Yawˇbaˆ 37:22 - Akha

²² Laꞈ taˆ paw pyawˬ-ahˇ shuiˇ loꞈ-ehˇ bya doˆ laˇ-awˇ, Miˬyehˇ-euˬ yaw shehꞈ kʼahˬ sehˇ-ahˇ aˬ dui maꞈ zahˬ leˇ miˇ-a.

Yawˇbaˆ 37:22 ပူးပေါင်းရင်းမြစ်များ

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

Yawˇbaˆ 37:21

Nymˬ-mˇ mˬ kʼoeˇ taˆ-euˬ yaw shehꞈ kʼoeˇ aˇ dzehˬ-ehˇ bya-eu miˇ neh, naˇ guiˇ guiˇ laˇ-awˇ maˬ haw coeˇ nya. Mˬ siˬ lah-ehˇ jaˬ lehˇ neh shawˇ jehˆ ni bi baw shawˇ taˬ-euˬ meh.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 40:10

Toˆ-ehˇ ngeuˇ naˇ, huiˬ dui mahˇ dui dui-eu jeˬ laꞈ kʼoeˇ tuˇ-awˇ, baoˬ yaw shehꞈ kʼahˬ sehˇ-ahˇ dm-awˬ.

Jaceuq 104:1

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Baoˬ yaw sehꞈ kʼahˬ sehˇ-ahˇ nawˇ dm-awˇ,

Jaceuq 145:5

Nawˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja-awˇ, Nawˬ neh mˇ-euˬ zahˬ dui dui leˇ paˬ-ehˇ gʼeh-eu gaˇ deuˬ-ahˇ ngaˇ shaˇ noeˬ shaˇ sawˇ-eu ma.

Jaceuq 29:4

SahˬpaˬMiˬyehˇ-euˬteˇsaˇ-aˬ, baoˬhuiˬ-awˇkʼaˆdui dui-eu meh.

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Jaceuq 68:35

Aˬ yawꞈ-euˬ muiˬ-eu shawˇ-eu jawˇ duˬ-ahˇ neh doˆ le-eu Miˬyehˇ, aˇ naˆ ni zahˬ leˇ paˬ-ehˇ gʼeh-eu nga. Iˇsaˬleˬlaˆ-euˬ Miˬyehˇ aˇ naˆ ni zahˬ leˇ paˬ-ehˇ gʼeh-eu nga. Aˬ yawꞈ-euˬ tsawˇ jeuˬ-ahˇ, gʼaˬ hawˇ-eu baoˬ aˬ yawꞈ biꞈ nehˬ-euˬ meh. Miˬyehˇ-ahˇ ja ceuˬ-awˬ.

Jaceuq 76:12

Miˇ kʼahˬ-ahˇ uˆ lahˇ-eu deuˬ nui ma baˬ-iˇ ni aˬ yawꞈ jahˇ-awˇ, sahˬ paˬ deuˬ-ahˇ aˬ yawꞈ laˆ guˆ-eu meh.

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Dawqdaq 25:23

Laꞈ taˆ paw neh baw gʼeh leꞈ-eu jaˬ lehˇ uˬ yehˇ hehˇ ahˇ leꞈ-eu yaw duˬ baw-eu loꞈ-ehˇ, ja bu-eu jeˬ iˬ dehˬ iˬ ceh bi keuˆ le-eu yaw duˬ baw-eu meh.

Iˇsaˬyaˇ 2:10

Sahˬpaˬ Miˬyehˇ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo byoe doe ni cehˆ uˇ-awˇ, kʼaˬ lehˇ dawˬ dah siˇ byoˆ-awˬ.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.