Yawˇbaˆ 37:23 - Akha

²³ Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 37:23 ပူးပေါင်းရင်းမြစ်များ

Yawˇbaˆ 11:7

Miˬyehˇ-euˬ yaw shehꞈ kʼahˬ sehˇ hawˇ-eu baoˬ aˇ hui ni ahˇ-awˇ aˬ gaˇ keuˆ ni jaˆ-eu nawˇ poˆ mawˇ duˬ nya ma loˇ.

Yawˇbaˆ 11:8

Miˬyehˇ-aˬ, mˬ mah maˬ tseˇ goˇ-eu meh. Mˬ-ahˇ nawˇ beuˬ miˇ coeˇ ma loˇ. Shiˇ-eu miˇ kʼahˬ-ahˇ Miˬyehˇ siˬ nya meh. Ehˇ kʼawꞈ nawˇ noeˬ mawˇ coeˇ ma loˇ.

Yawˇbaˆ 12:13

Ehˇ kʼawꞈ, Miˬyehˇ laꞈ kʼoeˇ zaˬ siˬ tsawˇ gahˇ hawˇ-eu dawˬ tawˆ luꞈ-ahˇ siˬ nya mawˇ nya-eu jeˬ uˬ taꞈ, dawˬ tawˆ luꞈ mˇ pyeuꞈ nya-eu baoˬ jaˆ-eu meh.

Yawˇbaˆ 25:2

“Miˬyehˇ-aˬ, baoˬ huiˬ dui dui-awˇ, dawˬ tawˆ luꞈ aˬ yawꞈ-euˬ mehˬ shi zahˬ dui dui leˇ-eu laꞈ kʼoeˇ ya yawꞈ tehꞈ-a. Aˬ yawꞈ-euˬ mˬ taˆ miˇ kʼahˬ-ahˇ aˬ yawꞈ coꞈ ngehˇ ni bi jaˆ-euˬ meh.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

Yawˇbaˆ 36:26

Aˬ yawꞈ aˇ naˆ ni huiˬ-eu mahˇ-eu aˬ dui maˬ siˬ duˬ nya-ehˇ, aˬ yawꞈ-euˬ aˇ kʼoꞈ aˇ la aˬ dui maˬ toꞈ nya-a.

Yawˇbaˆ 36:3

Ngaˬ-euˬ zaˬ siˬ tsawˇ gahˇ-aˬ, naꞈ dui dui-eu ma. Ngaˬ-ahˇ beh-euˬ yaw sahˇ pyeuꞈ-eu Miˬyehˇ tsaˬ-eu dawˇ-eu gaˇ kawˆ, ngaˇ kʼaˇ siˬ kʼaˇ nya-eu loꞈ-ehˇ ja mehˬ ma.

Yawˇbaˆ 36:5

“Miˬyehˇ-aˬ gʼaˬ kʼaˆ dui dui-eu meh. Ehˇ kʼawꞈ, aˬ cawˬ-ahˇ yehˬ bawˬ-ehˇ maˬ jahˇ-a. Aˬ yawꞈ maˬ siˬ nya-eu tiˬ jeˬ-iˬ maˬ jaˆ-a.

Yawˇbaˆ 37:19

Miˬyehˇ-ahˇ aˬ joˆ-ehˇ ya ngehˬ cawˬ-eu nga maꞈ-ahˇ mehˬ nehˬ laꞈ-awˬ. Nga maꞈ-euˬ nui ma laꞈ kʼoeˇ aˬ joˆ-ehˇ ya ngehˬ ya tmˇ-eu maˬ shaˇ noeˬ doˆ nya nya.

Yawˇbaˆ 37:22

Laꞈ taˆ paw pyawˬ-ahˇ shuiˇ loꞈ-ehˇ bya doˆ laˇ-awˇ, Miˬyehˇ-euˬ yaw shehꞈ kʼahˬ sehˇ-ahˇ aˬ dui maꞈ zahˬ leˇ miˇ-a.

Yawˇbaˆ 8:3

Miˬyehˇ-aˬ, yaw tsaˬ yaw dawˇ jeˬ-ahˇ maˬ yuˇ pyawˆ-ehˇ, tsaˬ-eu jeˬ-ahˇ maˬ byehˇ ni mˇ-eu meh.

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Jaceuq 65:6

Nawˬ-euˬ gʼaˬ neh gawˬ jawˬ deuˬ-ahˇ ciˬ tsaˬ taˬ-eu laꞈ kʼoeˇ, nawˬ-euˬ baoˬ bi mawˇ-euˬ meh.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Dawˬ tsoˆ 7:24

Zaˬ siˬ tsawˇ gahˇ-aˬ, gaˇ mahˇ kaˬ dui dui-awˇ, naꞈ dui dui-eu miˇ neh, aˬ suˇ gʼaˬ poˆ mawˇ nya nmˇ.

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Yeˬsaˬgeˬlaˇ 18:23

Haiˬ-eu tsawˇ haˬ shiˇ gaˇ ngaˇ laˬ kʼaˬ cehˇ meh lehˇ naw maꞈ noeˬ te loˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma. Maˬ ngeuˇ. Aˬ yawꞈ noeˬ poˆ noeˬ paˇ-awˇ yaw dehꞈ ya dehꞈ gaˇ ngaˇ mawˇ mawꞈ-eu ma.

Yeˬsaˬgeˬlaˇ 18:32

Tsawˇ haˬ tiˬ gʼaˬ iˬ maˬ bi shiˇ mawꞈ nya. Iˬ baˇ-ahˇ byehˇ dzeh-awˇ yaw dehꞈ dehꞈ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Luˇkaꞈ 10:22

“Yawˬ jeˬ naˬ luꞈ ngaˬ Da neh ngaˬ-ahˇ a nehˬ jiˇ laꞈ-euˬ meh. Zaˬmaˇ-aˬ, aˬ suˇ gʼaˬ-a lehˇ, Aˬda maˬ ngeuˇ naˇ tiˬ gʼaˬ-iˬ maˬ siˬ nya-a. Kʼoeˇ loꞈ-ehˇ duˇ ni, Aˬda-aˬ, aˬ suˇ gʼaˬ-a lehˇ, Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ deuˬ maˬ ngeuˇ naˇ, tiˬ gʼaˬ-iˬ maˬ siˬ nya-a.”

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

HeˬByehˇ 12:10

Aˬ dui-euˬ zaˬ baw aˬ da deuˬ-aˬ aˬ yawꞈ maꞈ neh tsaˬ meh lehˇ noeˬ-euˬ loꞈ-ehˇ aˬ dui-ahˇ tiˬ kʼehˇ laˇ kʼehˬ mehˬ paˇ zuiˆ paˇ-eu meh. Ehˇ kʼawꞈ, Miˬyehˇ aˬ dui-ahˇ mehˬ-eu zuiˆ-eu kʼoeˇ-aˬ, aˬ dui gʼaˇ duˬ muiˬ ni mˇ-eu jeˬ pyeuꞈ-eu meh. Aˬ yawꞈ loꞈ-ehˇ bi muiˬ bi shawˇ laˇ-eu gʼaˇ duˬ mˇ-eu meh.