Yawˇbaˆ 14:18 - Akha

¹⁸ Gawˬ jawˬ deuˬ byaˆ-iˇ-awˇ, lo guˇ deuˬ bi ciˬ jiˆ-eu aˇ nah keuˆ le tehꞈ-a.

Yawˇbaˆ 14:18 ပူးပေါင်းရင်းမြစ်များ

Yawˇbaˆ 14:17

Ngaˬ-euˬ iˬ baˇ-ahˇ nawˇ pyehˬ nehˬ laꞈ-awˇ, sha dzeh nehˬ laꞈ tehꞈ-a. Ngaˬ neh mˇ lehˬ-euˬ jeˬ dawˬ tawˆ luꞈ-ahˇ nawˇ shiˆ byoˆ tehꞈ-a.

Yawˇbaˆ 14:19

Kʼaˬ lo-ahˇ iˇ cuꞈ dehˬ dzaˬ-awˇ, uˬ yehˇ yehˇ ma yehˇ le-awˇ miˇ tsaˬ hehˇ dzaˬ gʼeh tehꞈ-a. Tsawˇ haˬ zaˬ-euˬ noeˬ tmˬ duˬ-ahˇ nawˇ kʼoeˇ loꞈ-ehˇ laˆ cawˆ nehˬ tehꞈ-a.

Yawˇbaˆ 18:4

Nawˇ nui ma pehˇ-eu teu-aˬ, yawˬ haˇ yawˬ ha coeˬ leˇ ni mˇ-eu tehꞈ nga. Nawˇ nui ma pehˇ-eu miˇ neh, miˇ tsaˬ tahˬ kʼawˇ heu cawˬ maˬ baw-ehˇ pyeuꞈ-iˇ tehꞈ-a loˇ. Nawˇ nui kʼahˇ bi shiˇ-eu lehˇ Miˬyehˇ gawˬ jawˬ deuˬ-ahˇ ciˬ jiˆ nehˬ laꞈ tehꞈ-a loˇ.

Iˇsaˬyaˇ 40:12

Iˬ ma laˆ shaˆ iˇ cuꞈ laꞈ kʼawˆ-ahˇ tawˆ ahˇ-awˇ, dza haw nya-eu gʼaˬ jawˇ meh loˇ. Miˇ tsaˬ tahˬ kʼawˇ hmˬ lah ni kʼmˬ maˬ-ahˇ dawˆ ahˇ-awˇ, gawˬ jawˬ gawˬ duˇ-ahˇ paˆ yawˬ neh saˆ nya-eu gʼaˬ jawˇ meh loˇ.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 64:1

Gawˬ jawˬ gawˬ duˇ nawˬ-ahˇ mawˇ-awˇ yaw dzuˬ dzuˬ ni, aˬ jeˬ miˇ neh mˬ gʼeu paˆ-awˇ maˬ oe ka te.

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 6:14

Mˬ-aˬ, sahˬ boꞈ paˇ yoˆ lehˬ yoˆ kʼoꞈ-eu loꞈ-ehˇ byoˆ-iˇ-awˇ, gawˬ jawˬ yawˬ jawˬ na luꞈ hawˇ-eu iˇ jaw lahˇ yawˬ lahˇ na luꞈ, jawˇ duˬ bi jiˆ paˇ jiˇ-euˬ meh.

Panmaeq 8:8

Mˬ taˆ gʼaˬ kʼehˇ nyiˬ gʼaˬ tiˬ gʼaˬ daˇ heh baw ngeh, gawˬ jawˬ jawˬ ma-ahˇ duˇ-eu tiˬ jeˬ miˬ dzaˬ doꞈ doꞈ-ehˇ iˬ ma laˆ shaˆ-ahˇ ga ahˇ-iˇ-awˇ, iˬ ma laˆ shaˆ smˬ bymˇ tiˬ bymˇ shiˬ pyeuꞈ-iˇ-euˬ meh.