Yaˬkoˆ 5:19 - Akha

¹⁹ Aˬ yuiꞈ aˬ nyiˇ Ka li zaˬ deuˬ-oˇ, naw maꞈ laꞈ kʼoeˇ tiˬ gʼaˬ na, yaw tsaˬ yaw dawˇ jeˬ-ahˇ gaˇ mahˇ kaˬ-iˇ-awˇ, yawˬ gʼaˬ yawˬ neh aˬ yawꞈ-ahˇ paˇ sheuˬ kʼoꞈ laꞈ naˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Ngaq-euq aqyuif aqnyir deuq-or! Nawmaf-euq lafkhoer tiqghaqnav yawtsaq yawdawr jeq-anr nae garbanq banq-ir-euq gar sheuqkhoflaf nar-aq,

Yaˬkoˆ 5:19 ပူးပေါင်းရင်းမြစ်များ

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

Maꞈtehˬ 18:15

Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Yaˬkoˆ 5:20

heu loꞈ-ehˇ siˬ nya-awˬ. Iˬ baˇ zaˬ tiˬ gʼaˬ yawˬ ha-euˬ yaw lehˬ-ahˇ noeˬ poˆ leˇ ni sheuˬ pyawˇ nehˬ-euˬ tsawˇ haˬ aˬ geu gʼaˬ maˬ kaˬ, iˬ baˇ zaˬ kʼoeˇ gʼaˬ-euˬ saꞈ laˇ-ahˇ shiˇ-eu jeˬ laꞈ kʼoeˇ neh ka kʼoꞈ-awˇ, myaˬ dui dui-eu iˬ baˇ gʼaˇ duˬ iˬ baˇ pyehˬ nehˬ-eu jeˬ bi keuˆ le-eu meh.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

2 Beˬtuˆluˆ 3:17

Ehˇ kʼawꞈ cawˬ deuˬ oˇ, naw maꞈ-aˬ, gaˇ kawˆ heu siˬ nya taˬ-euˬ tsawˇ haˬ meh. Kʼaˇ dehꞈ mawꞈ-eu dehꞈ-eu tsawˇ haˬ deuˬ neh bi tsahˇ pyawˇ-awˇ, yawˬ ha ziꞈ dah ni yawꞈ luꞈ-eu maˬ ya coˬ-iˇ ni yaw kʼaˆ kʼaˆ-ehˇ yahˇ-awˬ.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

Yeˬsaˬgeˬlaˇ 34:4

Gʼaˬ maˬ ahˇ-eu yawˇ deuˬ-ahˇ maˬ bo saˆ-ehˇ, naˇ-eu yawˇ deuˬ-ahˇ jaˆ gʼaˬ maˬ laˆ saˆ-eu uˬ taꞈ, laˆ tahˬ laˆ naˇ-euˬ yawˇ deuˬ-ahˇ jaˆ gʼaˬ maˬ uꞈ nehˬ-ehˇ, gaˇ ma iˇ bahˬ-euˬ yawˇ deuˬ maˬ teh kʼoꞈ ni, byoˆ-iˇ-euˬ yawˇ deuˬ-ahˇ maˬ poˆ kʼoꞈ-ehˇ jawˇ coeˇ-eu meh. Kʼoeˇ uˬ taꞈ, yawˇ deuˬ-ahˇ naw maꞈ yehˬ bawˬ-ehˇ gʼeh-euˬ meh.

Iˇsaˬyaˇ 3:12

Zaˬ guˬ deuˬ ngaˬ-euˬ tsawˇ haˬ deuˬ-ahˇ nawˬ tehˬ-awˇ, zaˬ miˬ zaˬ deuˬ aˬ yawꞈ maꞈ kʼoeˇ taˆ uˆ lahˇ-eu meh. Ngaˬ-euˬ tsawˇ haˬ deuˬ-oˇ, naw maꞈ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, naw maꞈ miˇ bahˬ bahˬ luꞈ meh.

1 Tiˆmoˇseˬ 6:21

Aˬ jeˬ miˇ neh ehˇ naˇ, tsawˇ haˬ tiˬ paˆ na deuˬ zaˬ siˬ tsawˇ gahˇ kʼoeˇ ahˇ ma lehˇ ehˇ-awˇ, jah-eu jeˬ-ahˇ gaˇ mahˇ kaˬ-iˇ-euˬ meh. Miˬyehˇ-euˬ guiˬ lahˬ yaw dzahˇ nawˬ-euˬ kʼoeˇ taˆ jaˆ luꞈ-uˇ.

Dawqdaq 19:27

Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.

Jaceuq 119:118

Nawˬ-euˬ zahˇ dawˬ kʼoꞈ dawˬ-ahˇ maˬ caw teh-eu deuˬ-ahˇ nawˇ byehˇ dzeh-awˇ, aˬ yawꞈ maꞈ-euˬ nui gʼoꞈ gaˇ dahˇ maˬ tsoeˬ leˇ-a.

Jaceuq 119:21

Nui ma huiˬ-eu mahˇ-eu deuˬ-ahˇ nawˇ byehˇ dzeh-eu meh. Nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu deuˬ yaˬ kʼehˇ yaˬ gaˇ ya daˬ luꞈ-uˇ.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

2 Tiˆmoˇseˬ 2:18

Aˬ dui gʼoꞈ dehꞈ laˇ-eu jeˬ keuˆ le dzeuˇ-euˬ meh lehˇ ehˇ-eu laꞈ kʼoeˇ, yaw tsaˬ yaw dawˇ gaˇ ma-ahˇ aˬ yawꞈ maꞈ byehˇ dzeh-awˇ, tsawˇ haˬ tiˬ paˆ na deuˬ-euˬ jah-eu nui ma bi cawˆ-iˇ-eu meh.

HeˬByehˇ 5:2

Aˬ yawꞈ kʼawꞈ, gʼaˬ baˬ duˬ gʼawˬ mya ni jaˆ-eu loꞈ-ehˇ, maˬ siˬ nya-ehˇ mˇ lehˬ shaˇ lehˬ-euˬ deuˬ kʼoeˇ taˆ nui ma nahˬ yu ni taˬ nya-eu meh.

Yaˬkoˆ 1:16

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, taˬ noeˬ lehˬ.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.