Yawˇbaˆ 36:7 - Akha

⁷ Yaw tsaˬ yaw dawˇ tsawˇ haˬ deuˬ-ahˇ aˬ yawꞈ haw piˇ-eu laꞈ kʼoeˇ, aˬ cawˬ kʼoeˇ taˆ uˆ lahˇ-eu tsawˇ haˬ bi geuꞈ-awˇ, mˬ maˬ maˬ byaˆ zaˇ ziˇ bi taˬ huiˬ bi taˬ mahˇ nehˬ-eu meh.

Yawˇbaˆ 36:7 ပူးပေါင်းရင်းမြစ်များ

Aˇ dahˬ 23:6

“Aˬ yuiꞈ-oˇ, nga maꞈ ehˇ gaˇ tiˬ poˆ naˇ haˬ nehˬ laꞈ sheˇ. Nga maꞈ nawˬ-ahˇ, baoˬ ahˇ-eu aˬ yuiꞈ aˬ tsu tiˬ gʼaˬ loꞈ-ehˇ sawˇ taˬ-euˬ ma. Nga maꞈ-euˬ lmˬ bymˇ laꞈ kʼoeˇ jawˇ duˬ kʼaˇ tsaˬ dzehˬ-eu tsahˇ-ahˇ, nawˬ-euˬ nymˇ dahˬ-ahˇ baꞈ pahˬ nehˬ nya tehꞈ-a. Nawˬ-euˬ nymˇ dahˬ-ahˇ nga maꞈ-euˬ lmˬ bymˇ laꞈ kʼoeˇ bi baꞈ pahˬ-eu gʼaˇ duˬ, nga maꞈ yawˬ gʼaˬ na luꞈ nui ma tsaˬ-eu ma.”

Aˇ dahˬ 41:40

Ngaˇ nawˬ-ahˇ ngaˬ-euˬ miˇ kʼahˬ kʼoeˇ taˆ uˆ lahˇ-eu gʼaˬ bi geuꞈ-awˇ, ngaˬ-euˬ tsawˇ haˬ dawˬ tawˆ luꞈ, nawˬ-euˬ ehˇ dawˬ-ahˇ bi naˇ haˬ ma. Nawˇ naˆ maˬ tseˇ baoˬ huiˬ dzehˬ-eu tsawˇ haˬ ngaˇ tiˬ gʼaˬ jawˇ-eu tehꞈ ma.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Iˇsaˬtaˆ 10:3

Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Yawˇbaˆ 22:29

Nui ma huiˬ-eu mahˇ-eu tsawˇ haˬ-ahˇ Miˬyehˇ dehˬ awˆ-awˇ, nui ma nahˬ yu ni gʼeh-eu tsawˇ haˬ-ahˇ aˬ yawꞈ ka kʼoꞈ tehꞈ-a.

Yawˇbaˆ 31:4

Ngaˇ kʼaˇ mˇ-eu yawˬ jeˬ na luꞈ-ahˇ Miˬyehˇ siˬ nya-awˇ, ngaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ mawˇ luꞈ meh.

Yawˇbaˆ 4:7

Dzeuˇ laˇ-euˬ gaˇ kawˆ-ahˇ paˇ shaˇ noeˬ haw sheˇ. Yaw tsaˬ yaw dawˇ tsawˇ haˬ tiˬ gʼaˬ na, shaˬ-eu zahˬ-eu jeˬ-ahˇ ya tahˬ puˬ haw-euˬ jaˆ ta loˇ.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Yawˇbaˆ 5:11

Nui nahˬ nui yu -ahˇ ciˬ huiˬ-awˇ, Ngoeˇ-eu deuˬ laˬ kʼaˬ ya cehˇ ni, caw ba nehˬ-eu gʼaˬ Miˬyehˇ meh.

Jaceuq 33:16

Sahˬpaˬtiˬgʼaˬ guiˇmaꞈkʼaˆ-awˇ, guiˇdeuˆgʼaˬnya-eu maˬngeuˇ-a. Guiˇdzaˬaˬda gʼaˬkʼaˆshaˇ-awˇ, uˬkʼawˇdzeuˇni maˬmˇnya-a.

Jaceuq 33:18

SahˬpaˬMiˬyehˇ-euˬmyaˆnuiˆ-aˬ, yawꞈ-ahˇzeu-eu tsawˇhaˬhawˇ-eu, yawꞈgaˬgaˇgʼoe-eu tsawˇhaˬ-ahˇ, maˬtsehˆleˇni haw piˇ-eu meh.

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Jaceuq 34:16

Yaw haiˬmˇ-eu tsawˇhaˬdeuˬ-ahˇ, SahˬpaˬMiˬyehˇmaˬhaw cawˬ-ehˇ, yawꞈmaꞈshiˇngeh miˇtsaˬtahˬkʼawˇ, yawꞈmaꞈ-ahˇngehˇtsehˆtsehˆ-eu meh.

Jaceuq 41:12

Ngaˇyaw muiˬjeˬmˇ-eu miˇneh, nawˇngaˬ-ahˇcaw ba le tehꞈ-a. mˬmaˬmaˬbyaˆzaˇziˇngaˬ-ahˇ, nawˬ-euˬmehˬshi bi jawˇlaꞈ-awˬ.

Iˇsaˬyaˇ 22:23

Taꞈ cmˬ diˬ-euˬ loꞈ-ehˇ aˬ yawꞈ-ahˇ ngaˇ ziꞈ dah ni bi jaˆ-awˇ, aˬ yawꞈ baˬ da neh aˬ yawꞈ-euˬ aˬ yuiꞈ aˬ nyiˇ dawˬ tawˆ luꞈ myaˆ pyawˬ naˇ mehˇ jaˆ tehꞈ-a.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

2 Teˇsaˬloˇni 3:3

Ehˇ kʼawꞈ, Sahˬpaˬ Yeˬsuˇ saˇ jaˇ ziꞈ-eu meh. Aˬ yawꞈ naw maꞈ-ahˇ gʼaˬ biꞈ nehˬ laꞈ-awˇ, Haiˬ dui dui-eu Gʼaˬ-euˬ aˬ laꞈ laꞈ kʼoeˇ haw piˇ nehˬ laꞈ tehꞈ-a.

1 Beˬtuˆluˆ 3:12

Aˬ jeˬ miˇ neh ehˇnaˇ, yaw tsaˬ yaw dawˇ tsawˇ haˬ deuˬ-ahˇ, Sahˬpaˬ Miyehˇ haw piˇ nehˬ-awˇ, shaˇ dawˬ naˇ haˬ geuꞈ nehˬ-eu meh. Ehˇ kʼawꞈ yaw haiˬ mˇ-eu deuˬ-ahˇ, aˬ yawꞈ myaˆ haw maˬ cawˬ nahˇ-a.”

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.