Yawˇbaˆ 20:18 - Akha

¹⁸ Yawˬ ha neh mˇ za-euˬ jeˬ-ahˇ byehˇ dzeh-awˇ, yawˬ ha-euˬ pyuˇ shuiˇ myawˬ gahˬ ya zmˬ byawˬ gaˇ maˬ keuˆ leˇ-a.

Yawˇbaˆ 20:18 ပူးပေါင်းရင်းမြစ်များ

Yawˇbaˆ 20:10

iˇ shaˬ zaˬ deuˬ kʼoeˇ taˆ aˬ yawꞈ neh kʼaˆ dzaˬ taˬ-euˬ jeˬ-ahˇ, aˬ yawꞈ-euˬ aˬ li deuˬ paˇ ya mˇ tsoeˬ kʼoꞈ tehꞈ-a.

Yawˇbaˆ 20:15

Haiˬ-eu tsawˇ haˬ-aˬ, yawˬ ha neh kʼoeˬ uiˬ taˬ-euˬ pyuˇ shuiˇ myawˬ gahˬ deuˬ-ahˇ uˬ pehꞈ ya pehꞈ doˆ meh. Uˬ maˆ laꞈ kʼoeˇ ahˇ kʼawꞈ Miˬyehˇ yuˇ doˆ kʼoꞈ tehꞈ-a.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Yawˇbaˆ 27:17

tsawˇ muiˬ deuˬ mehˬ tsoeˬ kʼoeˇ deuˬ ya dm-awˇ, yaw sui yaw dawˇ deuˬ pyuˇ kʼoeˇ deuˬ za tehꞈ-a.

Yawˇbaˆ 31:25

ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Yawˇbaˆ 31:29

Ngaˬ-ahˇ muiˇ-eu deuˬ shaˬ zahˬ naꞈ gaˇ ngaˇ laˬ kʼaˬ maˬ cehˇ-ehˇ, luˬ-iˇ seˇ-iˇ-eu jeˬ-ahˇ aˬ yawꞈ maꞈ tahˬ puˬ ngeh ngaˇ nui kʼahˇ maˬ shiˇ-aˬ.

Yawˇbaˆ 31:8

ngaˬ-euˬ dzaˬ la gʼo cehˇ deuˬ cawˆ-iˇ jiˇ-awˇ, ngaˬ neh kʼaˇ ka-euˬ jeˬ aˬ cawˬ dzaˬ luꞈ-uˇ.

Dawqdaq 1:12

Shiˇ-eu miˇ kʼahˬ-ahˇ yaw dehꞈ-ehˇ bi myoꞈ ahˇ-euˬ loꞈ-ehˇ jahˇ nehˬ-awˇ, duˬ kʼahˬ-ahˇ ga byoˆ-euˬ loꞈ-ehˇ laˆ deuˬ nehˬ kaˇ-euˇ.

Dawqdaq 21:20

Tsawˇ gahˇ byah-eu deuˬ dehꞈ poeˬ jawˇ poeˬ nya kʼawꞈ, aˬ dzawˬ aˇ gah deuˬ pyuˇ yaw kawˇ-ehˇ shehˆ dzeh-eu meh.

Yeˬlaˬmiˇ 22:13

Maˬ tsaˬ maˬ dawˇ-eu laꞈ kʼoeˇ nymˇ tsoˆ-awˇ, maˬ sui maˬ dawˇ-eu laꞈ kʼoeˇ nymˇ paˇ tsoˆ jeˇ-eu, yawˬ ha miˇ kʼahˬ zaˬ-ahˇ yawˬ ngehꞈ-ehˇ kʼehˇ dzaˬ-awˇ, gʼaˬ gaˇ aˇ poeˬ maˬ biꞈ nehˬ-eu tsawˇ haˬ, shaˬ zahˬ ya mˇ dui dui tehꞈ-a.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Yeˬlaˬmiˇ 51:44

