Yawˇbaˆ 35:8 - Akha

⁸ Nawˇ iˬ baˇ mˇ-eu baˬ da neh nawˬ-euˬ tsawˇ haˬ deuˬ ya daˬ-awˇ, nawˇ yaw muiˬ jeˬ mˇ ngeh, aˬ yawꞈ maꞈ gʼaˇ duˬ gaˇ dahˇ tsoeˬ-euˬ tehꞈ meh.

Yawˇbaˆ 35:8 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 19:29

Lawˇtaˬ jawˇ luꞈ-eu deh ga laꞈ kʼoeˇ jaˆ-eu meuˬ kʼoeˇ nyiˬ meuˬ-ahˇ Miˬyehˇ laˆ cawˆ-euˬ kʼawꞈ, Miˬyehˇ-euˬ nui ma laꞈ kʼoeˇ Aˬbyaˬhaˬ-ahˇ noeˬ mawˇ-eu baˬ da neh, Lawˇtaˬ-ahˇ luˬ-iˇ seˇ-iˇ-eu jeˬ laꞈ kʼoeˇ bi buˬ-iˇ-euˬ meh.

Yawˇbaˆ 35:7

Nawˇ tsaˬ dui dawˇ dui dui-eu miˇ neh Miˬyehˇ-ahˇ mˇ tse nehˬ nya te loˇ.

Yawˇbaˆ 35:9

Tsawˇ haˬ zaˬ aˬ cawˬ kʼehˬ gaˇ ya daˬ ngeh ngoeˇ-awˇ, ka kʼoꞈ nehˬ-eu tsawˇ haˬ-ahˇ poˆ-eu meh.

Yawˇbaˆ 42:8

Nymˬ-mˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ Yawˇbaˆ jawˇ gaˇ tsahˇ gʼeh-awˇ, naw maꞈ-euˬ gʼaˇ duˬ lawˇ-awˬ, shehˇ-awˬ. Naw maꞈ gʼaˇ duˬ Yawˇbaˆ guiˬ lahˬ shaˇ gaˇ ngaˇ naˇ haˬ-awˇ, naw maꞈ-ahˇ geuˇ-eu loꞈ-ehˇ shaꞈ dawˇ-eu jeˬ ngaˇ maˬ bi keuˆ le. Naw maꞈ-aˬ, Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ maˬ ehˇ-a.”

Jaceuq 106:23

Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Jaceuq 106:30

Ehˇ kʼawꞈ Piˇnaˬhaˇ tuˇ laˇ-awˇ iˬ baˇ ahˇ-eu deuˬ-ahˇ kʼehˬ ngeh, naˇ gawˇ byoˆ-iˇ-euˬ meh.

Dawˬ tsoˆ 9:18

Zaˬ siˬ tsawˇ gahˇ-aˬ, guiˇ deuˆ-eu keu ka naˆ maˬ tseˇ gaˇ dahˇ tsoeˬ-eu meh. Ehˇ kʼawꞈ, iˬ baˇ zaˬ tiˬ gʼaˬ yaw muiˬ gʼawˬ mya jeˬ-ahˇ laˆ cawˆ nya-eu meh.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Yawˇnaˆ 1:12

Yawˇnaˆ ehˇ-eu, “Ngaˬ-ahˇ iˬ ma laˆ shaˆ laꞈ kʼoeˇ biˬ puꞈ-awˬ. Jaˬ lehˇ lehˇ ma baw-eu naˬ leˇ tehꞈ-a. Ngaˇ baˬ da neh kʼaˆ dui dui-eu jaˬ lehˇ lehˇ ma heu bahˬ-ahˇ naw maꞈ ya daˬ-eu meh.”

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

Yawˇshuˆ 22:20

Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ deuˬ-ahˇ taꞈ leˇ-awˇ, Aˬkaˬ neh mˇ-euˬ iˬ baˇ-ahˇ shaˇ noeˬ haw sheˇ. Kʼoeˇ baˬ da neh, Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ kʼehˬ-eu kʼaˆ-eu jeˬ-ahˇ ya daˬ-euˬ meh. Aˬ kaˬ-euˬ iˬ baˇ baˬ da neh, aˬ yawꞈ tiˬ gʼaˬ tehꞈ-ehˇ ya shiˇ-euˬ maˬ ngeuˇ-a.”