Yaˬkoˆ 5:6 - Akha

⁶ Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawmaf, dawr-awr tsaq-eu tsawrhaq-anr yarkhaq dar-awr, aqyawf-anr saef-euq mae. Aerkhawf, aqyawf, nawmaf-anr maq lavtsoeq-aq.

Yaˬkoˆ 5:6 ပူးပေါင်းရင်းမြစ်များ

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Maꞈtehˬ 21:38

Ehˇ kʼawꞈ, aˬ gaꞈ yaˇ kmˇ mˇ paˇ paˆ-eu deuˬ aˬ li kʼoeˇ gʼaˬ-ahˇ ya mawˇ ngeh, heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Oe-awˬ, aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ deuˬ aˬ dui maꞈ za tehꞈ-a.’

Maꞈtehˬ 27:20

Baˬlaˬbaˇ-ahˇ pyehˬ-awˇ Yeˬsuˇ-ahˇ sehꞈ ni sahˬ paˬ Piˇlaˆ-ahˇ shaˇ-eu gʼaˇ duˬ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ neh tsawˇ haˬ aˇ maꞈ-ahˇ mehˬ gahˇ taˬ-euˬ meh.

Maꞈtehˬ 5:39

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Gʼaˬkʼehˇ 22:14

Aˬ yawꞈ ehˇ-eu, ‘Miˬyehˇ-euˬ nui kʼahˇ-ahˇ nawˇ siˬ nya laˇ ni maˬ ehˇ, aˬ yawꞈ-euˬ tsaˬ-eu dawˇ-eu Zaˬkʼaˆ-ahˇ ya mawˇ ni maˬ ehˇ, aˬ yawꞈ-euˬ kʼaˬ meh dawˬ ngehˬ gaˇ ya gaˬ ni maˬ ehˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ nawˬ-ahˇ tseˇ doˆ-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Gʼaˬkʼehˇ 8:32

Aˬ yawꞈ gui luꞈ-eu Jaˇliꞈ aˇ deuˆ kʼoeˇ deuˆ-aˬ, heu loꞈ-ehˇ meh. “Diˬ sehꞈ-eu lehˇ bi tsahˇ gʼeh-euˬ, yawˇ-ahˇ aˬ yawꞈ duˇ leˇ-eu meh. Caꞈ hm bi tehˬ luꞈ-eu yawˇ zaˬ, ciˬ cuˇ ni awˆ daˬ-eu loꞈ-ehˇ, aˬ yawꞈ dawˬ maˬ ngehˬ doˆ laˇ-a.

HeˬByehˇ 10:38

Ehˇ kʼawꞈ tsaˬ-eu dawˇ-eu tsawˇ haˬ, jah-eu baˬ da neh dehꞈ tehꞈ-a. Aˬ yawꞈ ngaˬ-ahˇ byehˇ dzeh laꞈ naˇ, aˬ yawꞈ-ahˇ ngaˇ nui kʼahˇ maˬ shiˇ.”

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.

Yaˬkoˆ 4:2

Naw maꞈ nui kʼahˇ jaˆ-eu jeˬ-ahˇ naw maꞈ maˬ za nya-eu miˇ neh aˬ cawˬ-ahˇ sehꞈ-eu meh. Naw maꞈ mawꞈ dui dui-eu jeˬ-ahˇ maˬza nya-eu miˇ neh iˬ dehˬ iˬ ceh doˆ laˇ-eu meh. Naw maꞈ Miˬyehˇ-ahˇ maˬ shaˇ-eu miˇ neh yawˬ haˬ geuꞈ mawꞈ-eu jeˬ-ahˇ maˬ za nya-a.

1 Beˬtuˆluˆ 4:18

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Ka kʼoꞈ-eu jeˬ-ahˇ za nya ni, tsawˇ muiˬ deuˬ kʼawꞈ maˬ awˬ-eu-aˬ, Miˬyehˇ ehˇ dawˬ maˬ naˇ haˬ-eu, iˬ baˇ zaˬ deuˬ aˇ naˆ shaˬ nmˇ.”