Yaˬkoˆ 5:14 - Akha

¹⁴ Ti gʼaˬ na naˇ luꞈ gawˇ luꞈ ta loˇ. Aˬ yawꞈ-euˬ gʼaˇ duˬ guiˬ lahˬ bi shaˇ nehˬ-awˇ, Sahˬpaˬ Yeˬsuˇ-euˬ tsawˇ myahˇ uˬ moˆ aˬ yawꞈ-ahˇ saˬ loˬ tsiˇ bi lehꞈ-eu gʼaˇ duˬ, Ka li zaˬ aˇ muˇ-euˬ aˬ yuiꞈ aˬ tsu deuˬ-ahˇ bi kuˇ-iˇ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nawmaf-euq lafkhoer tiqghaqnav narluf gawrluf nar-aq, aqyawf, Kalizaq armur-euq aqyuif aqtsu deuq-anr kur-eu tsaq mae. Aqyawfmaf, Sanqpaq Yeqsur-euq tsawrmyanr-anr ghoeghoe-aer, nar-eu khoerghaq-anr tsir laefnaeq-awr, aqyawf-euq gharduq guiqlanq sharnaeq-eu tsaq mae.

Yaˬkoˆ 5:14 ပူးပေါင်းရင်းမြစ်များ

1 Sahˬpaˬ 17:21

Kʼoeˇ naˇ, aˬ li kʼoeˇ gʼaˬ kʼoeˇ taˆ Eˇliˇyaˆ smˬ poˆ keuˆ ni ga byaˆ-awˇ, “Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ li heu li-ahˇ paˇ bi gʼoꞈ dehꞈ laˇ-awˬ” lehˇ guiˬ lahˬ shaˇ-euˬ meh.

2 Sahˬpaˬ 4:33

Kʼoeˇ ngeh, aˬ yawꞈ laˇ gʼoˆ piˬ tehˬ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

Maˬkuˆ 16:18

Aˬ yawꞈ maꞈ aˇ lawˇ-ahˇ nyehꞈ-eu maˬ kaˬ, dzaˇ doꞈ dzaˬ-eu maˬ kaˬ, tiˬ jeˬ-iˬ maˬ gʼeh-aˇ. Aˬ yawꞈ maꞈ naˇ-eu tsawˇ haˬ deuˬ kʼoeˇ taˆ aˬ laꞈ baꞈ daˆ nehˬ ngeh, naˇ-eu taˬ leˇ tehꞈ-a.”

Maˬkuˆ 6:13

Aˬ yawꞈ maꞈ nehꞈ gʼawˬ mya ni teh doˆ-awˇ, naˇ-eu tsawˇ haˬ gʼawˬ mya ni-ahˇ tsiˇ lehꞈ-awˇ laˆ taˬ nehˬ-euˬ meh.

Gʼaˬkʼehˇ 11:30

Aˬ yawꞈ maꞈ kʼoeˇ loꞈ-ehˇ jahˇ-awˇ, Baˬnaˬbaˇ hawˇ-eu Sawˇluˆ aˬ nyaꞈ-ahˇ neh tiˬ tiˆ, Ka li zaˬ aˇ muˇ-euˬ aˬ yuiꞈ aˬ tsu deuˬ jawˇ gaˇ pyuˇ dawˆ ahˇ gʼeh-euˬ meh.

Gʼaˬkʼehˇ 14:23

Ka li zaˬ aˇ muˇ yawˬ muˇ na luꞈ laꞈ kʼoeˇ, aˬ yuiꞈ aˬ tsu tseˇ doˆ nehˬ-awˇ, maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ jah luꞈ-eu Sahˬpaˬ Miˬyehˇ-euˬ aˬ laꞈ laꞈ kʼoeˇ a nehˬ yaꞈ-euˬ meh.

Gʼaˬkʼehˇ 15:4

Aˬ yawꞈ maꞈ Yeˬluˇsaˬlehˬ meuˬ-ahˇ iˇ keuˆ ngeh, Ka li zaˬ aˇ muˇ maˬ ehˇ, gʼaˬ kʼehˇ deuˬ maˬ ehˇ, aˬ yuiꞈ aˬ tsu deuˬ maˬ ehˇ, aˬ yawꞈ maꞈ-ahˇ laˬ kʼaˬ tiˬ cehˇ ha-euˬ meh. Kʼoeˇ ngeh, aˬ yawꞈ nyaꞈ-ahˇ gʼoe-awˇ Miˬyehˇ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, aˬ yawꞈ maꞈ-ahˇ dzawˇ mehˬ nehˬ-euˬ meh.

Gʼaˬkʼehˇ 28:8

Buˬbaˬliˇ-euˬ aˬ da-aˬ, pyaˬ-awˇ uˬ maˆ uˬ neˇ iˇ iˇ-ehˇ yuꞈ zaˇ kʼoeˇ taˆ ga-eu meh. Pawˇluˆ-aˬ, aˬ yawꞈ yuꞈ-eu kuˆ lawˆ-ahˇ uˇ leˇ-awˇ, guiˬ lahˬ shaˇ nehˬ-eu laꞈ kʼoeˇ, aˬ yawꞈ-euˬ kʼoeˇ taˆ aˬ laꞈ baꞈ daˆ-awˇ naˇ gawˇ laˆ taˬ nehˬ-euˬ meh.

Gʼaˬkʼehˇ 9:40

Beˬtuˆluˆ-aˬ, aˬ yawꞈ maꞈ dawˬ tawˆ luꞈ-ahˇ laꞈ nyiˇ bi doˆ-iˇ jiˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh. Kʼoeˇ naˇ, shiˇ taˬ-euˬ gʼawˇ mawˇ jaˆ gaˇ ciˬ pyawˇ-awˇ, “Daˬbiˇtaˆ-oˇ, tuˇ-awˬ”lehˇ ehˇ nehˬ-euˬ meh. Aˬ yawꞈ myaˆ nuiˆ byeh haw laˇ-awˇ, Beˬtuˆluˆ-ahˇ mawˇ ngeh, tuˇ-awˇ nuiˇ-euˬ meh.

Tiˇtuˆ 1:5

Maˬ mˇ luiˆ dah-euˬ gaˇ deuˬ mˇ luiˆ-eu gʼaˇ duˬ maˬ ehˇ, iˇ jaw lahˇ laꞈ kʼoeˇ jaˆ-eu meuˬ yawˬ meuˬ na luꞈ laꞈ kʼoeˇ Ka li zaˬ aˇ muˇ-ahˇ sheuˬ gʼeh nehˬ-eu aˬ yuiꞈ aˬ tsu deuˬ tseˇ doˆ nehˬ-eu gʼaˇ duˬ maˬ ehˇ, Gaˬlaˬdeˬ iˇ jaw lahˇ laꞈ kʼoeˇ nawˬ-ahˇ ngaˇ bi jawˇ yaꞈ-euˬ ma.