Yaˬkoˆ 5:13 - Akha

¹³ Naw maꞈ laꞈ kʼoeˇ, tsawˇ haˬ ti gʼaˬ na shaˬ dui zahˬ dui dui-eu jeˬ-ahˇ ya daˬ luꞈ ta loˇ. Aˬ yawꞈ guiˬ lahˬ shaˇ-eu tsaˬ meh. Tiˬ gʼaˬ na laˬ kʼaˬ cehˇ luꞈ ta loˇ. Aˬ yawꞈ Miˬyehˇ-ahˇ ja ceuˬ-awˇ caˇ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf-euq lafkhoer, tiqghaqnav shaq-awr zanq-eu jeq-anr daqluf nar-aq, aqyawf guiqlanq shar-eu tsaq mae. Tiqghaqnav laqkhaq caer-eu ngeur nar-aq, aqyawf, Miqyaer-anr jaceuq-eu cardawq car-eu tsaq mae.

Yaˬkoˆ 5:13 ပူးပေါင်းရင်းမြစ်များ

1 Laˬsaˬbaˬ 16:9

Aˬ dui-euˬ Sahˬpaˬ Miˬyehˇ-ahˇ, caˇ dawˬ caˇ-awˇ ja ceuˬ nehˬ-awˬ. Yawꞈ neh mˇ-euˬ kʼaˆ-eu gaˇ deuˬ aˬ cawˬ-ahˇ dzawˇ mehˬ nehˬ kaˇ-euˇ.

Yawˇbaˆ 33:26

Aˬ yawꞈ guiˬ lahˬ shaˇ ngeh, Miˬyehˇ naˇ haˬ nehˬ-awˇ, laˬ kʼaˬ cehˇ taˆ ni Miˬyehˇ-ahˇ aˬ yawꞈ uˬ duˬ tahˬ tehꞈ-a. Aˬ yawꞈ-euˬ gaˇ ma-ahˇ Miˬyehˇ paˇ laˆ saˆ nehˬ tehꞈ-a.

Jaceuq 105:2

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ, aˬ cawˬ-ahˇ dzawˇ nehˬ-awˬ.

Jaceuq 118:5

Ngaˇ nui ma cawˆ-awˇ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ-awˇ bi buˬ-iˇ laꞈ-euˬ meh.

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Jaceuq 95:2

Guiˬ lahˬ-ahˇ noeˬ keuˆ-eu laꞈ kʼoeˇ aˬ yawꞈ-euˬ mehˬ shi uiˬ leˇ-awˇ, laˬ kʼaˬ tiˬ cehˇ ja ceuˬ-eu caˇ dawˬ caˇ kaˇ-euˇ.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Daˬyeˬlaˇ 5:4

Aˬ yawꞈ maꞈ aˬ gaꞈ dzaˇ uiˇ dawˇ dawˇ-ehˇ, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Yawˇnaˆ 2:2

“Nui ma cawˆ dui dui-eu laꞈ kʼoeˇ, Sahˬpaˬ Miˬyehˇ-ahˇ ngaˇ kuˇ ngeh, kuˇ dawˬ naˇ haˬ nehˬ laꞈ-euˬ meh. Shiˇ-eu miˇ kʼahˬ dawˬ dah uˇ-awˇ, caw ba nehˬ laꞈ lehˇ ngaˇ shaˇ ngeh, shaˇ dawˬ naˇ haˬ nehˬ laꞈ-eu meh.

Yawˇnaˆ 2:7

Ngaˇ shiˇ leˇ-eu myaꞈ leˇ luꞈ-awˇ, nawˬ-ahˇ ngaˇ guiˬ lahˬ shaˇ ngeh jawˇ, muiˬ-eu shawˇ-eu Uˬ duˬ tahˬ nymˇ, laꞈ kʼoeˇ jawˇ-awˇ nawˇ gaˬ-euˬ meh.

Miˇkaˬ 4:5

Tsawˇ jeuˬ yawˬ jeuˬ na luꞈ yawˬ ha-euˬ miˬ yehˇ-ahˇ uˬ duˬ tahˬ-awˇ, yawˬ ha miˬ yehˇ-euˬ ehˇ dawˬ naˇ haˬ luꞈ meh. Ehˇ kʼawꞈ, aˬ dui-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ dui uˬ duˬ tahˬ-awˇ, mˬ maˬ maˬ byaˆ zaˇ ziˇ aˬ yawꞈ-euˬ dawˬ naˇ haˬ geuꞈ ma.

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Luˇkaꞈ 23:42

Kʼoeˇ naˇ, aˬ yawꞈ ehˇ-eu, “Yeˬsuˇ-oˇ, nawˇ Sahˬ paˬ loꞈ-ehˇ zaꞈ le ngeh, ngaˬ-ahˇ taˬ ngehˇ nehˬ laꞈ.”

1 Gawˇliˬtu 14:15

Toˆ-ehˇ ngeuˇ naˇ, ngaˇ aˬ joˆ-ehˇ jahˇ paˬ nga. Ngaˬ-euˬ saꞈ laˇ guiˬ lahˬ shaˇ ma. Ngaˬ-euˬ nui ma kʼawꞈ guiˬ lahˬ shaˇ ma. Ngaˬ-euˬ saꞈ laˇ ja ceuˬ-awˇ caˇ ma. Ngaˬ-euˬ nui ma kʼawꞈ ja ceuˬ-awˇ caˇ ma.

1 Gawˇliˬtu 14:26

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Naw maꞈ uˬ duˬ tahˬ-eu lehˇ uiˬ leˇ ngeh, caˇ dawˬ caˇ-eu gʼaˬ, mehˬ-eu tsoˆ-eu gʼaˬ, Miˬyehˇ neh pah mehˬ nehˬ-euˬ jeˬ za-euˬ gʼaˬ, dawˬ gʼawˬ mya jeˬ ngehˬ-awˇ mehˬ-eu gʼaˬ, kʼoeˇ loꞈ-ehˇ mehˬ-euˬ gaˇ dawˬ tsuiꞈ yuˇ doˆ nehˬ-eu gʼaˬ lehˇ, gʼawˬ mya jeˬ baw-eu meh. Yawˬ jeˬ na luꞈ Ka li zaˬ aˇ muˇ gʼaˇ duˬ gaˇ dahˇ tsoeˬ-eu jeˬ ya bi pyeuꞈ meh.

Eˇpeˇsu 5:19

Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

Yaˬkoˆ 5:10

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Miˬyehˇ-euˬ tsawˇ myahˇ uˬ moˆ ngehˬ-euˬ tmˇ-euˬ Miˬyehˇ gʼaˇ duˬ ngehˬ dah yaꞈ-euˬ kʼoeˇ deuˬ-ahˇ noeˬ keuˆ-awˬ. Shaˬ-eu zahˬ-eu jeˬ-ahˇ ya daˬ ngeh, aˬ yawꞈ maꞈ oˇ oˇ-ehˇ daˬ dzeuˇ yaꞈ-euˬ gaˇ kawˆ-ahˇ noeˬ mawˇ-awˬ.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.

Panmaeq 7:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Ka kʼoꞈ-eu jeˬ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu aˬ dui-euˬ Miˬyehˇ hawˇ-eu aˬ dui-euˬ Yawˇzaˬ jawˇ gaˇ neh oe-euˬ meh” lehˇ ehˇ-eu meh.