Yawˇbaˆ 31:31 - Akha

³¹ Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

Yawˇbaˆ 31:31 ပူးပေါင်းရင်းမြစ်များ

Yawˇbaˆ 19:15

Ngaˬ-euˬ nymˇ-ahˇ daˬ yah geuꞈ haw-euˬ deuˬ ngaˬ-ahˇ ngehˇ jiˇ-awˇ, ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, maˬ siˬ maˬ suˇ-eu boeˇ miˬ siˬ kʼaˬ tiˬ gʼaˬ loꞈ-ehˇ ngaˬ-ahˇ sawˇ nehˬ laꞈ-euˬ meh.

Yawˇbaˆ 19:22

Miˬyehˇ ngaˬ-ahˇ kʼehˬ-eu loꞈ-ehˇ naw maꞈ aˬ jeˬ gʼeh paˇ ya kʼehˬ ta. Naw maꞈ ngaˬ-ahˇ maˬ kʼehˬ dehˆ nyaˬ siˬ loˇ.

Yawˇbaˆ 22:7

Gʼaˬ doeˇ doeˇ-eu tsawˇ haˬ-ahˇ nawˇ iˇ cuꞈ maˬ bi dawˇ-ehˇ, hawˬ mehꞈ-eu tsawˇ haˬ-ahˇ nawˇ hawˬ maˬ bi dzaˬ-a.

Yawˇbaˆ 29:16

Shaˬ zaˬ zahˬ zaˬ deuˬ gʼaˇ duˬ ngaˇ aˬ da loꞈ-ehˇ pyeuꞈ-awˇ, boeˇ miˬ siˬ kʼaˬ deuˬ shaˬ laˇ ngeh caw ba nehˬ-euˬ ma.

Yawˇbaˆ 30:25

Noeˬ shaˬ noeˬ zahˬ-eu deuˬ nehˬ-ehˇ ngaˇ caw ngoeˇ-awˇ, maˬ jaˆ-eu tsawˇ haˬ-ahˇ ngaˇ gʼawˬ shaˬ gaˬ-euˬ maˬ ngeuˇ-a loˇ.

Yawˇbaˆ 31:32

Miˇ kʼahˬ-ahˇ cah-eu tsawˇ haˬ deuˬ gaˇ ma gaˇ dzeˇ maˬ bi yaꞈ ni, ngaˬ-euˬ nymˇ-ahˇ ha ahˇ-awˇ bi yaꞈ-euˬ ma.

Jaceuq 27:2

Haiˬ-eu deuˬngaˬ-ahˇsehꞈle ngeh, muiˇ-eu deuˬngaˬ-ahˇdawꞈle ngeh, sahˬtiꞈtiꞈ-awˇcoˬdzeh-eu meh.

Jaceuq 35:25

“Nui kʼahˇshiˇtaˆni miˇ-a” lehˇ, muiˇ-eu deuˬneh taˬ bi ehˇlaꞈ. “Aˬyawꞈ-ahˇmyoꞈahˇ-euˬma” lehˇ, ngaˬ-ahˇ aˬjaꞈtaˬbi jaꞈlaꞈ.

Dawqdaq 1:18

Ehˇ kʼawꞈ yawˬ ha uˬ kʼawˇ yawˬ ha laˆ deuˬ-eu lehˇ, tsawˇ haˬ kʼoeˇ deuˬ joe yuꞈ-awˇ loꞈ-eu meh. Yawˬ ha-ahˇ bi pyeuˆ sehꞈ-eu jeˬ beuˆ tahˇ luꞈ-eu meh.

Iˇsaˬyaˇ 58:10

mehꞈ-eu shuꞈ-eu deuˬ-ahˇ naw maꞈ dzaˬ dzaˬ dawˇ dawˇ biꞈ-awˇ, shaˬ-eu zahˬ-eu tsawˇ haˬ deuˬ-ahˇ ngehˬ gʼeh nehˬ naˇ, naw maꞈ tiˬ jawˬ jaˆ-eu yaw zahˇ dawˬ tawˆ, nah gʼahˇ loꞈ-ehˇ bya laˇ tehꞈ-a.

1 Saˬmeuˬlaˆ 24:10

Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.

1 Saˬmeuˬlaˆ 24:4

Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu. “Heu-aˬ, nawˬ-eu gʼaˇ duˬ yehꞈ dui dui laˇ-euˬ aˇ yamˬ ngaˇ. Nawˬ-ahˇ muiˇ-eu tsawˇ haˬ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ-awˇ, nawˇ kʼaˇ jahˇ nehˬ mawꞈ-eu jeˬ jahˇ nehˬ nya meh lehˇ, Sahˬpaˬ Miˬyehˇ neh ehˇ taˬ-euˬ kʼoeˇ iˬ nah keuˆ le-euˬ ngaˇ.” Kʼoeˇ ngeh, Daˬbiˇ aˬ ya ya-ehˇ joe joe-ehˇ iˇ-awˇ, Sawˇluˆ-ahˇ maˬ bi siˬ leˇ ni, aˬ yawꞈ-euˬ pehˇ kʼahˬ pehˇ dahˬ yehˬ tsehˆ-euˬ meh.

1 Saˬmeuˬlaˆ 26:8

Daˬbiˇ-ahˇ Aˬbiˇshaiˇ ehˇ nehˬ-eu, “Nymˇ ciꞈ nawˬ-ahˇ muiˇ-eu gʼaˬ-ahˇ, nawˬ-euˬ aˬ laꞈ laꞈ kʼoeˇ Miˬyehˇ a nehˬ laꞈ-euˬ ngaˇ. Aˬ yawꞈ-euˬ gahˬ neh aˬ yawꞈ-ahˇ miˇ tsa tsawˆ tsoˆ nehˬ-eu gʼaˇ duˬ ngaˬ-ahˇ aˬ kawˬ-aˬ biꞈ laꞈ-awˬ. Nyiˬ laꞈ luꞈ tuˆ tehˬ-awˇ maˬ tsawˆ ni, tiˬ laꞈ tehꞈ-ehˇ tsawˆ ma.”