ jiˇ kʼoeˇ deuˬ naˆ maˬ tseˇ naw maꞈ poeˬ dzehˬ-eu maˬ ngeuˇ te loˇ.

Luˇkaꞈ 12:24

Awꞈ-aꞈ gaˇ kawˆ shaˇ noeˬ haw sheˇ. Aˬ yawꞈ maꞈ cehˇ maˬ ka-a. Cehˇ maˬ yehˬ-a. Cehˇ jiˇ maˬ baw-a. Kʼaˬ dahˇ maˬ jaˆ-a. Ehˇ kʼawꞈ, aˬ yawꞈ maˬ-ahˇ Miˬyehˇ bi dzaˬ bi dawˇ-eu meh. Naw maꞈ aˇ jiˇ kʼoeˇ deuˬ naˆ maˬ tseˇ poeˬ dzehˬ-eu meh.