Yawˇbaˆ 12:14 - Akha

¹⁴ Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Yawˇbaˆ 12:14 ပူးပေါင်းရင်းမြစ်များ

Aˇ dahˬ 7:16

Noˇaˬ-ahˇ Miˬyehˇ dawˬ biꞈ taˬ-euˬ loꞈ-ehˇ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˬ yawꞈ jeˬ yawꞈ aˬ poeˇ aˬ ma aˇ gu baw baw-ehˇ, Noˇaˬ nehˬ-ehˇ saˇ baoˬ laꞈ kʼoeˇ uˇ leˇ jiˇ-euˬ meh. Kʼoeˇ ngeh, Sahˬpaˬ Miˬyehˇ saˇ baoˬ laˇ gʼoˆ piˬ tehˬ-euˬ meh.

Yawˇbaˆ 11:10

Miˬyehˇ nawˬ-ahˇ nyehꞈ-awˇ yaˇ kʼaˬ daˇ naˇ, laˆ tsoeˬ peuˬ-eu aˬ suˇ gʼaˬ jawˇ nmˇ.

Yawˇbaˆ 16:11

Miˬyehˇ ngaˬ-ahˇ haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.

Yawˇbaˆ 19:10

Aˬ yawꞈ ngaˬ-ahˇ yawˬ pyawˬ na luꞈ ciˬ tahˬ laˇ-awˇ, Ngaˬ-euˬ noeˬ tmˬ duˬ gʼeu lehˆ dzeh-awˇ, nyoeˬ-iˇ koˆ-iˇ-awˇ bi shiˇ-eu lehˇ byehˇ dzeh nehˬ laꞈ-euˬ meh.

Yawˇbaˆ 37:7

Tsawˇ haˬ zaˬ mˇ-eu gaˇ naˬ leˇ ni aˬ yawꞈ jahˇ-awˇ, aˬ yawꞈ gaˇ mˇ luꞈ-eu bi siˬ bi mawˇ-eu meh.

Dawˬ tsoˆ 7:13

Miˬyehˇ neh mˇ-euˬ shaˇ noeˬ sheˇ. Aˬ yawꞈ neh beh ngoꞈ taˬ-euˬ jeˬ, ngawˬ dawˇ nya-eu aˬ suˇ jawˇ ta.

Iˇsaˬyaˇ 14:23

Baˬbuˇloˬ meuˬ-ahˇ lah yaˬ bi yaˬ-iˇ-awˇ, kuiˬ siˆ zaˬ siˆ deuˬ kʼoeˇ gaˇ jawˇ tehꞈ-a. Baˬbuˇloˬ meuˬ laꞈ kʼoeˇ tiˬ jeˬ-iˬ maˬ bi dzeˇ yaꞈ ni, yaˆ pyawˇ yaˆ juiˇ-eu loꞈ-ehˇ laˆ cawˆ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.”

Iˇsaˬyaˇ 22:22

Aˬ yawꞈ-ahˇ Daˬbiˇ-euˬ zaˬ pyeuꞈ-eu sahˬ paˬ-euˬ laꞈ oˆ teˬ ni gʼeh-eu gʼaˬ bi pyeuꞈ laˇ ma. Daˬbiˇ-euˬ nymˇ-ahˇ pah-eu mawˬ tawꞈ aˬ yawꞈ-euˬ laꞈ-ahˇ jaˆ-awˇ, aˬ yawꞈ neh pah taˬ-euˬ gaˇ tiˬ gʼaˬ-iˬ maˬ piˬ tehˬ nya-ehˇ, aˬ yawꞈ neh piˬ tehˬ taˬ-euˬ gaˇ tiˬ gʼaˬ-iˬ maˬ pah nya-a.

Iˇsaˬyaˇ 25:2

Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Yeˬlaˬmiˇ 51:58

Baoˬ huiˬ-eu Baˬbuˇloˬ meuˬ lahˇ, miˇ tsa ga byaˆ le tehꞈ-a. Goˇ dui dui-eu meuˬ lahˇ laˇ gʼoˆ deuˬ kʼawꞈ, miˬ dzaˬ puiˆ dzeh tehꞈ-a. Miˇ tsaˬ tsawˇ jeuˬ mˇ-euˬ gaˇ deuˬ, tiˬ jeˬ-iˬ gaˇ dahˇ maˬ tsoeˬ-a. Aˬ yawꞈ maꞈ neh yuˇ doˆ-euˬ gʼaˬ, miˬ lmˇ laꞈ kʼoeˇ byoˆ jiˇ meh lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ ma.”

