Yawˇbaˆ 3:13 - Akha

¹³ Ngaˇ kʼoeˇ ngeh neh shiˇ dzeuˇ-euˬ law nmˇ-aˬ, nymˬ-mˇ saˇ lehˆ ni ya naˬ luꞈ-awˇ,

Yawˇbaˆ 3:13 ပူးပေါင်းရင်းမြစ်များ

Yawˇbaˆ 10:21

Ngaˇ nymˬ-mˇ ya iˇ byoˆ gʼeh-awˇ maˬ paˇ ya gʼoꞈ doˆ laˇ meh. Zahˇ tsui ni gʼeh-eu miˇ kʼahˬ-ahˇ ngaˇ ya iˇ meh.

Yawˇbaˆ 10:22

Yaw zahˇ jeˬ hawˇ-eu yaw bahˬ yaw lahˇ-ehˇ gʼeh-eu jeˬ tehꞈ-ehˇ byah luꞈ-eu, yaw shehꞈ kʼawꞈ yaw zahˇ loꞈ-ehˇ gʼeh-eu miˇ kʼahˬ-ahˇ ngaˇ iˇ-eu ma.”

Yawˇbaˆ 14:20

Tsawˇ haˬ tiˬ gʼaˬ-ahˇ nawˇ gʼaˬ leˇ-awˇ gaˇ mahˇ kaˬ gaˇ teh byoˆ gʼeh-eu meh. Aˬ yawꞈ-ahˇ nawˇ miˇ kʼahˬ poˆ laˆ tsahˇ paˇ nehˬ-awˇ bi iˇ byoˆ gʼeh-eu meh.

Yawˇbaˆ 16:22

Ngaˬ-euˬ aˇ kʼoꞈ aˇ la deuˬ dzeuˇ-iˇ luꞈ-awˇ, gʼoꞈ dmˇ dzeh laˇ-eu maˬ baw-eu gaˇ ma-ahˇ ngaˇ cah luꞈ-eu ma.

Yawˇbaˆ 17:13

Ngaˇ noeˬ tmˬ duˬ tiˬ tsahˇ jaˆ-eu tehꞈ ma. Kʼoeˇ-aˬ, zahˇ tsui ni gʼeh gaˇ ngaˇ ya coˬ yuꞈ-eu, shiˇ-eu miˇ kʼahˬ kʼoeˇ tsahˇ meh.

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Yawˇbaˆ 19:27

Ngaˬ-euˬ myaˆ nuiˆ neh aˬ yawꞈ-ahˇ ya mawˇ-awˇ, aˬ yawꞈ-aˬ, boeˇ miˬ siˬ kʼaˬ loꞈ-ehˇ maˬ paˇ ngeuˇ-aˇ. Ngaˬ-euˬ nui ma ga ka-iˇ miˇ-a.

Yawˇbaˆ 21:13

Aˬ yawꞈ maꞈ yaw dehꞈ dehꞈ-eu nui saˇ oꞈ-awˇ, saˇ lehˆ ni ziˇ jiˇ leˇ-eu meh.

Yawˇbaˆ 21:23

Tsawˇ haˬ tiˬ gʼaˬ pyuˇ shuiˇ myawˬ gahˬ tiˬ byah jaˆ-awˇ, laˬ kʼaˬ cehˇ nui saˇ za-eu laꞈ kʼoeˇ ziˇ dehꞈ jiˇ-euˬ meh.

Yawˇbaˆ 21:26

Ehˇ kʼawꞈ, nyiˬ gʼaˬ luꞈ tiˬ kawˆ loꞈ-ehˇ bi duˬ pahˬ-awˇ, buˬ joe kuˬ lah bi lah leˇ jiˇ-euˬ meh.

