Yawˇbaˆ 27:23 - Akha

²³ Aˬ yawꞈ maꞈ kʼaˇ cehˆ gaˇ jaˬ lehˇ kʼoeˇ haˬ haˬ-ehˇ baw-awˇ, laˆ cawˆ-eu baoˬ neh aˬ yawꞈ maꞈ-ahˇ laˆ guˆ nehˬ tehꞈ-a.

Yawˇbaˆ 27:23 ပူးပေါင်းရင်းမြစ်များ

1 Sahˬpaˬ 9:8

Uˬ duˬ tahˬ nymˇ nymˇ ma heu coˬ pyaˆ coˬ shaˆ-awˇ, duˬ gahˬ duˬ cu cu leˇ taˬ-euˬ gaˇ ya mawˇ ngeh, kʼaˇ iˇ kʼaˇ laˇ tsehˆ-eu tsawˇ haˬ deuˬ tsawˬ guˆ-iˇ-awˇ, zahˬ leˇ tsoˆ leˇ tehꞈ-a. ‘Miˇ kʼahˬ heu kʼahˬ hawˇ-eu Uˬ duˬ tahˬ nymˇ nymˇ ma heu nymˇ-ahˇ, aˬ jeˬ miˇ neh Sahˬpaˬ Miˬyehˇ heu loꞈ-ehˇ jahˇ nehˬ-euˬ nga’ lehˇ aˬ yawꞈ maꞈ ya naˇ haˬ gaˇ keuˆ tehꞈ-a.

Yawˇbaˆ 18:18

Dehꞈ-eu deuˬ jawˇ-eu miˇ kʼahˬ-ahˇ neh aˬ yawꞈ-ahˇ teh dzeh-awˇ, yaw shehꞈ bya gaˇ neh yaw zahˇ laꞈ kʼoeˇ bi teh uˇ tehꞈ-a.

Yawˇbaˆ 20:8

Yuꞈ maˆ maˆ-eu hawˇ-eu uˬ ciꞈ paw yaw sahˇ laꞈ kʼoeˇ ya mawˇ-eu loꞈ-ehˇ, aˬ yawꞈ byoˆ kʼaꞈ-iˇ-awˇ, tiˬ jawˇ-iˬ maˬ paˇ ya mawˇ meh.

Yawˇbaˆ 28:1

Pyuˇ duˬ-eu duˬ kʼahˬ deuˬ jaˆ-awˇ, shuiˇ baw guiˇ-awˇ laˆ shawˇ-eu jawˇ duˬ deuˬ jaˆ-eu meh.

Yawˇbaˆ 34:37

Aˬ yawꞈ iˬ baˇ ahˇ-eu taꞈ-ehˇ Miˬyehˇ-ahˇ paˇ puiˬ tehˬ-awˇ, aˬ dui yawˬ gʼaˬ na luꞈ mehˬ shi Miˬyehˇ-ahˇ aˬ yawꞈ ja bu ja doeˇ-eu meh’ lehˇ ehˇ tehꞈ-a.”

Yawˇbaˆ 7:10

Aˬ yawꞈ-euˬ nymˇ-ahˇ aˬ yawꞈ tiˬ jawˇ-iˬ maˬ paˇ gʼoꞈ laˇ-ehˇ, aˬ yawꞈ-euˬ jawˇ duˬ aˬ yawꞈ-ahˇ maˬ paˇ siˬ nya meh.

Dawqdaq 11:10

Yaw tsaˬ yaw dawˇ tsawˇ haˬ guiˬ lahˬ za ngeh, meuˬ meuˬ lah-ehˇ laˬ kʼaˬ cehˇ-awˇ, haiˬ-eu tsawˇ haˬ deuˬ shiˇ ngeh, laˬ kʼaˬ cehˇ-awˇ guˇ-eu meh.

Yeˬlaˬmiˇ 19:8

Kʼaˇ iˇ kʼaˇ laˇ tsehˆ-eu deuˬ tsawˬ guˆ-iˇ-awˇ zahˬ leˇ paˬ-ehˇ, meuˬ heu meuˬ kʼoeˇ taˆ guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ ngaˇ bi keuˆ le ma.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Yeˬsaˬgeˬlaˇ 25:6

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Naw maꞈ laˬ kʼaˬ cehˇ-eu miˇ neh, laꞈ kʼawˆ tehˆ tehˆ-ehˇ tsawˬ-euˬ meh. Iˇsaˬleˬlaˆ miˇ kʼahˬ-ahˇ naw maꞈ yehˬ bawˬ-ehˇ naꞈ gʼa nehˬ-euˬ meh.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”