Baˬbuˇloˬ miˇ kʼahˬ-euˬ Beˇleˇ miˬ yehˇ-ahˇ ngaˇ kʼehˬ nehˬ-awˇ, aˬ yawꞈ neh kʼoeˬ uiˬ taˬ-euˬ myawˬ gahˬ deuˬ bi smˬ-iˇ jiˇ ma. Tsawˇ jeuˬ tiˬ jeuˬ-iˬ aˬ yawꞈ-ahˇ uˬ duˬ maˬ tahˬ ni pyeuꞈ-iˇ tehꞈ-a. “Baˬbuˇloˬ meuˬ lahˇ byaˆ-iˇ-euˬ meh.

Ngoeˇ dawˬ 2:16

Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Yeˬsaˬgeˬlaˇ 7:12

Aˇ yamˬ peh le luꞈ meh. Miˬyehˇ kʼehˬ-eu kʼaˆ-eu jeˬ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, ahˬ taꞈ zeuˇ taꞈ-eu jeˬ tiˬ pawꞈ-iˬ gaˇ dahˇ maˬ tsoeˬ ni pyeuꞈ-iˇ-eu aˇ nah keuˆ le luꞈ meh.

Hawˇseˬ 9:1

Iˇsaˬleˬlaˆ tsawˇ haˬ deuˬ-oˇ, lawˇ ciꞈ zaˬ deuˬ byawˬ-eu loꞈ-ehˇ, bawˬ-iˬ gʼeh-eu jeˬ byehˇ dzeh jiˇ-awˬ. Naw maꞈ Miˬyehˇ-ahˇ byehˇ dzeh-awˇ, aˬ yawꞈ-ahˇ saˇ jaˇ maˬ ziꞈ-ehˇ, meh maˬ laˇ geuꞈ dzaˬ-eu loꞈ-ehˇ, miˇ kʼahˬ doe ni naw maꞈ gʼawˇ mawˇ, Baˬlaˇ miˬyehˇ-ahˇ ahˬ dzaˬ-awˇ, yawꞈ biꞈ laꞈ-euˬ lehˇ noeˬ-eu, cehˇ-ahˇ naw maꞈ nui kʼahˇ jaˆ meh.

Aˬmoˆ 8:4

Maˬ jaˆ-eu tsawˇ haˬ deuˬ-ahˇ nawˬ dzaˬ kʼaˆ dzaˬ-awˇ iˇ shaˬ zaˬ deuˬ-ahˇ laˆ shaˬ laˆ zahˬ nehˬ-eu deuˬ-oˇ, naˇ haˬ yawˬ.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maꞈtehˬ 23:24

Gaˇ ma mehˬ-eu myaˆ behꞈ deuˬ-oˇ, naw maꞈ aˬ gaꞈ dzaˇ uiˇ dawˇ ngeh, puˬ teˇ muˆ tiˬ mawˇ-iˬ maˬ bi ahˇ ni dzeˇ dzeh-awˇ dawˇ kʼawꞈ, law taw mawˇ lah-ehˇ myoꞈ ahˇ gaˇ duˇ-eu meh.

Dawˬmehˬ 28:30

“Zaˬ miˬ aˬ buˇ tiˬ gʼaˬ-ahˇ sheuˬ-eu gʼaˇ duˬ nawˇ ngehˬ cawˬ tsehˆ taˬ kʼawꞈ, aˬ cawˬ neh bi sheuˬ geuꞈ tehꞈ-a. Nawˇ nymˇ tsoˆ kʼawꞈ, nawˬ neh tsoˆ-euˬ nymˇ-ahˇ nawˇ tiˬ jawˇ-iˬ maˬ ya jawˇ-aˇ. Aˬ gaꞈ yaˇ kmˇ mˇ kʼawꞈ, aˬ gaꞈ aˇ siˬ nawˇ tiˬ jawˇ-iˬ maˬ ya dzaˬ-aˇ.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.