Yawˇbaˆ 28:18 - Akha

¹⁸ Zaˬ siˬ tsawˇ gahˇ-aˬ, laˆ shaˆ sehˇ, aˇ caˇ caˇ kʼawꞈ sehˇ hawˇ-eu, yaw neˇ neˇ-eu kʼaˬ lo sehˇ naˆ maˬ tseˇ poeˬ-eu meh.

Yawˇbaˆ 28:18 ပူးပေါင်းရင်းမြစ်များ

Dawqdaq 20:15

Sehˇ hawˇ-eu shuiˇ poeˬ dui dui kʼawꞈ, zaˬ siˬ tsawˇ gahˇ mehˬ luˬ-ahˇ maˬ keuˆ-a.

Dawqdaq 3:13

Zaˬ siˬ tsawˇ gahˇ-ahˇ poˆ mawˇ-awˇ, noeˬ siˬ noeˬ mawˇ nya-eu jeˬ-ahˇ za-euˬ tsawˇ haˬ, guiˬ lahˬ huiˬ-eu meh.

Dawqdaq 3:15

Poeˬ dui dui-eu sehˇ naˆ maˬ tseˇ zaˬ siˬ tsawˇ gahˇ aˇ poeˬ kʼaˆ dzehˬ-awˇ, tsawˇ haˬ zaˬ mehˇ juiˇ kʼaˇ juiˇ-eu yawˬ jeˬ na luꞈ, zaˬ siˬ tsawˇ gahˇ loꞈ-ehˇ tiˬ jeˬ-iˬ maˬ poeˬ-a.

Dawqdaq 31:10

Miˬ zaˬ yaw bym tiˬ gʼaˬ poˆ mawˇ-eu aˇ naˆ ni shaˬ-eu nga. Aˬ yawꞈ-aˬ, kʼaˬ lo sehˇ naˆ maˬ tseˇ aˇ poeˬ kʼaˆ-eu meh.

Dawqdaq 8:11

Ngaˇ-aˬ, zaˬ siˬ tsawˇ gahˇ ma. Pyuˇ shuiˇ myawˬ gahˬ naˆ maˬ tseˇ ngaˇ poeˬ dzehˬ ma. Naw maꞈ nui kʼahˇ kʼaˇ jaˆ-eu jeˬ dawˬ tawˆ luꞈ, ngaˇ loꞈ-ehˇ tiˬ jeˬ-iˬ maˬ poeˬ-a.

Ngoeˇ dawˬ 4:7

Nga maꞈ-euˬ sahˬ paˬ sahˬ ma deuˬ, ngehˇ km maˬ tseˇ shawˇ dui dui-awˇ, mawˇ neˇ aˬ coeˇ maˬ tseˇ ba-awˇ, shaˬ jiˇ neˇ jiˆ poˬ ni gʼeh-awˇ, sehˇ naˆ maˬ tseˇ aˇ gʼehˇ muiˬ meh.

Yeˬsaˬgeˬlaˇ 27:16

Suˇliˆ tsawˇ haˬ deuˬ nawˬ nehˬ-ehˇ jeˬ gaꞈ jeˬ ka gʼeh-awˇ, nawˬ neh jahˇ doˆ-euˬ myawˬ gahˬ deuˬ zeuˇ-euˬ meh. Nawˬ-euˬ myawˬ gahˬ deuˬ paˇ geuꞈ-eu gʼaˇ duˬ, nyoeˇ naˆ naˆ-eu kʼaˬ lo sehˇ, neˇ nyoeˇ nyoeˇ-eu saˬ paˇ, aˇ boꞈ aˇ yehˆ yehˆ taˬ-euˬ saˬ paˇ, muiˬ dui dui-eu shawˇ jehˆ ni gʼeh-eu saˬ paˇ, laˆ shaˆ kʼaˬ lo aˇ yehˆ, neˇ tseuˆ ni gʼeh-eu kʼaˬ lo sehˇ heu deuˬ, aˬ yawꞈ maꞈ yuˇ leꞈ-euˬ meh.

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

1 Tiˆmoˇseˬ 2:9

Zaˬ miˬ zaˬ deuˬ kʼawꞈ nui ma nahˬ yu ni taˬ-awˇ, aˬ cawˬ haw muiˬ ni bi dm bi gʼaˬ mawꞈ-eu ma. Uˬ duˬ tsehˇ kahˇ aˬ cawˬ-ahˇ maˬ duˇ gaˇ keuˆ ni laˆ muiˬ-eu, shuiˇ myawˬ guˇ geuꞈ-eu, aˇ caˇ caˇ kʼawꞈ sehˇ geuꞈ-eu, aˇ poeˬ kʼaˆ dui dui-eu mehˬ tsoeˬ dm-eu, heu loꞈ-ehˇ gʼeh-eu deuˬ-ahˇ cehˇ gʼa-eu maˬ tsaˬ-a.

Panmaeq 17:4

Zaˬ miˬ zaˬ kʼoeˇ gʼaˬ-aˬ, neˇ naˆ naˆ-eu mehˬ tsoeˬ hawˇ-eu neˇ tseuˆ ni gʼeh-eu mehˬ tsoeˬ dm-awˇ, shuiˇ myawˬ guˇ deuˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, aˇ caˇ caˇ kʼawꞈ sehˇ deuˬ tiˬ byah ni geuꞈ luꞈ-eu meh. Aˬ cawˬ nehˬ-ehˇ joe-euˬ jeˬ pyeuꞈ-eu jawꞈ dui dui-eu jeˬ hawˇ-eu nui daˆ daˆ laˇ paˬ-ehˇ gʼeh-eu jeˬ tiˬ byah ni ahˇ-eu shuiˇ kʼmˬ maˬ tiˬ kʼmˬ aˬ yawꞈ yuˇ luꞈ-eu meh.

Panmaeq 18:12

A yawꞈ maꞈ-euˬ shuiˇ deuˬ, pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, aˇ caˇ caˇ kʼawꞈ sehˇ deuˬ, shawˇ jehˆ ni gʼeh-eu saˬ paˇ paˇ pyuˇ deuˬ, neˇ naˆ naˆ-eu saˬ paˇ deuˬ, boeˬ saˬ paˇ deuˬ, poeˬ dui dui-eu daˇ kawˬ deuˬ, ya ma juiˇ hawˇ-eu aˇ poeˬ kʼaˆ-eu daˇ kawˬ neh jahˇ taˬ-euˬ mˇ myawˬ deuˬ, guiˬ shuiˇ, shmˇ hawˇ-eu lo pyuˇ neh jahˇ taˬ-euˬ mˇ myawˬ deuˬ,

Panmaeq 21:21

Lahˇ kʼehˬ tseˇ nyiꞈ kʼehˬ-aˬ, aˇ caˇ caˇ kʼawꞈ sehˇ tseˇ nyiꞈ siˬ pyeuꞈ-eu meh. Lahˇ kʼehˬ aˬ yawꞈ kʼehˬ yawꞈ-ahˇ, aˇ caˇ caˇ kʼawꞈ sehˇ tiˬ siˬ neh tehꞈ-ehˇ jahˇ jiˇ taˬ-euˬ meh. Meuˬ gʼahˇ ceh dahˇ-eu gaˇ jawˬ dawˬ tawˆ luꞈ, pyawˬ haw loꞈ-ehˇ shawˇ jehˆ ni gʼeh-eu shuiˇ pyeuꞈ-eu meh.