Yawˇbaˆ 20:28 - Akha

²⁸ Aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ, Miˬyehˇ nui ma pehˇ-eu jeˬ laꞈ kʼoeˇ ya cawˆ-iˇ jiˇ tehꞈ-a.

Yawˇbaˆ 20:28 ပူးပေါင်းရင်းမြစ်များ

2 Sahˬpaˬ 20:17

‘Nawˬ-euˬ nymˇ laꞈ kʼoeˇ kʼaˇ jaˆ-eu jeˬ hawˇ-eu, nawˬ poeˬ nawˬ bawˇ deuˬ neh kʼaˇ jeˬ hmˬ daˆ laꞈ-euˬ jeˬ dawˬ tawˆ luꞈ, tiˬ jeˬ-iˬ maˬ paˇ dzeˇ yaꞈ ni Baˬbuˇloˬ miˇ kʼahˬ-ahˇ bi yuˇ geuꞈ gʼeh jiˇ-eu aˇ nah keuˆ le tehꞈ-a.

Yawˇbaˆ 20:10

iˇ shaˬ zaˬ deuˬ kʼoeˇ taˆ aˬ yawꞈ neh kʼaˆ dzaˬ taˬ-euˬ jeˬ-ahˇ, aˬ yawꞈ-euˬ aˬ li deuˬ paˇ ya mˇ tsoeˬ kʼoꞈ tehꞈ-a.

Yawˇbaˆ 20:15

Haiˬ-eu tsawˇ haˬ-aˬ, yawˬ ha neh kʼoeˬ uiˬ taˬ-euˬ pyuˇ shuiˇ myawˬ gahˬ deuˬ-ahˇ uˬ pehꞈ ya pehꞈ doˆ meh. Uˬ maˆ laꞈ kʼoeˇ ahˇ kʼawꞈ Miˬyehˇ yuˇ doˆ kʼoꞈ tehꞈ-a.

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

Yawˇbaˆ 31:12

Kʼoeˇ-aˬ, laˆ luˬ laˆ seˇ-eu shiˬ buiˇ lah ma miˬ dzaˬ-ahˇ duˇ-awˇ, ngaˇ kʼaˇ jaˆ-eu jeˬ-ahˇ puiˆ dzaˬ jiˇ tehꞈ-a.

Yawˇbaˆ 5:5

Mehꞈ-eu shuꞈ-eu tsawˇ haˬ deuˬ tsawˇ uˬ-euˬ dzaˬ la gʼo cehˇ yehˬ dzaˬ tehꞈ-a. Aˬ gah baw duˆ yaw kaˬ-ahˇ dehꞈ gaˇ kʼawꞈ yehˬ dzaˬ tehꞈ-a. Maˬ jaˆ-eu tsawˇ haˬ deuˬ aˬ yawꞈ-euˬ pyuˇ shuiˇ myawˬ gahˬ-ahˇ mehˇ juiˇ juiˇ tehꞈ-a.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Dawˬmehˬ 28:31

Nawˬ-euˬ myaˆ kʼeh, nawˬ-euˬ mawˇ neˇ aˬ cawˬ sehꞈ dzaˬ gaˇ nawˇ haw haw-ehˇ ya jawˇ tehꞈ-a. Ehˇ kʼawꞈ, shaˬ jiˇ kʼoeˇ nawˇ tiˬ jehꞈ-iˬ maˬ ya dzaˬ haw gaˇ keuˆ tehꞈ-a. Nawˬ-euˬ mahˬ tahˬ laˆ deuˬ-ahˇ, nawˇ mawˇ mawˇ-ehˇ aˬ cawˬ tsahˇ geuꞈ gʼeh tehꞈ-a. Ehˇ kʼawꞈ, mahˬ tahˬ laˆ kʼoeˇ deuˬ-ahˇ nawˇ tiˬ jawˇ-iˬ maˬ paˇ za kʼoꞈ ni pyeuꞈ-iˇ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ yawˇ deuˬ ya teh nehˬ gaˇ keuˆ kʼawꞈ, nawˬ-ahˇ caw ba le-eu gʼaˬ maˬ jawˇ ni pyeuꞈ tehꞈ-a.

Panmaeq 18:17

naˬ liˬ tiˬ laꞈ laꞈ kʼoeˇ, pyuˇ shuiˇ myawˬ gahˬ dawˬ tawˆ piˬ jiˇ byoˆ jiˇ-euˬ nga.” Saˇ baoˬ kʼoeˇ taˆ aˬ yuiꞈ geuꞈ-eu deuˬ, saˇ baoˬ dziˬ-eu tsawˇ haˬ deuˬ hawˇ-eu, saˇ baoˬ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ, gaˇ mahˇ kaˬ gaˇ yawꞈ-awˇ haw-eu meh.