Yawˇbaˆ 31:10 - Akha

¹⁰ ngaˬ-euˬ miˬ zaˬ aˬ cawˬ aˬ da-ahˇ dzaˇ bi jahˇ nehˬ-awˇ, aˬ cawˬ aˬ da nehˬ-ehˇ bi joe luꞈ-uˇ.

Yawˇbaˆ 31:10 ပူးပေါင်းရင်းမြစ်များ

2 Saˬmeuˬlaˆ 12:11

Nawˬ-euˬ nymˇ kʼahˬ zaˬ tiˬ gʼaˬ na baˬ da neh, nawˬ-euˬ nymˇ jiˇ kʼoeˇ taˆ shaˬ-eu zahˬ-eu jeˬ bi keuˆ le ma lehˇ ngaˇ kamˬ-eu ma. Nawˬ-euˬ miˬ zaˬ deuˬ-ahˇ ngaˇ yuˇ-awˇ, yawˬ gʼaˬ yawˬ-ahˇ biꞈ nehˬ ngeh, ngaˬ neh ehˇ-euˬ loꞈ-ehˇ ngaˇ aˬ diˇ mˇ luꞈ-eu ngaˇ lehˇ siˬ nya-awˬ. Nah gʼahˇ nah gaˆ-ahˇ, nawˬ-euˬ miˬ zaˬ deuˬ nehˬ-ehˇ aˬ yawꞈ yuꞈ taꞈ jawˇ taꞈ tehꞈ-a.

2 Saˬmeuˬlaˆ 12:12

Nawˇ ciˬ cuˇ ni iˬ baˇ mˇ kʼoeˬ-euˬ kʼawꞈ, Iˇsaˬleˬlaˆ tsawˇ haˬ dawˬ tawˆ luꞈ ya mawˇ ni, nah gʼahˇ nah gaˆ-ahˇ ngaˇ kʼoeˇ loꞈ-ehˇ bi pyeuꞈ laˇ ma’ lehˇ ehˇ-eu meh.”

Yawˇbaˆ 31:22

aˬ yawꞈ kʼoeˇ taˆ ngaˇ myawꞈ dzaˬ gahˇ dzaˬ-euˬ jaˆ naˇ, ngaˬ-euˬ aˬ laꞈ nyiˬ laꞈ luꞈ kʼehꞈ tsehˆ-awˇ, baꞈ pu yaw dahˬ-ehˇ ya jawˇ luꞈ-uˇ.

Doˆ-iˇ 11:5

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ tehꞈ-a. Sahˬ paˬ geuꞈ-eu gʼaˇ duˬ, sahˬ paˬ-euˬ jeˬ biˇ ya gʼaˬ-euˬ sahˬ paˬ-euˬ aˬ li-ahˇ neh, cehˇ tahˬ tahˬ-eu zaˬ miˬ zaˬ zaˬ kʼaˆ-euˬ aˬ li-ahˇ keuˆ ni, ya shiˇ tehꞈ-a. Jeˬ zaˬ deuˬ laꞈ kʼoeˇ kʼawꞈ, dehꞈ beh beh le-euˬ deuˬ ya shiˇ tehꞈ-a.

Iˇsaˬyaˇ 47:2

Kʼaˬ lo lo lehˬ ngawˬ-awˇ cehˇ meu lehˬ-awˬ. Uˬ boeˬ lehˆ-awˇ, mehˬ tsoeˬ yaw muiˬ lehˆ-awˬ. Laˬ gʼaˬ sheu luiˆ daˆ-awˇ lawˇ baˬ tsehˆ-awˬ.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Maꞈtehˬ 24:41

Zaˬ miˬ zaˬ nyiˬ gʼaˬ cehˇ tahˬ tahˬ luꞈ gaˇ, tiˬ gʼaˬ-ahˇ sheuˬ gʼeh-awˇ, tiˬ gʼaˬ-ahˇ byehˇ yaꞈ tehꞈ-a.

Dawˬmehˬ 28:30

“Zaˬ miˬ aˬ buˇ tiˬ gʼaˬ-ahˇ sheuˬ-eu gʼaˇ duˬ nawˇ ngehˬ cawˬ tsehˆ taˬ kʼawꞈ, aˬ cawˬ neh bi sheuˬ geuꞈ tehꞈ-a. Nawˇ nymˇ tsoˆ kʼawꞈ, nawˬ neh tsoˆ-euˬ nymˇ-ahˇ nawˇ tiˬ jawˇ-iˬ maˬ ya jawˇ-aˇ. Aˬ gaꞈ yaˇ kmˇ mˇ kʼawꞈ, aˬ gaꞈ aˇ siˬ nawˇ tiˬ jawˇ-iˬ maˬ ya dzaˬ-aˇ.