Yawˇbaˆ 37:12 - Akha

¹² Miˬyehˇ neh bi cah-euˬ loꞈ-ehˇ aˬ yawꞈ maꞈ mˬ kʼoeˇ taˆ cah ngeh, Miˬyehˇ neh dawˬ kʼaˇ biꞈ-euˬ loꞈ-ehˇ, miˇ tsaˬ doe ni aˬ yawꞈ maꞈ mˇ-eu meh.

Yawˇbaˆ 37:12 ပူးပေါင်းရင်းမြစ်များ

Yawˇbaˆ 36:32

Mˬ jeˬ tsawˬ tehˆ-ahˇ aˬ yawꞈ tuˆ tehˬ-awˇ, kʼaˇ noeˬ-euˬ gaˇ bi zaw leˇ-eu gʼaˇ duˬ dawˬ biꞈ-eu meh.

Yawˇbaˆ 37:3

Miˇ tsaˬ tahˬ kʼawˇ heu dzeˇ kʼoeˇ dzeˇ doˆ ni, mˬ kʼoeˇ taˆ aˬ yawꞈ mˬ myawꞈ bi myawꞈ-eu meh.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Jaceuq 147:15

Miˇ tsaˬ tahˬ kʼawˇ-ahˇ aˬ yawꞈ dawˬ tiˬ dawˬ biꞈ ngeh, aˬ yawꞈ neh kʼaˇ-ehˇ-euˬ jeˬ yaw kawˇ-ehˇ keuˆ le-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Iˇsaˬyaˇ 14:21

Aˬ poeˬ aˬ bawˇ deuˬ neh mˇ-euˬ iˬ baˇ aˇ poeˬ, aˬ yawꞈ-euˬ aˬ li deuˬ-ahˇ sehꞈ-eu gʼaˇ duˬ, lehˬ hmˬ laˆ dah taˬ-awˬ. Aˬ yawꞈ maꞈ miˇ tsaˬ kʼoeˇ taˆ dzoeˬ dzaˬ maˬ paˇ oꞈ-ehˇ, meuˬ maˬ paˇ daˬ byah nya meh.

Iˇsaˬyaˇ 27:6

Mehˬ hu paw le-eu aˇ yamˬ-ahˇ, Yaˬkoˆ-euˬ zaˬ Iˇsaˬleˬlaˆ tsawˇ haˬ deuˬ, duˬ ciˇ toeˬ ziꞈ leˇ-awˇ, aˇ cuˬ aˇ yehˆ yehˆ-eu laꞈ kʼoeˇ, miˇ tsaˬ kʼoeˇ taˆ aˇ siˬ siˬ byah tehꞈ-a.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Panmaeq 11:6

Aˬ yawꞈ nyaꞈ Miˬyehˇ dawˬ kawˬ mehˬ luꞈ-eu aˇ yamˬ laꞈ kʼoeˇ, mˬ-ahˇ piˬ tehˬ taˬ nya-eu baoˬ, aˬ yawꞈ nyaꞈ-euˬ aˬ laꞈ laꞈ kʼoeˇ jaˆ-eu meh. Lawˇ gawˆ iˇ cuꞈ-ahˇ shiˬ bi pyeuꞈ-iˇ nya-eu baoˬ kʼawꞈ jaˆ-eu meh. Miˇ tsaˬ heu kʼoeˇ taˆ kʼawꞈ, aˬ yawꞈ nyaꞈ kʼaˇ bi keuˆ le mawꞈ-eu shaˬ zahˬ naˇ gawˇ gawˇ ma bi keuˆ le nya-eu baoˬ jaˆ-eu meh.