Yawˇbaˆ 24:13 - Akha

¹³ Yaw shehꞈ-euˬ gaˇ kawˆ maˬ siˬ nya-ehˇ yaw shehꞈ sheuˬ gʼeh gaˇ maˬ iˇ-eu, yaw shehꞈ-ahˇ maˬ ha geuꞈ-eu tsawˇ haˬ deuˬ jawˇ-eu meh.

Yawˇbaˆ 24:13 ပူးပေါင်းရင်းမြစ်များ

1 Sahˬpaˬ 3:20

Uˬ ciꞈ sehˇ gʼahˇ ngaˇ yuꞈ kʼaˆ luꞈ ngeh aˬ yawꞈ tuˇ-awˇ, ngaˬ nehˬ-ehˇ bi yuꞈ-euˬ ngaˬ li-ahˇ aˬ yawꞈ-euˬ yuꞈ zaˇ-ahˇ ciˬ ahˇ-euˬ meh. Kʼoeˇ naˇ, aˬ yawꞈ-euˬ aˬ li yaw shiˇ kʼoeˇ gʼaˬ-ahˇ, ngaˬ-euˬ yuꞈ zaˇ-ahˇ ciˬ ahˇ le-euˬ meh.

Yawˇbaˆ 24:12

Naˇ-eu gawˇ-eu deuˬ hawˇ-eu shiˇ leˇ luꞈ-eu deuˬ meuˬ laꞈ kʼoeˇ guˇ luꞈ kʼawꞈ, aˬ yawꞈ maꞈ-euˬ shaˇ dawˬ-ahˇ Miˬyehˇ maˬ naˇ haˬ nehˬ-a.

Yawˇbaˆ 24:14

Uˬ bya bya laˇ ngeh tsawˇ haˬ-ahˇ sehꞈ-eu gʼaˬ tuˇ laˇ-awˇ, shaˬ zaˬ zahˬ zaˬ deuˬ-ahˇ sehꞈ-awˇ, uˬ ciꞈ paw smˇ kʼoeˬ kʼoeˬ-eu meh.

Yawˇbaˆ 24:16

Smˇ kʼoeˬ deuˬ uˬ ciꞈ paw aˬ cawˬ-euˬ nymˇ doe ni uˇ-iˇ-awˇ, nah gʼahˇ paw yaw shehꞈ maˬ jaˆ gaˇ dzuˇ zaꞈ-eu meh.

Yawˇbaˆ 38:13

Uˬ bya yaw shehꞈ neh miˇ tsaˬ tahˬ kʼawˇ-ahˇ tsuˆ tehˬ-awˇ, dzuˇ zaꞈ taˬ-euˬ haiˬ-eu tsawˇ haˬ deuˬ-ahˇ byuˬ kʼaˇ doˆ-awˬ lehˇ nawˇ dawˬ biꞈ haw teˬ loˇ.

Yawˇbaˆ 38:15

Nah gʼahˇ bya-eu yaw shehꞈ-aˬ, haiˬ-eu tsawˇ haˬ deuˬ gʼaˇ duˬ aˇ dzehˬ bya dzeuˇ-awˇ, yaw haiˬ jeˬ maˬ mˇ peuˬ ni bi pyeuꞈ-iˇ-eu meh.

Yawˇbaˆ 5:14

Nah gʼahˇ nah gaˆ-ahˇ zahˇ tsui ni gʼeh-eu jeˬ keuˆ le-awˇ, nah loˆ ceh ngeh laꞈ sawˆ sawˆ sawˆ-ehˇ cah-eu meh.

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Yoˇhaˬ 12:35

Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Yoˇhaˬ 8:31

Kʼoeˇ naˇ, Yeˬsuˇ-ahˇ jah-eu tsawˇ haˬ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ naˇ, maˇ maˇ ni ngaˬ-euˬ zaˬ lahˇ ma.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Yaˬkoˆ 4:17

Kʼoeˇ miˇ neh, yawˬ ha mˇ paˬ-ehˇ gʼeh-eu jeˬ-ahˇ siˬ nya-awˇ maˬ mˇ-eu tsawˇ haˬ-aˬ, iˬ baˇ ahˇ-eu meh.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

Yuˇdaˆ 1:6

Yawˬ ha-ahˇ biꞈ taˬ-euˬ baoˬ laꞈ kʼoeˇ maˬ jawˇ-ehˇ, yawˬ ha-ahˇ bi jawˇ-euˬ jawˇ duˬ-ahˇ byehˇ dzeh-euˬ mˬ taˆ gʼaˬ kʼehˇ kʼoeˇ deuˬ-euˬ gaˇ kawˆ shaˇ noeˬ haw sheˇ. Miˇ oˆ yaw zahˇ laꞈ kʼoeˇ aˬ yawꞈ maꞈ-ahˇ mˬ maˬ maˬ byaˆ zaˇ ziˇ shmˇ caˆ neh paꞈ tawꞈ taˬ-awˇ, aˬ yawꞈ maꞈ-ahˇ yaˇ kʼaˬ daˇ nehˬ-eu Aˇ nah nah huiˬ kʼoeˇ Nah-ahˇ bi dawˬ-euˬ meh.