Yawˇbaˆ 38:4 - Akha

⁴ Ngaˇ miˇ tsaˬ tahˬ kʼawˇ beh ngeh nawˇ kʼawꞈ kʼoeˇ gaˇ jawˇ teˬ loˇ. Nawˇ aˇ dzehˬ-ehˇ siˬ nya-eu tsawˇ haˬ ngeuˇ naˇ, gaˇ kawˆ kʼoeˇ ngaˬ-ahˇ dzawˇ mehˬ sheˇ.

Yawˇbaˆ 38:4 ပူးပေါင်းရင်းမြစ်များ

Aˇ dahˬ 1:1

Aˇ dahˬ beh ngeh, mˬ hawˇ-eu miˇ-ahˇ Miˬyehˇ beh-euˬ meh.

Aˇ dahˬ 2:4

Heu-aˬ, Sahˬpaˬ Miˬyehˇ neh mˬ hawˇ-eu miˇ dawˬ tawˆ luꞈ-ahˇ aˬ joˆ-ehˇ beh-euˬ gaˇ kawˆ pyeuꞈ-eu meh. Sahˬpaˬ Miˬyehˇ mˬ beh miˇ beh beh ngeh,

Yawˇbaˆ 15:7

Nawˇ dehꞈ beh beh le-euˬ tsawˇ haˬ zaˬ ma lehˇ yawˬ haˇ yawˬ ha noeˬ luꞈ te loˇ. Miˬyehˇ gawˬ jawˬ maˬ beh mi naˆ-ehˇ nawˇ dehꞈ le teˬ loˇ.

Yawˇbaˆ 28:25

Miˬyehˇ jaˬ lehˇ-ahˇ baoˬ biꞈ-awˇ, iˬ ma laˆ shaˆ-ahˇ dehˬ dza haw ngeh,

Yawˇbaˆ 34:13

Miˬyehˇ-ahˇ aˬ cawˬ neh baoˬ biꞈ nehˬ taˬ ta loˇ. Aˬ yawꞈ-ahˇ aˬ cawˬ neh kʼehˇ-awˇ miˇ tsaˬ kʼoeˇ taˆ bi haw bi pyaˆ taˬ loˇ.

Jaceuq 102:25

Aˇ hu ba neh miˇ tsaˬ tahˬ kʼawˇ nawˇ beh-awˇ, nawˬ-euˬ aˬ laꞈ neh mˬ sawˆ pyeuꞈ taˬ-euˬ meh.

Jaceuq 102:26

Mˬ miˇ byoˆ-iˇ jiˇ kʼawꞈ, nawˇ maˬ byoˆ-iˇ nya-a. Kʼoeˇ deuˬ dawˬ tawˆ luꞈ mehˬ tsoeˬ loꞈ-ehˇ peuˬ-iˇ tehꞈ-a. Saˬ paˇ paˇ cehˇ loꞈ-ehˇ biˬ dzeh-awˇ, bi piˬ bi byoˆ-iˇ jiˇ tehꞈ-a.

Jaceuq 104:5

Miˇ tsaˬ tahˬ kʼawˇ-euˬ dawˬ pehˬ duˬ puˇ-ahˇ nawˇ ziꞈ dah ni ciˬ tsoꞈ-awˇ, maˬ luˆ laˇ nya ni bi jaˆ-euˬ meh.

Dawqdaq 3:19

Sahˬpaˬ Miˬyehˇ aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ, miˇ tsaˬ tahˬ kʼawˇ-ahˇ beh-euˬ meh. Aˬ yawꞈ-euˬ nui siˬ nui gahˇ-ahˇ gʼoe-awˇ, mˬ-ahˇ ciˬ tsaˬ taˬ-euˬ meh.

Dawqdaq 30:4

Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Dawqdaq 8:22

Aˇ hu tiˬ jeˬ-iˬ maˬ beh mi naˆ-ehˇ, Sahˬpaˬ Miˬyehˇ ngaˬ-ahˇ jeˬ huˬ beh-euˬ meh. aˬ yawꞈ neh beh dawꞈ dawꞈ-euˬ gʼaˬ ngaˇ ma.

Iˇsaˬyaˇ 40:14

Miˬyehˇ aˬ yawꞈ zaˬ siˬ nui gahˇ byah laˇ-awˇ, gaˇ aˬ joˆ-ehˇ ya mˇ-eu siˬ nya laˇ ni, aˬ suˇ gʼaˬ-ahˇ aˬ yawꞈ naˇ haˬ-iˇ-euˬ jaˆ ta.

Yeˬlaˬmiˇ 10:12

Sahˬpaˬ Miˬyehˇ baoˬ-ahˇ gʼoe-awˇ, miˇ beh beh taˬ-euˬ meh. Aˬ yawꞈ-euˬ zaˬ siˬ nui gahˇ-ahˇ gʼoe-awˇ, miˇ maˬ sheu kʼawˬ-awˇ mˬ maˬ toˆ pyeh-euˬ meh.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

HeˬByehˇ 1:10

Aˬ yawꞈ heu loꞈ-ehˇ paˇ ehˇ taˬ-euˬ meh. Aˇ dahˬ beh ngeh miˇ tsaˬ heu-ahˇ, Sahˬpaˬ Miˬyehˇ nawˇ beh-euˬ meh. Kʼoeˇ taˆ jaˆ-eu mˬ kʼoeˇ deuˬ-ahˇ, nawˬ-euˬ aˬ laꞈ neh beh-euˬ meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.