Yeˬlaˬmiˇ 51:64

Kʼoeˇ naˇ, heu loꞈ-ehˇ ehˇ-awˬ. ‘Baˬbuˇloˬ miˇ kʼahˬ-ahˇ heu loꞈ-ehˇ gʼeh-eu jeˬ keuˆ le tehꞈ-a. Baˬbuˇloˬ miˇ kʼahˬ ga nuiꞈ-awˇ maˬ paˇ doˆ laˇ nya-aˇ. Aˬ jeˬ miˇ neh ehˇ naˇ, Sahˬpaˬ Miˬyehˇ luˬ-iˇ seˇ-iˇ-eu jeˬ bi keuˆ le-eu’ lehˇ lehˬ hmˬ luꞈ meh lehˇ ehˇ-awˬ.” Yeˬlaˬmiˇ-euˬ dawˬ heu gaˇ jiˇ-euˬ meh.

Yeˬsaˬgeˬlaˇ 26:14

Ngaˬ shaˬ poˆ-eu deuˬ, ngaˬ myahˬ sheu lawꞈ nya ni, kʼaˬ lo tiˬ siˬ tehꞈ-ehˇ buˇ law ni bi dzeˇ yaꞈ ma. Meuˬ heu tiˬ jawˇ-iˬ maˬ paˇ ya tsoˆ geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maˬlaˬkiˇ 1:4

Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ, “Nga maꞈ-euˬ meuˬ deuˬ cawˆ-iˇ-euˬ meh. Ehˇ kʼawꞈ, nga maꞈ paˇ gawˬ muiˬ geuꞈ ma” lehˇ ehˇ laˇ naˇ, Sahˬpaˬ Miˬyehˇ heu loꞈ-ehˇ ehˇ tehꞈ-a. “Aˬ yawꞈ maꞈ paˇ gawˬ muiˬ kʼawꞈ, ngaˇ tiˬ poˆ paˇ laˆ byaˆ dzeh ma. Aˬ yawꞈ maꞈ-ahˇ aˬ cawˬ haiˬ-eu miˇ kʼahˬ lehˇ kuˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ nui ma pehˇ-eu miˇ kʼahˬ lehˇ ehˇ tehꞈ-a.”

Lormav 11:32

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ dawˬ tawˆ luꞈ-ahˇ aˬ yawꞈ-euˬ gʼawˬ shaˬ gaˬ-eu jeˬ biꞈ nehˬ mawꞈ-eu miˇ neh aˬ yawꞈ maꞈ dawˬ tawˆ luꞈ-ahˇ ehˇ dawˬ maˬ naˇ haˬ geuꞈ-eu jeˬ-euˬ uˬ moˆ paꞈ tawꞈ-awˇ bi jawˇ-euˬ meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.

1 Saˬmeuˬlaˆ 24:18

Nawˇ ngaˬ-euˬ kʼoeˇ taˆ aˇ naˆ ni muiˬ-eu tsawˇ haˬ pyeuꞈ-eu gaˇ kawˆ, iˬ nah nawˇ bi siˬ bi mawˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ gʼaˬ-euˬ kʼawꞈ, nawˇ ngaˬ-ahˇ maˬ sehꞈ-a.

1 Saˬmeuˬlaˆ 26:8

Daˬbiˇ-ahˇ Aˬbiˇshaiˇ ehˇ nehˬ-eu, “Nymˇ ciꞈ nawˬ-ahˇ muiˇ-eu gʼaˬ-ahˇ, nawˬ-euˬ aˬ laꞈ laꞈ kʼoeˇ Miˬyehˇ a nehˬ laꞈ-euˬ ngaˇ. Aˬ yawꞈ-euˬ gahˬ neh aˬ yawꞈ-ahˇ miˇ tsa tsawˆ tsoˆ nehˬ-eu gʼaˇ duˬ ngaˬ-ahˇ aˬ kawˬ-aˬ biꞈ laꞈ-awˬ. Nyiˬ laꞈ luꞈ tuˆ tehˬ-awˇ maˬ tsawˆ ni, tiˬ laꞈ tehꞈ-ehˇ tsawˆ ma.”