Yawˇbaˆ 31:3 - Akha

³ Mˇ lehˬ shaˇ lehˬ-euˬ tsawˇ haˬ deuˬ kʼoeˇ taˆ, luˬ-iˇ seˇ-iˇ-eu jeˬ aˬ yawꞈ bi keuˆ le-euˬ meh.

Yawˇbaˆ 31:3 ပူးပေါင်းရင်းမြစ်များ

2 Saˬmeuˬlaˆ 18:10

Daˬbiˇ-euˬ tsawˇ haˬ tiˬ gʼaˬ Yoˇbaˬ jawˇ gaˇ iˇ-awˇ, “Aˬbaˇsaˬloˬ tsuiꞈ kaˆ aˇ bawˇ-ahˇ ngeuˬ luꞈ-eu ngaˇ mawˇ yaꞈ-euˬ ma” lehˇ ehˇ nehˬ-euˬ meh.

Yawˇbaˆ 18:12

Aˬ yawꞈ smˇ muiˬ muiˬ-euˬ kʼawꞈ, nymˬ-mˇ hawˬ mehꞈ mehꞈ luꞈ meh. Luˬ-iˇ seˇ-iˇ-eu jeˬ aˬ yawꞈ dawˬ peh yawꞈ-awˇ aˬ yawꞈ-ahˇ loꞈ luꞈ meh.

Yawˇbaˆ 20:29

Heu-aˬ, haiˬ-eu tsawˇ haˬ-euˬ guiˬ lahˬ meh. Miˬyehˇ neh aˬ yawꞈ maꞈ kʼoeˇ taˆ bi keuˆ le-euˬ guiˬ lahˬ heu naˆ tehꞈ meh.”

Yawˇbaˆ 21:17

Haiˬ-eu tsawˇ haˬ-euˬ tsiˇ kʼmˬ bi baw miˆ haw taˬ loˇ. Aˬ yawꞈ maꞈ tiˬ gʼaˬ na luˬ-iˇ seˇ-iˇ-eu jeˬ-ahˇ ya tahˬ puˬ haw taˬ loˇ. Haiˬ-eu tsawˇ haˬ-ahˇ Miˬyehˇ nui ma pehˇ-awˇ kʼehˬ nehˬ haw-euˬ jaˆ-awˇ,

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

Yawˇbaˆ 31:23

Miˬyehˇ yaˇ kʼaˬ daˇ gaˇ ngaˇ guˆ-eu miˇ neh, kʼoeˇ loꞈ-ehˇ gʼeh-eu jeˬ tiˬ jawˇ-iˬ ngaˇ maˬ mˇ-aˬ.

Yawˇbaˆ 34:22

Miˬyehˇ maˬ bi mawˇ nya ni iˬ baˇ zaˬ deuˬ cehˆ zaꞈ nya paˬ-ehˇ jawˇ duˬ yaw zahˇ maˬ jaˆ-a.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Jaceuq 73:18

Aˬ kuiˇ maˬ nawˬ tehˬ ziꞈ nya-eu juˇ dui dui-eu jawˇ duˬ-ahˇ, aˬ yawꞈ maꞈ-ahˇ nawˇ sheuˬ taˬ-awˇ, bi luˬ bi seˇ-iˇ tehꞈ-a.

Dawqdaq 1:27

Shaˬ zahˬ jaˬ lehˇ lehˇ ma oe-awˇ, guˆ-eu gaˆ-eu jaˬ lehˇ lehˇ zeuˆ keuˆ le ngeh, naw maꞈ laˇ baˇ-iˇ tehꞈ-a.

Dawqdaq 10:29

Yaw sui yaw dawˇ deuˬ-ahˇ Sahˬpaˬ Miˬyehˇ haw piˇ-awˇ, yaw haiˬ jeˬ mˇ-eu deuˬ-ahˇ aˬ yawꞈ laˆ cawˆ-eu meh.

Dawqdaq 21:15

Dawˇ coe ni yaˇ kʼaˬ daˇ ngeh, tsawˇ muiˬ laˬ kʼaˬ cehˇ-awˇ, tsawˇ doeˇ nui ma suˬ saˬ-eu meh.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Bawˇtsahˬ 16:30

Ehˇ kʼawꞈ, tiˬ jawˇ-iˬ maˬ gaˬ haw-euˬ jeˬ Sahˬpaˬ Miˬyehˇ mˇ-eu laꞈ kʼoeˇ, aˬ yawꞈ maꞈ hawˇ-eu aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ tiˬ kawˆ loꞈ-ehˇ shiˇ-eu miˇ kʼahˬ-ahˇ ga keuˆ-iˇ ni, miˇ tsaˬ tsawˬ paˆ laˇ-awˇ aˬ yawꞈ maꞈ-ahˇ myoꞈ ahˇ naˇ, aˬ yawꞈ maꞈ Sahˬpaˬ Miˬyehˇ-ahˇ byehˇ dzeh-euˬ meh lehˇ naw maꞈ ya siˬ tehꞈ-a.”

Maꞈtehˬ 7:13

“Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

2 Beˬtuˆluˆ 2:1

Aˇ hu ba-euˬ tsawˇ haˬ deuˬ jawˇ gaˇ maˬ ngeuˇ-eu Miˬyehˇ gʼaˇ duˬ ngehˬ dah-eu deuˬ doˆ le haw-euˬ loꞈ-ehˇ, naw maꞈ jawˇ gaˇ maˬ ngeuˇ-eu mehˬ-eu tsoˆ-eu saˬ laˬ deuˬ doˆ le tehꞈ-a. Yaw cawˆ jeˬ hawˇ-eu maˬ tsaˬ-eu jah-eu jeˬ aˬ yawꞈ maꞈ hehˇ ahˇ laꞈ-awˇ, aˬ yawꞈ maꞈ-ahˇ ka kʼoꞈ nehˬ-euˬ Sahˬpaˬ-ahˇ maˬ siˬ lehˇ ehˇ tehꞈ-a. Kʼoeˇ miˇ neh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ yaw kawˇ-ehˇ keuˆ le ni yawˬ haˇ ha mˇ gaˇ duˇ-eu meh.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

Yaˇ kʼaˬ daˇ 9:53

Ehˇ kʼawꞈ, zaˬ miˬ zaˬ tiˬ gʼaˬ neh aˬ yawꞈ-euˬ uˬ duˬ-ahˇ lo lehˬ pyehˬ deh-awˇ, aˬ yawꞈ-euˬ uˬ duˬ kmˬ paˆ-iˇ-euˬ meh.