Yawˇbaˆ 14:14 - Akha

¹⁴ Tsawˇ haˬ zaˬ shiˇ dzeuˇ shaw naˇ paˇ dehꞈ laˇ nya ta loˇ. Ehˇ kʼawꞈ, muiˬ-eu aˇ nah aˇ yamˬ-ahˇ ngaˇ dawˬ keuˆ ma. Shaˬ-eu zahˬ-eu aˇ nah aˇ yamˬ heu deuˬ dzeuˇ-iˇ ngeh keuˆ ni dawˬ ma.

Yawˇbaˆ 14:14 ပူးပေါင်းရင်းမြစ်များ

2 Saˬmeuˬlaˆ 19:34

Ehˇ kʼawꞈ, Baˬziˇlehˇ ehˇ-eu, “Ngaˇ-aˬ, gʼawˬ myahˇ ni ya dehꞈ-eu tsawˇ haˬ maˬ paˇ ngeuˇ ma. Nawˬ nehˬ-ehˇ Yeˬluˇsaˬlehˬ meuˬ-ahˇ ngaˇ aˬ jeˬ paˇ gʼeh leˇ nmˇ.

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Yawˇbaˆ 14:13

“Shiˇ-eu miˇ kʼahˬ laꞈ kʼoeˇ nawˇ ngaˬ-ahˇ ciˬ zaꞈ nehˬ laꞈ law nmˇ-aˬ lehˇ noeˬ miˇ-a. Nawˇ nui ma pehˇ-eu shuꞈ-iˇ ngeh keuˆ ni, ngaˬ-ahˇ kʼoeˇ gaˇ ciˬ zaꞈ-awˇ, ngaˬ-ahˇ noeˬ keuˆ-eu aˇ nah tiˬ nah bi baw-awˬ.

Yawˇbaˆ 14:15

Kʼoeˇ ngeh, nawˇ ngaˬ-ahˇ kuˇ naˇ ngaˇ oˬ toˬ ma. Nawˬ neh beh-euˬ ngaˬ-ahˇ nawˇ nui kʼahˇ shiˇ tehꞈ-a.

Yawˇbaˆ 14:5

Tsawˇ haˬ-euˬ ziˇ hawˇ-eu aˬ yawꞈ ya dehꞈ-eu ba la aˇ siˬ-ahˇ, yaw beh neh diˬ tsehˆ taˬ-euˬ meh. Nawˬ neh laˆ tsaˬ jiˇ taˬ-euˬ miˇ neh maˬ paˇ laˆ paˇ nya meh.

Yawˇbaˆ 20:7

kʼaˬ lehˇ loꞈ-ehˇ bi baw byoˆ nya-eu meh. Aˬ yawꞈ-ahˇ siˬ nya-eu tsawˇ haˬ deuˬ, aˬ yawꞈ aˬ geu gaˇ iˇ byoˆ-euˬ nga lehˇ ya zahˬ leˇ tehꞈ-a.

Yawˇbaˆ 42:16

Yawˇbaˆ-aˬ, kʼoeˇ sahˇ miˇ tsa tiˬ yaˇ oeˬ tseˇ kʼoꞈ paˇ dehꞈ-awˇ, oeˬ paˬ oeˬ ma deuˬ uˬ taꞈ, oeˬ lehˬ deuˬ-ahˇ kʼawꞈ mawˇ yaꞈ-euˬ meh.

Yawˇbaˆ 7:1

Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Dawˬ tsoˆ 3:20

Nyiˬ jeˬ luꞈ aˇ saˬ saˬ leˇ duˬ tiˬ tsahˇ tehꞈ meh. Kʼaˬ lehˇ-ahˇ pyeuꞈ doˆ laˇ-euˬ loꞈ-ehˇ, kʼaˬ lehˇ paˇ ya pyeuꞈ kʼoꞈ jiˇ-eu meh.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Gʼaˬkʼehˇ 26:8

Aˬ jeˬ miˇ neh naw maꞈ heu gaˇ uiˬ laˇ taˬ-euˬ tsawˇ haˬ deuˬ, shiˇ-euˬ tsawˇ haˬ-ahˇ Miˬyehˇ bi gʼoꞈ dehꞈ laˇ nya meh lehˇ ehˇ gaˇ maˬ jah coeˇ te.”

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Panmaeq 20:13

Kʼoeˇ naˇ, iˬ ma laˆ shaˆ-aˬ, aˬ yawꞈ laꞈ kʼoeˇ shiˇ taˬ-euˬ tsawˇ haˬ deuˬ Miˬyehˇ-ahˇ a nehˬ-euˬ meh. Shiˇ-eu jeˬ maˬ ehˇ, shiˇ-eu miˇ kʼahˬ maˬ ehˇ, aˬ yawꞈ maꞈ neh kʼaˇ nyehꞈ tehˬ taˬ-euˬ shiˇ-euˬ tsawˇ haˬ deuˬ a nehˬ-euˬ meh. Kʼoeˇ naˇ, tsawˇ haˬ dawˬ tawˆ luꞈ yawˬ ha neh kʼaˇ mˇ dzeuˇ yaꞈ-euˬ loꞈ-ehˇ yaˇ kʼaˬ bi daˇ-euˬ meh.