Yawˇbaˆ 24:19

Nahˇ tsaˇ tsoꞈ-awˇ yaw lahˇ lahˇ gaˇ, ngehˇ ngehˇ km guiˇ byoˆ-eu loꞈ-ehˇ, iˬ baˇ mˇ-eu tsawˇ haˬ deuˬ dehꞈ-eu miˇ kʼahˬ laꞈ kʼoeˇ ya byoˆ-iˇ tehꞈ-a.

Yawˇbaˆ 24:20

Aˬ yawꞈ-euˬ zaˬ baw aˬ ma kʼawꞈ aˬ yawꞈ-ahˇ ngehˇ-euˬ meh. Aˬ yawꞈ-euˬ gʼawˇ mawˇ-ahˇ buˬ joe neh bi dzaˬ jiˇ-awˇ, lawˇ-iˇ-euˬ aˇ bawˇ loꞈ-ehˇ cawˆ-iˇ-eu meh.

Yawˇbaˆ 26:5

Shiˇ dzeuˇ-euˬ tsawˇ haˬ deuˬ-euˬ yaw sahˇ deuˬ, miˇ tsaˬ dawˬ dah jaˆ-eu iˇ cuꞈ laꞈ kʼoeˇ yaw dzuˬ dzuˬ luꞈ meh.

Yawˇbaˆ 26:6

Shiˇ-eu miˇ kʼahˬ dehˬ kaˬ taˬ-euˬ jeˬ maˬ jaˆ-ehˇ, Miˬyehˇ mehˬ shi bya tsehˆ ni jaˆ-eu meh.

Yawˇbaˆ 3:12

Aˬ jeˬ miˇ neh ngaˬ ma ngaˬ-ahˇ aˬ yawꞈ-euˬ bawˇ kʼahˇ-ahˇ ciˬ-awˇ, aˬ coeˇ bi dawˇ nehˬ laꞈ taˬ.

Yawˇbaˆ 34:22

Miˬyehˇ maˬ bi mawˇ nya ni iˬ baˇ zaˬ deuˬ cehˆ zaꞈ nya paˬ-ehˇ jawˇ duˬ yaw zahˇ maˬ jaˆ-a.

Yawˇbaˆ 7:21

Ngaˬ-euˬ iˬ baˇ-ahˇ nawˇ maˬ pyehˬ nehˬ nya nya loˇ. Ngaˬ neh mˇ lehˬ-euˬ jeˬ-ahˇ maˬ taˬ nehˬ nya-a loˇ. Gʼawˬ myahˇ maˬ gʼeh-ehˇ ngaˇ lmˬ bymˇ-ahˇ ya yuꞈ-awˇ, nawˇ ngaˬ-ahˇ poˆ le ngeh-aˬ, ngaˇ maˬ paˇ dehꞈ-aˇ.”

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Yeˬsaˬgeˬlaˇ 32:27

Aˇ hu nui ma kʼaˬ duˬ ni gʼeh-eu aˬ yuiꞈ aˬ tsu deuˬ shiˇ-eu miˇ kʼahˬ-ahˇ iˇ ngeh, mi cehˇ-ahˇ mˬ gʼmˬ bi gʼmˬ-awˇ, gʼawˇ mawˇ-ahˇ dehˬ daˬ duˬ dehˬ kaˬ nehˬ-eu laꞈ kʼoeˇ, guiˇ deuˆ-eu keu ka tiˬ kuꞈ hehˇ-awˇ bi iˇ-euˬ meh. Ehˇ kʼawꞈ, aˬ yawꞈ nyaꞈ-ahˇ duˬ pahˬ nehˬ ngeh kʼoeˇ loꞈ-ehˇ maˬ jahˇ nehˬ-aˬ. Nui ma kʼaˬ duˬ ni gʼeh-eu aˬ yuiꞈ aˬ tsu kʼoeˇ deuˬ-ahˇ, dehꞈ-eu miˇ kʼahˬ-ahˇ jawˇ ngeh aˬ cawˬ guˆ dui dui-euˬ meh.