Yawˇbaˆ 38:1 - Akha

¹ Kʼoeˇ naˇ, jaˬ lehˇ lehˇ ma baw-eu laꞈ kʼoeˇ, Yawˇbaˆ-ahˇ Sahˬpaˬ Miˬyehˇ heu loꞈ-ehˇ dawˬ ngehˬ cawˬ kʼoꞈ nehˬ-euˬ meh.

Yawˇbaˆ 38:1 ပူးပေါင်းရင်းမြစ်များ

Aˇ dahˬ 9:10

Kʼaˇ dehꞈ kʼaˇ jawˇ-eu jeˬ zaˬ deuˬ hawˇ-eu ho zaˬ nga jiˇ deuˬ nehˬ-ehˇ maˬ ehˇ, saˇ baoˬ laꞈ kʼoeˇ neh kʼaˇ doˆ le-euˬ jeˬ dawˬ tawˆ luꞈ nehˬ-ehˇ maˬ ehˇ, ngaˇ heu loꞈ-ehˇ dawˬ ma saˇ jaˇ dzaˬ-eu ma.

1 Sahˬpaˬ 19:11

Sahˬpaˬ Miˬyehˇ ehˇ-eu,“Gawˬ jawˬ uˬ du daˆ doˆ leˇ-awˇ, ngaˬ-euˬ mehˬ shi yawꞈ-awˬ.” Kʼoeˇ naˇ, Sahˬpaˬ Miˬyehˇ iˇ tsehˆ gʼeh ngeh jawˇ, guˆ laˇ paˬ-ehˇ gʼeh-eu jaˬ lehˇ tiˬ bahˬ baw laˇ-awˇ, gawˬ jawˬ lo guˇ deuˬ baw paˆ baw shaˆ dzeh-euˬ meh. Ehˇ kʼawꞈ, jaˬ lehˇ laꞈ kʼoeˇ Sahˬpaˬ Miˬyehˇ maˬ ahˇ-a. Jaˬ lehˇ baw-eu naˬ leˇ-awˇ, miˇ luˆ paˇ luˆ laˇ-euˬ meh. Ehˇ kʼawꞈ, miˇ luˆ luˆ-eu laꞈ kʼoeˇ Sahˬpaˬ Miˬyehˇ maˬ ahˇ-a.

2 Sahˬpaˬ 2:1

Jaˬ lehˇ lehˇ zeuˆ laꞈ kʼoeˇ Eˇliˇyaˆ-ahˇ Sahˬpaˬ Miˬyehˇ mˬ kʼoeˇ taˆ sheuˬ kʼoꞈ daˆ leꞈ-eu aˇ yamˬ keuˆ laˇ-euˬ meh. Eˇliˇyaˆ hawˇ-eu Eˇliˇshehˇ aˬ nyaꞈ Giˇlaˇgaˬlaˇ meuˬ-ahˇ neh doˆ-iˇ-euˬ meh.

2 Sahˬpaˬ 2:11

Aˬ yawꞈ nyaꞈ dawˬ ja ja caw ja cawˬ-ehˇ le luꞈ ngeh, miˬ dzaˬ mahˬ neh bi gʼeu-euˬ miˬ dzaˬ mahˬ laˆ lawˬ aˬ yawꞈ nyaꞈ yaw kaˬ-ahˇ oe keuˆ-awˇ, jaˬ lehˇ lehˇ zeuˆ laꞈ kʼoeˇ Eˇliˇyaˆ-ahˇ mˬ kʼoeˇ taˆ sheuˬ kʼoꞈ daˆ gʼeh-euˬ meh.

Yawˇbaˆ 11:5

Miˬyehˇ nawˬ-ahˇ ehˇ kʼoꞈ nehˬ law nmˇ-aˬ lehˇ ngaˇ noeˬ miˇ-a.

Yawˇbaˆ 26:10

Iˬ ma laˆ shaˆ kʼoeˇ taˆ yaw zah zah-ehˇ aˬ yawꞈ kawˆ boꞈ-awˇ, yaw shehꞈ hawˇ-eu yaw zahˇ biˇ paˆ-euˬ meh.

Yawˇbaˆ 37:14

Yawˇbaˆ-oˇ, tiˬ kʼehˇ kʼehˬ naˬ-awˇ ngaˇ ehˇ gaˇ paˇ naˇ haˬ sheˇ. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kawˆ deuˬ shaˇ noeˬ haw sheˇ.

Yawˇbaˆ 37:9

Laꞈ oˆ paw pyawˬ-ahˇ neh jaˬ lehˇ lehˇ ma baw gʼeh laꞈ-awˇ, laꞈ taˆ paw pyawˬ-ahˇ neh yaw tsehꞈ oe-eu meh.

Yawˇbaˆ 40:1

Kʼoeˇ naˇ, Yawˇbaˆ-ahˇ Sahˬpaˬ Miˬyehˇ paˇ ehˇ nehˬ-eu,

Yawˇbaˆ 40:6

Kʼoeˇ naˇ, jaˬ lehˇ lehˇ ma baw-eu laꞈ kʼoeˇ, Yawˇbaˆ-ahˇ Sahˬpaˬ Miˬyehˇ heu loꞈ-ehˇ paˇ ehˇ nehˬ-euˬ meh.

Yeˬsaˬgeˬlaˇ 1:4

Ngaˇ haw daˆ gʼeh ngeh, laꞈ taˆ paw pyawˬ-ahˇ neh jaˬ lehˇ lehˇ ma oe luꞈ-eu mawˇ-euˬ ma. Huiˬ dui dui-eu mˬ dmˇ laꞈ kʼoeˇ mˬ myawꞈ myawꞈ luꞈ-awˇ, kʼoeˇ-euˬ tiˬ jawˬ mˬ bya cehˆ ni jaˆ luꞈ-eu meh. Mˬ myawꞈ myawꞈ-eu laꞈ kʼoeˇ, guiˬ shuiˇ loꞈ-ehˇ guiˇ nyiˬ ni tiˬ jeˬ mawˇ laˇ-eu meh.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.