Yawˇbaˆ 15:27 - Akha

²⁷ Aˬ jeˬ miˇ neh ehˇ naˇ, aˬ yawꞈ-euˬ baˬ ba tsuˇ dahˬ ni gʼeh -awˇ, aˬ yawꞈ-euˬ joꞈ-ahˇ shaˬ tsuˇ dawꞈ byah jiˇ gaˇ keuˆ ni, aˬ yawꞈ ya dzaˬ ya dawˇ dehˆ luꞈ-eu meh.

Yawˇbaˆ 15:27 ပူးပေါင်းရင်းမြစ်များ

Yawˇbaˆ 15:26

Tsawˇ haˬ kʼoeˇ gʼaˬ nui ma gʼahˇ dui dui-eu laꞈ kʼoeˇ, tuˇ dui dui-eu dehˬ daˬ duˬ baꞈ-awˇ, Miˬyehˇ-ahˇ ceh leˇ mawꞈ-eu meh.

Yawˇbaˆ 17:10

Ehˇ kʼawꞈ, aˬ yawꞈ maꞈ dawˬ tawˆ luꞈ ngaˬ-euˬ mehˬ shi yawꞈ laˇ naˇ, tiˬ gʼaˬ-iˬ tsawˇ gahˇ maˬ ahˇ gaˇ ngaˇ ya mawˇ tehꞈ-a.

Jaceuq 119:70

Tsawˇ haˬ kʼoeˇ deuˬ zahˇ sahˇ kʼoꞈ maˬ baw kʼawꞈ, nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 17:10

Gʼawˬshaˬgaˬ-eu jeˬmaˬahˇ-ehˇ, Dawˬkʼaˆngehˬ-awˇzuiˆle-euˬmeh.

Jaceuq 73:4

Aˬ yawꞈ maꞈ maˬ shaˬ maˬ zahˬ-ehˇ, gʼaˬ kʼaˆ-awˇ jawˇ saˇ doˆ luꞈ-eu meh.

Jaceuq 73:7

Nui ma laꞈ kʼoeˇ yaw haiˬ yoeˇ doˆ le-awˇ, yaw haiˬ jeˬ mˇ-eu gʼaˇ duˬ shaˇ sawˇ-eu maˬ naˬ leˇ-a.

Jaceuq 78:31

aˬ yawꞈ maꞈ-ahˇ Miˬyehˇ nui ma pehˇ laˇ-awˇ, gʼaˬ kʼaˆ dui dui-eu aˬ yawꞈ maꞈ-euˬ tsawˇ haˬ deuˬ-ahˇ sehꞈ-euˬ meh. Loˆ dui dui-eu Iˇsaˬleˬlaˆ zaˬ guˬ deuˬ-ahˇ aˬ yawꞈ sehꞈ-euˬ meh.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.