Yawˇbaˆ 31:24 - Akha

²⁴ Pyuˇ shuiˇ myawˬ gahˬ-ahˇ ngaˇ tiˬ jawˇ-iˬ nui kʼaˬ maˬ tsmˬ-ehˇ,

Yawˇbaˆ 31:24 ပူးပေါင်းရင်းမြစ်များ

Aˇ dahˬ 31:1

“Ngaˬ da-euˬ myawˬ gahˬ dawˬ tawˆ luꞈ, Yaˬkoˆ neh yuˇ geuꞈ jiˇ-euˬ meh. Yaˬkoˆ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, ngaˬ da-euˬ tehꞈ meh” lehˇ, Laˬbaˬ-euˬ aˬ li deuˬ ehˇ luꞈ-eu Yaˬkoˆ ya gaˬ-euˬ meh.

Yawˇbaˆ 22:24

Nawˬ-euˬ shuiˇ biˬ dzeh-awˬ. Muiˬ dui dui-eu nawˬ-euˬ shuiˇ deuˬ-ahˇ gui coˇ ni gʼeh-eu lawˇ baˬ dawˬ dah tahˬ dzeh-awˬ.

Jaceuq 49:17

Aˬ yawꞈ shiˇ ngeh kʼoeˇ deuˬ maˬ yuˇ kʼoꞈ gʼeh nya-a. Lmˬ bymˇ laꞈ kʼoeˇ aˬ yawꞈ nehˬ-ehˇ maˬ hehˇ ahˇ gʼeh nya-a.

Jaceuq 52:7

“Yawˬ ha-euˬ pyuˇ shuiˇ myawˬ gahˬ-ahˇ nui kʼaˬ tsmˬ-awˇ, yaw haiˬ jeˬ-ahˇ gʼoe-awˇ yaw dehꞈ dehꞈ-eu, Miˬyehˇ-ahˇ maˬ gʼoe-eu tsawˇ haˬ teu gʼaˬ-ahˇ haw-awˬ” lehˇ ehˇ tehꞈ-a.

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Dawqdaq 10:15

Smˇ muiˬ zaˬ-euˬ myawˬ gahˬ-aˬ, ziꞈ dah ni tsoˆ taˬ-euˬ meuˬ-ahˇ duˇ-awˇ, iˇ shaˬ zaˬ-euˬ myawˬ kuˬ-aˬ, cawˆ-iˇ-euˬ meuˬ-ahˇ duˇ-eu meh.

Dawqdaq 11:28

Yawˬ ha-euˬ pyuˇ shuiˇ myawˬ gahˬ-ahˇ nui ma huiˬ-eu tsawˇ haˬ, aˇ paꞈ paꞈ kuˬ ga-iˇ gaˇ duˇ-awˇ, yaw tsaˬ yaw dawˇ tsawˇ haˬ baw nmˬ nmˬ laˇ tehꞈ-a.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Yeˬsaˬgeˬlaˇ 28:5

Gaꞈ-eu tsawˇ gahˇ byah-eu miˇ neh, jiˇ jeuˬ jeuˬ dui za dui dui-awˇ, Nawˬ-euˬ pyuˇ shuiˇ myawˬ gahˬ kʼoeˇ taˆ, nawˇ nui ma huiˬ laˇ taˬ-eu meh.

Maˬkuˆ 10:23

Yeˬsuˇ aˬ yawꞈ-euˬ zaˬ lahˇ deuˬ jawˇ paw ciˬ pyawˇ-awˇ ehˇ-eu, “Smˇ muiˬ smˇ baw deuˬ Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.”

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.