21 Muˇ coe aˬ nmˇ-ahˇ ngaˇ yaˇ kʼaˬ ja gʼaˬ nya ma lehˇ noeˬ-awˇ,
Miˬ coeˬ miˬ ma deuˬ-ahˇ nawˇ ngehˬ maˬ gʼeh ni byehˇ taˬ-euˬ uˬ taꞈ, muˇ coeˬ aˬ nmˇ deuˬ-ahˇ nawˇ kʼaˆ dzaˬ-awˇ yehˬ bawˬ-ehˇ gʼeh nehˬ-euˬ meh.
Haiˬ-eu tsawˇ haˬ deuˬ aˬ da maˬ baw-eu zaˬ deuˬ-ahˇ zaˬ kʼaˆ bi geuꞈ-awˇ, shaˬ zaˬ zahˬ zaˬ-euˬ aˬ buˇ aˬ li deuˬ-ahˇ dziˇ dzoˆ sawˇ geuꞈ-eu meh.
Yaw shaˬ zaˬ deuˬ guˇ-eu ya gaˬ ngeh, ngaˇ caw ba nehˬ-euˬ ma. Laꞈ jeuˬ shaˇ kʼaˇ maˬ za-eu muˇ coe aˬ nmˇ deuˬ-ahˇ ngaˇ ngehˬ gʼeh nehˬ-euˬ ma.
Meuˬ-euˬ aˬ yuiꞈ aˬ tsu deuˬ tahˬ dzoeˇ-awˇ, aˬ yawꞈ maꞈ mehˬ shi ngaˇ kʼaˇ nuiˇ leˇ ngeh,
Ngaˇ ya dzaˬ ya dawˇ dehˆ ngeh muˇ coe aˬ nmˇ deuˬ-ahˇ maˬ bi mehꞈ-aˬ.
ngaˬ-euˬ yawˇ yawˇ maꞈ-euˬ caꞈ hm tehˬ-awˇ zaꞈ-euˬ, yawˇ caꞈ hm mehˬ tsoeˬ biꞈ nehˬ-euˬ miˇ neh, aˬ yawꞈ-euˬ nui ma laꞈ kʼoeˇ keuˆ ni ngaˬ-ahˇ guiˬ lahˬ huiˬ-eu meh.
Muˇ coe aˬ nmˇ zaˬ kʼaˆ deuˬ-ahˇ naw maꞈ kʼehˬ-awˇ, naw maꞈ-ahˇ gʼoeˇ-eu cawˬ deuˬ kʼoeˇ taˆ gahˇ dzaˬ-eu meh.
Shaˬ zaˬ zahˬ zaˬ hawˇ-eu muˇ coe aˬ nmˇ deuˬ-ahˇ yaw muiˬ paˬ-ehˇ haw piˇ nehˬ-awˬ. Shaˬ-eu zahˬ-eu tsawˇ haˬ hawˇ-eu, tahˬ shaˇ kʼaˇ maˬ za-eu deuˬ-ahˇ, dawˇ coe ni haw nehˬ pyaˆ nehˬ-awˬ.
Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.
Meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ, yawˬ ha-euˬ aˬ ma aˬ da-ahˇ yaw zeu maˬ baw-a. Aˬ cawˬ tsawˇ jeuˬ-ahˇ nawˇ mehˇ shuiˇ shuiˇ dzaˬ-awˇ, miˬ coeˬ miˬ ma hawˇ-eu muˇ coe aˬ nmˇ deuˬ-ahˇ nawˇ yehˬ bawˬ-ehˇ gʼeh nehˬ-euˬ meh.
Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.