Yawˇbaˆ 12:22 - Akha

²² Naꞈ suiˇ ni gʼeh gaˇ dehˬ kaˬ taˬ-euˬ yaw zahˇ-ahˇ aˬ yawꞈ yuˇ yawˬ-awˇ, zahˇ tsui ni gʼeh gaˇ yaw shehꞈ bi bya laˇ-eu meh.

Yawˇbaˆ 12:22 ပူးပေါင်းရင်းမြစ်များ

2 Sahˬpaˬ 6:12

Aˬ yawꞈ maꞈ laꞈ kʼoeˇ tiˬ gʼaˬ ehˇ-eu, “Sahˬ paˬ-oˇ, nga maꞈ tiˬ gʼaˬ-iˬ Iˇsaˬleˬlaˆ sahˬ paˬ jawˇ paw pyawˬ-eu maˬ ngeuˇ, Miˬyehˇ gʼaˇ duˬ ngehˬ dah-eu Eˇliˇshehˇ kʼoeˇ gʼaˬ-aˬ, nawˬ-euˬ naˬ suˬ laꞈ kʼoeˇ nawˬ neh ngehˬ-euˬ dawˬ-ahˇ keuˆ ni, Iˇsaˬleˬlaˆ sahˬ paˬ-ahˇ ehˇ nehˬ luꞈ-eu meh.”

Yawˇbaˆ 11:6

Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Yawˇbaˆ 24:17

Nah gʼahˇ paw yaw shehꞈ-ahˇ aˬ yawꞈ maꞈ guˆ kʼawꞈ, yaw zahˇ laꞈ kʼoeˇ aˬ yawꞈ maꞈ tiˬ jeˬ-iˬ maˬ guˆ-a.

Yawˇbaˆ 3:5

Aˇ nah kʼoeˇ nah-ahˇ zahˇ dui dui-eu aˇ nah bi pyeuꞈ-awˬ. Mˬ dmˇ neh ciˬ gʼoeˬ-awˇ, nahˇ ma-ahˇ dehˬ kaˬ-awˬ.

Yawˇbaˆ 34:22

Miˬyehˇ maˬ bi mawˇ nya ni iˬ baˇ zaˬ deuˬ cehˆ zaꞈ nya paˬ-ehˇ jawˇ duˬ yaw zahˇ maˬ jaˆ-a.

Jaceuq 139:11

Zahˇ tsui ni gʼeh-eu jeˬ ngaˬ-ahˇ dehˬ kaˬ le-awˬ lehˇ ngaˇ ehˇ-awˇ, ngaˬ-euˬ dawˬ peh bya-eu yaw shehꞈ-ahˇ uˬ ciꞈ loꞈ-ehˇ bi zahˇ iˇ nya law hawˇ kʼawꞈ,

Jaceuq 139:12

nawˬ-euˬ gʼaˇ duˬ yaw zahˇ maˬ baw-ehˇ, uˬ ciꞈ kʼawꞈ nah gʼahˇ loꞈ-ehˇ bya-eu meh. Nawˬ-euˬ mehˬ shi yaw bya hawˇ-eu yaw zahˇ tiˬ kawˆ meh.

Jaceuq 44:21

Miˬyehˇmaˬsiˬ-ehˇjawˇnmˇloˇ. Nui noeˬnoeˬkʼoeˬ-euˬgaˇkeuˆni, aˬyawꞈsiˬjiˇmawˇjiˇluꞈmeh.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Maꞈtehˬ 10:26

“Kʼoeˇ miˇ neh, tsawˇ haˬ kʼoeˇ deuˬ-ahˇ taˬ guˆ. Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.

Luˇkaꞈ 1:79

shiˇ-eu naˇ shmˇ yaw zahˇ uˬ moˆ, kʼaˇ dehꞈ kʼaˇ jawˇ-eu deuˬ kʼoeˇ taˆ, mˬ taˆ neh bya ka leꞈ tehꞈ-a. Nui saˇ oꞈ-eu gaˇ ma kʼoeˇ taˆ, kuiˇ toꞈ paˇ ciˬ kʼoꞈ daˆ nya ni, aˬ dui ahˇ sheuˬ gʼeh laꞈ tehꞈ-a.”

1 Gawˇliˬtu 2:10

Ehˇ kʼawꞈ, Miˬyehˇ aˬ yawꞈ neh zaꞈ taˬ-euˬ jeˬ, aˬ yawꞈ-euˬ Yaw sahˇ Miˬyehˇ-ahˇ gʼoe-awˇ aˬ dui-ahˇ bi siˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, yawˬ jeˬ na luꞈ-ahˇ poˆ tseˇ-eu meh. Naꞈ dui dui gaˇ zaꞈ taˬ-euˬ Miˬyehˇ-euˬ nui kʼahˇ-ahˇ kʼawꞈ, poˆ tseˇ doˆ-eu meh.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.