Yawˇbaˆ 38:28 - Akha

²⁸ Uˬ yehˇ hawˇ-eu ceuˬ aˬ da baw meh loˇ.

Yawˇbaˆ 38:28 ပူးပေါင်းရင်းမြစ်များ

Aˇ dahˬ 27:28

Mˬ kʼoeˇ taˆ neh Miˬyehˇ ceuˬ bi ga le-awˇ, nawˬ-euˬ deh yaˇ miˇ tsaˬ miˇ muiˬ muiˬ dui dui laˇ luꞈ-uˇ. Miˬyehˇ nawˬ-ahˇ dzaˬ la gʼo cehˇ hawˇ-eu aˬ gaꞈ dzaˇ uiˇ tiˬ byah tiˬ loꞈ biꞈ luꞈ-uˇ.

Aˇ dahˬ 27:39

Kʼoeˇ ngeh, Iˇsawˇ-ahˇ Iˇtsaˆ heu loꞈ-ehˇ ehˇ nehˬ-euˬ meh. “Mˬ kʼoeˇ taˆ nawˬ-euˬ gʼaˇ duˬ ceuˬ maˬ paˇ jaˆ-eu loꞈ-ehˇ, miˇ tsaˬ kʼoeˇ taˆ kʼawꞈ, miˇ tsaˬ miˇ muiˬ muiˬ-eu deh yaˇ nawˬ-euˬ gʼaˇ duˬ maˬ paˇ jaˆ meh.

2 Saˬmeuˬlaˆ 1:21

Giˇlaˬbaoˬ gawˬ jawˬ deuˬ kʼoeˇ taˆ, uˬ yehˇ hawˇ-eu ceuˬ maˬ jaˆ-ehˇ, sahˬ lahˬ maˬ dehꞈ ni jaˆ luꞈ-uˇ. Aˬ jeˬ miˇ neh nga lehˇ ehˇ naˇ, baoˬ huiˬ dui dui-eu yehˇ pyeuꞈ-eu, Sawˇluˆ neh baꞈ-euˬ dehˬ daˬ duˬ, shmˇ kaw tehꞈ-ehˇ kʼoeˇ gaˇ ga-eu, aˇ naˆ ni daˬ ga-eu jeˬ nga.

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

Yawˇbaˆ 29:19

Ngaˇ-aˬ, duˬ ciˇ-ahˇ aˬ myah luꞈ iˇ cuꞈ dahˬ-awˇ, uˬ pyaˬ uˬ laꞈ-ahˇ ceuˬ ga aˬ taˬ-euˬ aˇ bawˇ tiˬ bawˇ-ahˇ duˇ-euˬ ma.

Yawˇbaˆ 36:27

“Miˇ tsaˬ-ahˇ dahˬ-eu iˇ cuꞈ yuˇ-awˇ, uˬ yehˇ jahˇ pyeuꞈ-eu gʼaˬ Miˬyehˇ meh.

Yawˇbaˆ 36:28

Tsawˇ haˬ zaˬ dawˬ tawˆ luꞈ gʼaˇ duˬ, mˬ dmˇ-ahˇ aˬ yawꞈ uˬ yehˇ bi yehˇ doˆ le-eu meh.

Yawˇbaˆ 38:8

Iˬ ma laˆ shaˆ iˇ cuꞈ deuˬ miˇ tsaˬ tahˬ kʼawˇ-euˬ uˬ maˆ-ahˇ neh yoeˇ doˆ laˇ ngeh, maˬ bi yoeˇ doˆ dzeh ni iˇ cuꞈ laˇ gʼoˆ aˬ suˇ gʼaˬ neh ciˬ tsoeˬ taˬ-euˬ ta.

Jaceuq 147:8

Mˬ kʼoeˇ taˆ mˬ dmˇ-ahˇ aˬ yawꞈ sheu taw-awˇ, miˇ tsaˬ kʼoeˇ taˆ uˬ yehˇ bi yehˇ le-eu laꞈ kʼoeˇ, gawˬ duˇ uˬ du yaˇ moꞈ bi dehꞈ laˇ-eu meh.

Dawqdaq 3:20

Aˬ yawꞈ-euˬ zaˬ siˬ tsawˇ gahˇ baˬ da neh lawˇ baˬ yoeˇ le-awˇ, mˬ dmˇ laꞈ kʼoeˇ uˬ yehˇ ga doˆ le-eu meh.

Yeˬlaˬmiˇ 10:13

Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Dawˬmehˬ 33:13

Yoˇsehˆ gaˇ kawˆ Moˇseˬ ehˇ-eu, “Yoˇsehˆ tsawˇ jeuˬ-euˬ miˇ kʼahˬ-ahˇ, Sahˬpaˬ Miˬyehˇ guiˬ lahˬ biꞈ-awˬ. Kʼoeˇ taˆ uˬ yehˇ bi ga le-awˇ, laꞈ oˆ iˇ cuꞈ bi doˆ laˇ-awˬ.

Dawˬmehˬ 33:28

Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.