Yawˇbaˆ 15:30 - Akha

³⁰ Kʼoeˇ naˇ yaw zahˇ laꞈ kʼoeˇ aˬ yawꞈ maˬ doˆ-iˇ nya-ehˇ ya shaˬ tehꞈ-a. Uˬ laꞈ deuˬ bi puiˆ sehꞈ jiˇ-awˇ, aˇ yehˆ deuˬ jaˬ lehˇ bi baw byoˆ jiˇ-euˬ aˇ bawˇ tiˬ bawˇ-ahˇ aˬ yawꞈ duˇ leˇ tehꞈ-a.

Yawˇbaˆ 15:30 ပူးပေါင်းရင်းမြစ်များ

Yawˇbaˆ 15:22

Yaw zahˇ laꞈ kʼoeˇ aˬ yawꞈ ya buˬ-iˇ-eu gaˇ ma maˬ dahˇ-a. Aˬ jeˬ miˇ neh ehˇ naˇ, aˬ yawꞈ-ahˇ sehꞈ-eu mi cehˇ loꞈ luꞈ meh.

Yawˇbaˆ 15:23

Aˬ yawꞈ shiˇ taˬ gaˇ dzaˬ-eu lehˇ, jeˬ shiˇ kʼaˬ dzeˇ deuˬ loꞈ luꞈ meh. Aˬ yawꞈ gʼaˇ duˬ zahˇ tsui ni gʼeh-eu aˇ nah keuˆ le luꞈ-eu aˬ yawꞈ siˬ nya meh.

Yawˇbaˆ 15:34

Miˬyehˇ maˬ baw-eu tsawˇ haˬ, zaˬ maˬ ya cu ehˇ, laꞈ nmꞈ nmꞈ-euˬ pyuˇ neh tsoˆ taˬ-euˬ nymˇ deuˬ-ahˇ miˬ dzaˬ puiˆ dzaˬ jiˇ tehꞈ-a.

Yawˇbaˆ 18:16

Aˬ yawꞈ-euˬ duˬ ciˇ hawˇ-eu uˬ laꞈ deuˬ nyoeˬ-iˇ koˆ-iˇ jiˇ-euˬ meh.

Yawˇbaˆ 18:18

Dehꞈ-eu deuˬ jawˇ-eu miˇ kʼahˬ-ahˇ neh aˬ yawꞈ-ahˇ teh dzeh-awˇ, yaw shehꞈ bya gaˇ neh yaw zahˇ laꞈ kʼoeˇ bi teh uˇ tehꞈ-a.

Yawˇbaˆ 20:26

Aˬ yawꞈ neh kʼaˇ jeˬ hmˬ taˬ-euˬ jeˬ bi laˆ cawˆ jiˇ-awˇ, tsawˇ haˬ zaˬ neh maˬ laˆ doꞈ-euˬ miˬ dzaˬ, aˬ yawꞈ hawˇ-eu aˬ yawꞈ-euˬ nymˇ jiˇ-ahˇ puiˆ byoˆ tehꞈ-a.

Yawˇbaˆ 22:20

Haiˬ-eu tsawˇ haˬ deuˬ kʼaˇ jaˆ-eu jeˬ bi laˆ cawˆ jiˇ-awˇ, kʼaˇ dzeˇ yaꞈ-euˬ jeˬ-ahˇ miˬ dzaˬ puiˆ dzaˬ jiˇ tehꞈ-a.

Yawˇbaˆ 31:12

Kʼoeˇ-aˬ, laˆ luˬ laˆ seˇ-eu shiˬ buiˇ lah ma miˬ dzaˬ-ahˇ duˇ-awˇ, ngaˇ kʼaˇ jaˆ-eu jeˬ-ahˇ puiˆ dzaˬ jiˇ tehꞈ-a.

Yawˇbaˆ 4:9

Miˬyehˇ nui ma pehˇ-eu laꞈ kʼoeˇ jaˬ lehˇ lehˇ ma baw-eu loꞈ-ehˇ aˬ yawꞈ maꞈ-ahˇ laˆ cawˆ-eu meh.

Yawˇbaˆ 5:14

Nah gʼahˇ nah gaˆ-ahˇ zahˇ tsui ni gʼeh-eu jeˬ keuˆ le-awˇ, nah loˆ ceh ngeh laꞈ sawˆ sawˆ sawˆ-ehˇ cah-eu meh.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

Maꞈtehˬ 22:13

‘Aˬ yawꞈ-ahˇ kuiˇ cuꞈ laꞈ cuˬ cuꞈ-awˇ, laꞈ nyiˇ paw yaw zahˇ-ahˇ baꞈ dzeh-awˬ. Kʼoeˇ gaˇ aˬ yawꞈ ngoeˇ ngoeˇ-ehˇ, seuˬ teuꞈ teuꞈ-ehˇ shaˬ luꞈ-uˇ.’ lehˇ, zaˬ kʼaˆ kʼoeˇ deuˬ-ahˇ sahˬ paˬ ehˇ nehˬ-euˬ meh.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 8:12

Ehˇ kʼawꞈ, miˇ kʼahˬ kʼoeˇ kʼahˬ-ahˇ ya jawˇ leˇ ma lehˇ noeˬ-euˬ tsawˇ haˬ deuˬ-aˬ, zahˇ tsui ni gʼeh-eu gʼoˆ baˬ laꞈ nyiˇ miˇ kʼahˬ-ahˇ bi biˬ ahˇ tehꞈ-a. Kʼoeˇ gaˇ jawˇ-eu tsawˇ haˬ deuˬ ngoeˇ ngoeˇ-ehˇ, shaˬ zahˬ mˇ-eu seuˬ teuꞈ dui dui tehꞈ-a.”

2 Beˬtuˆluˆ 2:17

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, iˇ cuꞈ gui-iˇ-euˬ lawˇ gawˆ hawˇ-eu, jaˬ lehˇ lehˇ ma neh bi hehˇ dzaˬ gʼeh-euˬ mˬ dmˇ-ahˇ duˇ-eu meh. Zahˇ dui dui-eu yaw zahˇ laꞈ kʼoeˇ aˬ yawꞈ maꞈ gʼaˇ duˬ Miˬyehˇ jawˇ zaˇ laˆ saˆ taˬ-euˬ meh.

Yuˇdaˆ 1:13

Aˬ yawꞈ maꞈ-aˬ, iˬ ma laˆ shaˆ iˇ luˆ dzeh gaˇ duˇ-awˇ, yawˬ ha neh mˇ-euˬ shaꞈ dawˇ dui dui paˬ-ehˇ gʼeh-eu jeˬ boeˇ loeˇ yoˆ-i bi siˬ bi mawˇ-eu meh. Miˬyehˇ neh lehˬ hmˬ taˬ-euˬ yaw zahˇ zahˇ dui dui-eu jawˇ duˬ-ahˇ mˬ maˬ maˬ byaˆ zaˇ ziˇ ya jawˇ leˇ-eu, gaˇ ma maˬ poˆ ni doe doe gʼa gʼa-ehˇ cah luꞈ-eu aˬ guiˇ-ahˇ duˇ-eu meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.