Yawˇbaˆ 36:22 - Akha

²² “Miˬyehˇ-euˬ baoˬ aˇ naˆ ni huiˬ gaˇ noeˬ keuˆ-awˬ. Aˬ yawꞈ-aˬ, dawˬ tawˆ kʼoeˇ taˆ huiˬ-eu mehˬ-eu tsoˆ-eu gʼaˬ meh.

Yawˇbaˆ 36:22 ပူးပေါင်းရင်းမြစ်များ

Yawˇbaˆ 21:22

Yaw goˇ-ahˇ jawˇ-eu deuˬ-ahˇ yaˇ kʼaˬ daˇ luꞈ-eu Miˬyehˇ-ahˇ tsawˇ haˬ zaˬ mehˬ nehˬ tsoˆ nehˬ nya ta loˇ.

Yawˇbaˆ 25:2

“Miˬyehˇ-aˬ, baoˬ huiˬ dui dui-awˇ, dawˬ tawˆ luꞈ aˬ yawꞈ-euˬ mehˬ shi zahˬ dui dui leˇ-eu laꞈ kʼoeˇ ya yawꞈ tehꞈ-a. Aˬ yawꞈ-euˬ mˬ taˆ miˇ kʼahˬ-ahˇ aˬ yawꞈ coꞈ ngehˇ ni bi jaˆ-euˬ meh.

Yawˇbaˆ 33:12

Ehˇ kʼawꞈ, nawˇ yaw lehˬ meh lehˇ nawˬ-ahˇ ngaˇ ehˇ-eu ma. Miˬyehˇ-aˬ, tsawˇ haˬ yawˬ gʼaˬ na luꞈ naˆ maˬ tseˇ huiˬ dzehˬ meh.

Yawˇbaˆ 35:11

Jeˬ zaˬ hawˇ-eu aˇ jiˇ deuˬ naˆ maˬ tseˇ aˬ dui tsawˇ gahˇ ahˇ ni, aˬ dui-ahˇ zaˬ siˬ tsawˇ gahˇ biꞈ laꞈ-euˬ Miˬyehˇ-ahˇ, aˬ yawꞈ maꞈ maˬ tahˬ shaˇ leˇ-a.

Jaceuq 119:102

Nawˬ-euˬ gʼawˇ mawˇ ngaˬ-ahˇ mehˬ nehˬ tsoˆ nehˬ laꞈ-euˬ miˇ neh, nawˬ neh mehˬ-euˬ dawˬ-ahˇ ngaˇ maˬ byehˇ dzeh.

Jaceuq 25:5

Yaw tsaˬyaw dawˇmehˬnah iˇni, ngaˬ-ahˇmehˬnehˬtsoˆnehˬlaꞈ-awˬ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇpyeuꞈ-eu nawˬ-ahˇ, aˬmyah luꞈngaˇgʼoe luꞈ-eu ma.

Jaceuq 75:7

Yaˇ kʼaˬ daˇ-euˬ gʼaˬ Miˬyehˇ pyeuꞈ-awˇ, tiˬ deuˬ-ahˇ nawˬ awˆ-awˇ, tiˬ deuˬ-ahˇ gʼeu tuˇ nehˬ-eu meh.

Jaceuq 94:10

Tsawˇ jeuˬ dawˬ tawˆ luꞈ-ahˇ haw luꞈ pyaˆ luꞈ-eu gʼaˬ aˬ yawꞈ maꞈ-ahˇ maˬ kʼehˬ maˬ kʼaˆ nehˬ nya ta loˇ. Tsawˇ haˬ dawˬ tawˆ luꞈ-ahˇ mehˬ luꞈ tsoˆ luꞈ-eu gʼaˬ tsawˇ gahˇ maˬ ahˇ nmˇ loˇ.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Iˇsaˬyaˇ 14:5

Yaw haiˬ-euˬ daˇ cuiˇ dzoeˬ dzaˬ gawˬ yoeˬ, Sahˬpaˬ Miˬyehˇ neh bi ngawˬ kʼehꞈ-euˬ meh.

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Yeˬlaˬmiˇ 31:38

Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma ga kʼehˬ paw jaˆ-eu meuˬ-ahˇ loꞈ piˇ-eu Haˬnaˬneˬlaˇ nymˇ goˇ ahˇ neh laꞈ coeˇ lahˇ kʼehˬ-ahˇ doˆ ni, Yeˬluˇsaˬlehˬ meuˬ meuˬ lah-ehˇ, paˇ gawˬ ziꞈ-eu aˇ yamˬ keuˆ le luꞈ meh.

Daˬyeˬlaˇ 4:25

Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.

Daˬyeˬlaˇ 4:32

Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Luˇkaꞈ 1:52

Dzoeˬ dzaˬ sahˬ paˬ yaw gʼeh deuˬ-ahˇ, nuiˇ mahˬ-ahˇ neh gʼeu ka nehˬ-awˇ, nui nahˬ nui yu ahˇ-eu deuˬ-ahˇ, yaw goˇ-ahˇ ciˬ daˆ nehˬ-eu meh.

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Lormav 13:1

Tsawˇ haˬ yawˬ gʼaˬ na luꞈ miˇ kʼahˬ sahˬ paˬ uˆ lahˇ-eu uˬ moˆ ya jawˇ meh. Aˬ jeˬ miˇ neh ehˇ naˇ, Miˬyehˇ neh maˬ biꞈ-euˬ gaˇ, uˆ lahˇ-eu baoˬ maˬ jaˆ nya-a. Sahˬ paˬ sahˬ ma deuˬ-aˬ, Miˬyehˇ neh baoˬ biꞈ-awˇ bi uˆ lahˇ-euˬ deuˬ pyeuꞈ-eu meh.