Yawˇbaˆ 37:16 - Akha

¹⁶ Zahˬ leˇ dui dui paˬ-ehˇ tsawˇ gahˇ ahˇ-eu Miˬyehˇ neh, mˬ dmˇ deuˬ mˬ kʼoeˇ taˆ jaˆ nya ni aˬ joˆ-ehˇ jahˇ taˬ-euˬ nawˇ siˬ nya ma loˇ.

Yawˇbaˆ 37:16 ပူးပေါင်းရင်းမြစ်များ

Yawˇbaˆ 26:8

Mˬ dmˇ laꞈ kʼoeˇ iˇ cuꞈ tiˬ byah ni bi dahˬ-awˇ, iˇ cuꞈ kʼoeˇ yaw kah baˬ da neh mˬ dmˇ maˬ pehꞈ-iˇ ni jahˇ-euˬ gʼaˬ Miˬyehˇ meh.

Yawˇbaˆ 36:29

Miˬyehˇ jawˇ-eu mˬ kʼoeˇ taˆ yaw goˇ-ahˇ, mˬ dmˇ aˬ joˆ-ehˇ zaw-awˇ, mˬ jeˬ aˬ joˆ-ehˇ jeˬ-eu gaˇ kawˆ, tsawˇ haˬ tiˬ gʼaˬ-iˬ maˬ siˬ nya-a.

Yawˇbaˆ 36:4

Ngaˇ kʼaˇ ngehˬ-eu jeˬ tiˬ hmˬ-iˬ yaw lehˬ maˬ ahˇ, tsawˇ gahˇ byah dui dui-eu tiˬ gʼaˬ nymˬ-mˇ naw maꞈ mehˬ shi jawˇ-eu naw maꞈ mawˇ luꞈ meh.

Yawˇbaˆ 37:14

Yawˇbaˆ-oˇ, tiˬ kʼehˇ kʼehˬ naˬ-awˇ ngaˇ ehˇ gaˇ paˇ naˇ haˬ sheˇ. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kawˆ deuˬ shaˇ noeˬ haw sheˇ.

Yawˇbaˆ 37:15

Miˬyehˇ dawˬ aˬ joˆ-ehˇ biꞈ-awˇ mˬ dmˇ laꞈ kʼoeˇ mˬ jeˬ tsawˬ tehˆ bi tehˆ-euˬ nawˇ siˬ nya ma loˇ.

Yawˇbaˆ 37:17

Laꞈ oˆ paw pyawˬ-ahˇ neh lahˇ dui dui-eu jaˬ lehˇ baw ahˇ laꞈ ngeh, yaw piˇ yaw lahˇ lahˇ-eu jeˬ nawˬ-ahˇ maˬ bi kʼehˬ ni nawˇ aˬ jeˬ jahˇ nya te.

Yawˇbaˆ 37:5

Miˬyehˇ dawˬ biꞈ ngeh aˬ dui zahˬ leˇ paˬ-ehˇ gʼeh-eu kʼaˆ jeˬ-ehˇ gʼeh-eu jeˬ pyeuꞈ doˆ laˇ-eu meh.

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Jaceuq 147:5

Baoˬ jaˆ-awˇ huiˬ dui mahˇ dui dui-eu gʼaˬ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-euˬ zaˬ siˬ tsawˇ gahˇ-ahˇ aˬ dui maˬ noeˬ miˇ coeˇ-a.

Jaceuq 78:4

Sahˬpaˬ Miˬyehˇ-euˬ baoˬ hawˇ-euˬ aˬ yawꞈ neh mˇ-euˬ huiˬ-eu gaˇ deuˬ gaˇ kawˆ maˬ ehˇ, aˬ yawꞈ neh mˇ-euˬ zahˬ dui dui leˇ paˬ-ehˇ gʼeh-euˬ gaˇ deuˬ maˬ ehˇ, aˬ dui-euˬ zaˬ deuˬ-ahˇ maˬ ja mehˬ-ehˇ maˬ byehˇ ni, nahˬ ziˇ-ahˇ aˬ dui ja mehˬ yaꞈ ma.

Iˇsaˬyaˇ 40:22

Miˇ tsa haw ka leꞈ ngeh tsawˇ haˬ aˇ ho hui ni tehꞈ-ehˇ mawˇ-eu, mˬ taˆ goˇ dui dui gaˇ jaˆ-eu dzoeˬ dzaˬ nuiˇ mahˬ-ahˇ nuiˇ-eu gʼaˬ, miˇ tsaˬ tahˬ kʼawˇ-ahˇ beh-euˬ meh. Lawˆ kaˬ taw-euˬ loꞈ-ehˇ mˬ-ahˇ aˬ yawꞈ gʼeu taw-awˇ, saˬ paˇ sehˬ gʼawˆ loꞈ-ehˇ sheu joe-euˬ meh.