Yawˇbaˆ 22:30 - Akha

³⁰ Nawˇ iˬ baˇ maˬ mˇ ni yaw tsaˬ yaw dawˇ jeˬ mˇ naˇ, aˬ yawꞈ nawˬ-ahˇ ka kʼoꞈ tehꞈ-a.”

Yawˇbaˆ 22:30 ပူးပေါင်းရင်းမြစ်များ

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Yawˇbaˆ 23:1

Kʼoeˇ naˇ, Yawˇbaˆ ehˇ-eu,

Yawˇbaˆ 42:9

Eˇliˇpaˬ, Biˇlaˬdaˇ, Zoˇpaˬ aˬ ha smˇ gʼaˬ-aˬ, Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-awˇ, Yawˇbaˆ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.

Jaceuq 18:20

Ngaˇyaw tsaˬjeˬmˇ-eu miˇneh, SahˬpaˬMiˬyehˇlaꞈsawˬbiꞈ-awˇ, yaw lehˬjeˬmaˬmˇ-eu miˇneh, ngaˬ-ahˇguiˬlahˬbiꞈlaꞈ-eu meh.

Jaceuq 24:3

SahˬpaˬMiˬyehˇ-euˬgawˬjawˬ-ahˇ, ya daˆleˇ-eu aˬsuˇ jawˇ-awˇ, Muiˬ-eu shawˇ-eu jawˇduˬlaꞈkʼoeˇ, ya yawꞈleˇ-eu aˬsuˇ jawˇta.

Jaceuq 24:4

Aˬlaꞈhawˇ-eu nui ma shawˇ-awˇ, tahˬpaˬaˬma-ahˇmaˬtahˬ-eu, maˬtsaˬ-eu saˇkiˇmaˬkamˬ-eu,

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Yeˬlaˬmiˇ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, meuˬ-euˬ gaˇ ma doe ni cehˆ doe haw-awˬ. Doe doe-ehˇ cah-awˇ haw doe-awˬ. Lehˆ kawˆ doe ni poˆ doe haw-awˬ. Yaw tsaˬ yaw dawˇ jeˬ-ahˇ mˇ-awˇ, Miˬyehˇ-ahˇ saˇ jaˇ ziꞈ-awˇ dehꞈ luꞈ-eu, tsawˇ haˬ tiˬ gʼaˬ nawˇ mawˇ nya naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ iˬ baˇ pyehˬ nehˬ tehꞈ-a.

Maˬlaˬkiˇ 1:9

Piˇ ma deuˬ-oˇ, nymˬ-mˇ poˆ jawˇ-aˬ, Miˬyehˇ aˬ dui-ahˇ yaw muiˬ jeˬ mˇ nehˬ laꞈ ni shaˇ haw-awˬ. Naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ nehˬ laꞈ-aˇ. Kʼoeˇ-aˬ, naw maꞈ-euˬ yaw lehˬ baˬ da neh meh.

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.