Yawˇbaˆ 28:26 - Akha

²⁶ Uˬ yehˇ bi yehˇ le-eu pehˇ tsahˇ aˬ yawꞈ laˆ baw-awˇ, mˬ jeˬ tsawˬ tehˆ-euˬ gaˇ ma beh nehˬ ngeh,

Yawˇbaˆ 28:26 ပူးပေါင်းရင်းမြစ်များ

Yawˇbaˆ 28:27

zaˬ siˬ tsawˇ gahˇ-ahˇ aˬ yawꞈ mawˇ-awˇ, aˇ naˆ ni poeˬ-eu lawˬ haw-euˬ meh. Kʼoeˇ ngeh, zaˬ siˬ tsawˇ gahˇ-euˬ poeˬ sawˇ lawˬ aˬ yawꞈ daˇ tsehˆ-euˬ meh.

Yawˇbaˆ 36:26

Aˬ yawꞈ aˇ naˆ ni huiˬ-eu mahˇ-eu aˬ dui maˬ siˬ duˬ nya-ehˇ, aˬ yawꞈ-euˬ aˇ kʼoꞈ aˇ la aˬ dui maˬ toꞈ nya-a.

Yawˇbaˆ 36:27

“Miˇ tsaˬ-ahˇ dahˬ-eu iˇ cuꞈ yuˇ-awˇ, uˬ yehˇ jahˇ pyeuꞈ-eu gʼaˬ Miˬyehˇ meh.

Yawˇbaˆ 36:29

Miˬyehˇ jawˇ-eu mˬ kʼoeˇ taˆ yaw goˇ-ahˇ, mˬ dmˇ aˬ joˆ-ehˇ zaw-awˇ, mˬ jeˬ aˬ joˆ-ehˇ jeˬ-eu gaˇ kawˆ, tsawˇ haˬ tiˬ gʼaˬ-iˬ maˬ siˬ nya-a.

Yawˇbaˆ 36:32

Mˬ jeˬ tsawˬ tehˆ-ahˇ aˬ yawꞈ tuˆ tehˬ-awˇ, kʼaˇ noeˬ-euˬ gaˇ bi zaw leˇ-eu gʼaˇ duˬ dawˬ biꞈ-eu meh.

Yawˇbaˆ 37:11

Mˬ dmˇ-ahˇ uˬ yehˇ dzuiꞈ tiˬ byah ni bi tawˬ-awˇ, mˬ dmˇ kʼaˇ jaˆ gaˇ mˬ myawꞈ bi myawꞈ-eu meh.

Yawˇbaˆ 37:2

Mˬ jeˬ jeˬ-eu loꞈ-ehˇ Miˬyehˇ-euˬ kʼaˬ meh-ahˇ neh doˆ le-eu, aˬ yawꞈ-euˬ dawˬ-ahˇ naw maꞈ yawˬ gʼaˬ na luꞈ naˇ haˬ-awˬ.

Yawˇbaˆ 37:3

Miˇ tsaˬ tahˬ kʼawˇ heu dzeˇ kʼoeˇ dzeˇ doˆ ni, mˬ kʼoeˇ taˆ aˬ yawꞈ mˬ myawꞈ bi myawꞈ-eu meh.

Yawˇbaˆ 37:4

Mˬ jeˬ tsawˬ tehˆ tehˆ ngeh, baoˬ huiˬ-eu aˬ yawꞈ-euˬ teˇ saˇ mˬ jeˬ jeˬ-eu loꞈ-ehˇ mahˇ doˆ laˇ-eu meh.

Yawˇbaˆ 37:6

Ngehˇ hawˇ-eu uˬ yehˇ miˇ tsaˬ kʼoeˇ taˆ ga le ni aˬ yawꞈ dawˬ biꞈ-eu meh.

Yawˇbaˆ 38:25

Uˬ yehˇ bi yoeˇ le-eu uiˇ kʼehˬ caˬ-awˇ, mˬ jeˬ tsawˬ tehˆ bi oe-eu gaˇ ma laˆ dahˇ-euˬ gʼaˬ aˬ suˇ gʼaˬ-a.

Yawˇbaˆ 38:26

Tsawˇ haˬ tiˬ gʼaˬ-iˬ maˬ jawˇ-eu jawˇ duˬ-ahˇ uˬ yehˇ bi yehˇ le-eu gʼaˬ aˬ suˇ gʼaˬ-a.

Yawˇbaˆ 38:27

Yaˇ moꞈ bi dehꞈ doˆ laˇ nya ni, gui coˇ ni gʼeh-eu miˇ tsaˬ-ahˇ, iˇ cuꞈ shehˬ-eu gʼaˬ aˬ suˇ gʼaˬ-a.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Dawqdaq 8:22

Aˇ hu tiˬ jeˬ-iˬ maˬ beh mi naˆ-ehˇ, Sahˬpaˬ Miˬyehˇ ngaˬ-ahˇ jeˬ huˬ beh-euˬ meh. aˬ yawꞈ neh beh dawꞈ dawꞈ-euˬ gʼaˬ ngaˇ ma.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Zaˬkaˬliˇ 10:1

Yeˇ gʼahˇ jiˇ taw uˬ yehˇ jaˆ ni, Sahˬpaˬ Miˬyehˇ-ahˇ shaˇ geuꞈ-awˬ. Jaˬ lehˇ lehˇ ma hawˇ-eu mˬ dmˇ, Sahˬpaˬ Miˬyehˇ neh beh-euˬ meh. Uˬ yehˇ aˬ yawꞈ neh bi yehˇ-awˇ, tsawˇ haˬ-euˬ yaˇ yawˬ kawˬ na luꞈ, nyoeˇ laˇ ni aˬ yawꞈ jahˇ-eu meh.