Yaˬkoˆ 5:4 - Akha

⁴ Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawmaf-euq daeyar-anr caer biyaeq-euq tsawrhaq-anr nawmaf ghaqgarpoeq maq bifbyan-aer shuirdzaq-euq mirnae, ghaqgarpoeq khoer gurluf-awr, caer yaeq-euq deuq gur-eu tersar, Guirmaf-euq Sanqpaq Miqyaer-euq naqbawr-anr gaqkeuv ler-euq mae.

Yaˬkoˆ 5:4 ပူးပေါင်းရင်းမြစ်များ

Aˇ dahˬ 4:10

Kʼoeˇ ngeh, Sahˬpaˬ Miˬyehˇ ehˇ-eu, “Aˬ jeˬ miˇ neh teu naˆ naˆ-ehˇ bahˬ-eu jeˬ nawˇ mˇ yaꞈ teˬ. Nawˬ-ahˇ laꞈ poˆ bi poˆ kʼoꞈ nehˬ mawꞈ-eu teˇ saˇ loꞈ-ehˇ, nawˬ-euˬ aˬ nyiˇ-euˬ shiˬ, miˇ tsaˬ dawˬ dah paw neh ngaˬ-ahˇ kuˇ luꞈ meh.

Yawˇbaˆ 34:28

Iˇ shaˬ zaˬ deuˬ Miˬyehˇ-ahˇ guˇ gaˇ keuˆ ni aˬ yawꞈ maꞈ kʼaˆ dzaˬ-awˇ, caw ba le-awˬ lehˇ iˇ shaˬ zaˬ deuˬ guˇ gaˇ Miˬyehˇ gaˬ-eu meh.

Yawˇbaˆ 7:2

Zaˬ kʼaˆ tiˬ gʼaˬ naˇ shmˇ ya awˆ gaˇ noeˬ tmˬ luꞈ gaˇ duˇ-awˇ, gʼaˬ mahˇ mahˇ zaˬ tiˬ gʼaˬ nah poeˬ biꞈ laꞈ gaˇ dawˬ luꞈ gaˇ duˇ-eu meh.

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Doˆ-iˇ 22:27

Aˬ jeˬ miˇ neh ehˇ naˇ, aˬ yawꞈ yaw gaˆ gaˆ ngeh dm-eu gʼaˇ duˬ, aˇ bui kʼoeˇ tiˬ kahˇ jaˆ-eu tehꞈ meh. Maˬ ngeuˇ naˇ, aˬ yawˬ aˬ joˆ-ehˇ yuꞈ nmˇ. Caw ba nehˬ laꞈ-awˬ lehˇ aˬ yawꞈ ngoeˇ-awˇ ngaˬ-ahˇ shaˇ ngeh, ngaˇ naˇ haˬ ma. Aˬ jeˬ miˇ neh ehˇ naˇ, ngaˇ-aˬ, gʼawˬ shaˬ gaˬ nya-eu nui ma ahˇ-eu ma.

Doˆ-iˇ 3:9

Ngaˬ-euˬ tsawˇ haˬ deuˬ ngoeˇ luꞈ-eu teˇ saˇ-ahˇ, ngaˇ aˬ diˇ aˬ maˇ ya gaˬ gʼaˬ-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ luꞈ-eu ngaˇ mawˇ duˬ gʼaˬ-euˬ ma.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 5:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu ngaˇ gaˬ-euˬ ma. “Aˬ diˇ aˬ maˇ nymˇ gʼawˬ mya ni nymˇ tsoeˬ tsoeˬ-iˇ tehꞈ-a. Huiˬ dui muiˬ dui dui-eu nymˇ deuˬ, tsawˇ haˬ maˬ jawˇ ni jaˆ yaꞈ tehꞈ-a.

Yeˬlaˬmiˇ 22:13

Maˬ tsaˬ maˬ dawˇ-eu laꞈ kʼoeˇ nymˇ tsoˆ-awˇ, maˬ sui maˬ dawˇ-eu laꞈ kʼoeˇ nymˇ paˇ tsoˆ jeˇ-eu, yawˬ ha miˇ kʼahˬ zaˬ-ahˇ yawˬ ngehꞈ-ehˇ kʼehˇ dzaˬ-awˇ, gʼaˬ gaˇ aˇ poeˬ maˬ biꞈ nehˬ-eu tsawˇ haˬ, shaˬ zahˬ ya mˇ dui dui tehꞈ-a.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Haˬbaˬkuˆ 2:11

Kaˇ pyawˇ kʼaˬ lo nawˬ-ahˇ guˇ-awˇ, daˇ kawˬ pyaꞈ dmˬ guˇ caw tehꞈ-a.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Maꞈtehˬ 9:37

Kʼoeˇ ngeh, aˬ yawꞈ-euˬ zaˬ lahˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Cehˇ myah laˇ taˬ-euˬ gʼawˬ mya ni jaˆ kʼawꞈ, yehˬ-eu tsawˇ haˬ ui cuiˆ tehꞈ meh.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Lormav 9:29

Naꞈ ngeh neh Iˇsaˬyaˇ neh ehˇ taˬ-euˬ heu loꞈ-ehˇ jaˆ-eu meh. “Baoˬ huiˬ-eu Sahˬpaˬ Miˬyehˇ neh, tsuiꞈ maˬ bi dahˬ-iˇ-eu gʼaˇ duˬ, zaˬ maˬ bi dzeuˇ-iˇ law nmˇ-aˬ, Sawˇdoˬ, Gawˇmawˇlaˆ meuˬ loꞈ-ehˇ, aˬ dui byoˆ-iˇ jiˇ-euˬ tehꞈ-a.”

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Gawˇlawˇsehˇ 4:1

Baw leˬ deuˬ-oˇ, yawˬ ha-euˬ zaˬ kʼaˆ deuˬ-ahˇ yawˬ tsaˬ yaw dawˇ dawˇ-ehˇ haw nehˬ-awˬ. Naw maꞈ kʼawꞈ, mˬ kʼoeˇ taˆ naw maꞈ-euˬ Baw leˬ jawˇ ma lehˇ nui ma laꞈ kʼoeˇ noeˬ taˬ-awˬ.