Yawˇbaˆ 37:6 - Akha

⁶ Ngehˇ hawˇ-eu uˬ yehˇ miˇ tsaˬ kʼoeˇ taˆ ga le ni aˬ yawꞈ dawˬ biꞈ-eu meh.

Yawˇbaˆ 37:6 ပူးပေါင်းရင်းမြစ်များ

Eˇzaˬlaˬ 10:13

Ehˇ kʼawꞈ, nga maꞈ tsawˇ haˬ aˇ dzehˬ myaˬ dzeuˇ-awˇ, uˬ yehˇ yehˇ ma ma luꞈ-eu miˇ neh, pu kaˬ-ahˇ maˬ paˇ jawˇ tehˬ coeˇ miˇ-a. Tiˬ nah nyiˬ nah laꞈ kʼoeˇ tehꞈ-ehˇ gaˇ heu hmˬ jahˇ jiˇ nya-eu jeˬ maˬ ngeuˇ-a. Aˬ jeˬ miˇ neh ehˇ naˇ, nga maꞈ laꞈ kʼoeˇ iˬ baˇ heu jeˬ mˇ taˬ-euˬ tsawˇ haˬ gʼawˬ mya ni jawˇ luꞈ-eu ma.

Eˇzaˬlaˬ 10:9

Smˬ nah laꞈ kʼoeˇ Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jawˇ-eu tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ laˇ uiˬ jiˇ-euˬ meh. Ba la gʼoeˬ siˬ tiˬ siˬ nyiˬ tseˇ nah-ahˇ, tsawˇ haˬ dawˬ tawˆ luꞈ Uˬ duˬ tahˬ nymˇ nymˇ ma-euˬ poˆ ka uiˬ laˇ taˬ-euˬ meh. Uˬ yehˇ yaw kʼaˆ-ehˇ yehˇ-eu miˇ neh maˬ ehˇ, huiˬ dui dui-eu gaˇ gʼaˇ duˬ uiˬ laˇ taˬ-euˬ miˇ neh maˬ ehˇ, tsawˇ haˬ yawˬ gʼaˬ na luꞈ yaw dzuˬ dzuˬ-euˬ meh.

Yawˇbaˆ 28:26

Uˬ yehˇ bi yehˇ le-eu pehˇ tsahˇ aˬ yawꞈ laˆ baw-awˇ, mˬ jeˬ tsawˬ tehˆ-euˬ gaˇ ma beh nehˬ ngeh,

Yawˇbaˆ 36:27

“Miˇ tsaˬ-ahˇ dahˬ-eu iˇ cuꞈ yuˇ-awˇ, uˬ yehˇ jahˇ pyeuꞈ-eu gʼaˬ Miˬyehˇ meh.

Yawˇbaˆ 38:22

Ngaˬ neh ngehˇ hawˇ-eu uˬ yehˇ aˇ siˬ dawˆ ahˇ taˬ-euˬ kuˆ lawˆ deuˬ jaˆ gaˇ, nawˇ le keuˆ haw maˬ loˇ.

Yawˇbaˆ 5:10

Miˇ tsaˬ kʼoeˇ taˆ uˬ yehˇ biꞈ-awˇ, deh yaˇ-ahˇ iˇ cuꞈ shehˬ-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Dawqdaq 28:3

Yaw shaˬ zaˬ-ahˇ kʼehˬ-eu sahˬ paˬ sahˬ ma-aˬ, sahˬ lahˬ gʼawˬ daˇ-ahˇ laˆ cawˆ-eu uˬ yehˇ bahˬ ma-ahˇ duˇ-eu meh.

Yeˬsaˬgeˬlaˇ 13:11

Aˬ yawꞈ maꞈ-euˬ meuˬ lahˇ byaˆ-iˇ-eu gʼeh luꞈ meh lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ-ahˇ ehˇ nehˬ-awˬ. Ngaˇ uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga deh le-awˇ, meuˬ lahˇ kʼoeˇ-ahˇ jaˬ lehˇ lehˇ ma bi baw ma.

Yeˬsaˬgeˬlaˇ 13:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ nui ma pehˇ-eu laꞈ kʼoeˇ, jaˬ lehˇ lehˇ ma bi baw leꞈ-awˇ, uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga le-eu laꞈ kʼoeˇ, meuˬ meuˬ lahˇ kʼoeˇ-ahˇ laˆ cawˆ nehˬ ma.

Aˬmoˆ 9:6

Sahˬpaˬ Miˬyehˇ mˬ-euˬ kʼoeˇ taˆ, aˬ yawꞈ jawˇ-eu nymˇ tsoˆ taˬ-awˇ, laˆ shaˆ iˇ cuꞈ-ahˇ kuˇ daˆ-awˇ, miˇ tsaˬ kʼoeˇ taˆ shehˆ shehˬ-euˬ meh. Yawꞈ tsawˇ myahˇ Sahˬpaˬ Miˬyehˇ meh.