Yawˇbaˆ 22:27 - Akha

²⁷ Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Yawˇbaˆ 22:27 ပူးပေါင်းရင်းမြစ်များ

2 Sahˬpaˬ 13:4

Kʼoeˇ ngeh jawˇ, Yeˬhawˇhaˆ-aˬ, Sahˬpaˬ Miˬyehˇ-ahˇ guiˬ lahˬ shaˇ-euˬ meh. Suˇliˆ sahˬ paˬ Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ kʼehˬ nehˬ gaˇ Sahˬpaˬ Miˬyehˇ ya mawˇ ngeh, Yeˬhawˇhaˆ-euˬ guiˬ lahˬ shaˇ dawˬ-ahˇ naˇ haˬ nehˬ-euˬ meh.

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

2 Laˬsaˬbaˬ 33:13

Maˬnaˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-ahˇ Yeˬluˇsaˬlehˬ meuˬ-ahˇ bi gʼoꞈ-iˇ-awˇ, aˬ yawꞈ-euˬ miˇ kʼahˬ-ahˇ paˇ bi uˆ lahˇ-euˬ meh. Kʼoeˇ ngeh, Sahˬpaˬ Miˬyehˇ-aˬ, aˬ diˇ aˬ maˇ Miˬyehˇ pyeuꞈ-eu gaˇ kawˆ Maˬnaˇseˬ siˬ duˬ-euˬ meh.

Yawˇbaˆ 11:13

Yawˇbaˆ-oˇ, nawˬ-euˬ nui ma dawˇ coe ni taˬ-awˇ, Miˬyehˇ jawˇ paw aˬ laꞈ cawˬ ja-awˬ.

Yawˇbaˆ 27:10

Miˬyehˇ neh biꞈ-euˬ laˬ kʼaˬ cehˇ-eu jeˬ-ahˇ aˬ yawꞈ maꞈ nui kʼahˇ shiˇ-eu tsaˬ-awˇ, aˬ yawꞈ-ahˇ maˬ tsehˆ leˇ ni guiˬ lahˬ shaˇ-eu tsaˬ meh.

Yawˇbaˆ 33:26

Aˬ yawꞈ guiˬ lahˬ shaˇ ngeh, Miˬyehˇ naˇ haˬ nehˬ-awˇ, laˬ kʼaˬ cehˇ taˆ ni Miˬyehˇ-ahˇ aˬ yawꞈ uˬ duˬ tahˬ tehꞈ-a. Aˬ yawꞈ-euˬ gaˇ ma-ahˇ Miˬyehˇ paˇ laˆ saˆ nehˬ tehꞈ-a.

Yawˇbaˆ 34:28

Iˇ shaˬ zaˬ deuˬ Miˬyehˇ-ahˇ guˇ gaˇ keuˆ ni aˬ yawꞈ maꞈ kʼaˆ dzaˬ-awˇ, caw ba le-awˬ lehˇ iˇ shaˬ zaˬ deuˬ guˇ gaˇ Miˬyehˇ gaˬ-eu meh.

Yawˇbaˆ 8:6

Nawˇ dawˇ coe ni dehꞈ-awˇ shawˇ jehˆ ni gʼeh-eu ngeuˇ naˇ, Miˬyehˇ nawˬ-ahˇ ngehˬ gʼeh le-awˇ, nawˬ-euˬ nymˇ jiˇ nawˬ-ahˇ paˇ biꞈ kʼoꞈ laꞈ tehꞈ-a.

Jaceuq 116:1

Ngaˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-eu miˇ neh, Sahˬpaˬ Miˬyehˇ-ahˇ ngaˇ gaˬ-eu ma.

Jaceuq 116:14

Aˬ yawꞈ-euˬ tsawˇ haˬ deuˬ uiˬ leˇ taˬ-euˬ mehˬ shi, ngaˬ neh saˇ jaˇ dzaˬ taˬ-euˬ jeˬ aˬ yawꞈ-ahˇ ngaˇ damˬ ma.

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Jaceuq 61:5

Miˬyehˇ-oˇ, ngaˇ saˇ jaˇ dzaˬ-euˬ dawˬ-ahˇ nawˇ ya gaˬ gʼaˬ-awˇ, nawˬ-ahˇ taˬ huiˬ-eu deuˬ-ahˇ biꞈ-eu jeˬ, nawˇ ngaˬ-ahˇ biꞈ laꞈ-euˬ meh.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawˬ tsoˆ 5:4

Kʼoeˇ miˇ neh, Miˬyehˇ-ahˇ nawˇ saˇ jaˇ dzaˬ gʼaˬ naˇ, yaw kawˇ-ehˇ mˇ byah-awˬ. Aˬ jeˬ miˇ neh ehˇ naˇ, aˬ dzawˬ aˇ gah-ahˇ aˬ yawꞈ nui ma maˬ tsaˬ-a. Nawˬ neh saˇ jaˇ kʼaˇ dzaˬ taˬ-euˬ loꞈ-ehˇ mˇ-awˬ.

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Yeˬlaˬmiˇ 29:12

Kʼoeˇ ngeh, naw maꞈ ngaˬ-ahˇ kuˇ tehꞈ-a. Naw maꞈ ngaˇ jawˇ gaˇ guiˬ lahˬ shaˇ laˇ ngeh, naw maꞈ-euˬ shaˇ dawˬ-ahˇ ngaˇ naˇ haˬ nehˬ tehꞈ-a.

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Dawˬmehˬ 23:21

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ saˇ jaˇ dzaˬ naˇ, saˇ jaˇ kʼaˇ dzaˬ taˬ-euˬ loꞈ-ehˇ maˬ mˇ byah ni maˬ ya byehˇ-a. Nawˬ neh saˇ jaˇ dzaˬ taˬ-euˬ jeˬ-ahˇ, Sahˬpaˬ Miˬyehˇ aˬ diˇ aˬ maˇ maˬ byehˇ nehˬ laꞈ-a. Maˬ mˇ byah naˇ, nawˬ-euˬ kʼoeˇ taˆ iˬ baˇ jaˆ-eu meh.