Yaˬkoˆ 4:7 - Akha

⁷ Kʼoeˇ miˇ neh, Miˬyehˇ-euˬ ehˇ dawˬ geuꞈ-awˬ. Nehꞈ sahˬ paˬ-ahˇ muiˇ-awˬ. Aˬ yawꞈ naw maꞈ jawˇ gaˇ neh cehˆ doˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoermirnae, Miqyaer-euq dawq narhaq geuf-awr, naef sanqpaq-anr lavtsoeq-awq. Lavtsoeq nar-aq, naef sanqpaq, nawmaf jawr-eu gar nae caevdov taef-a.

Yaˬkoˆ 4:7 ပူးပေါင်းရင်းမြစ်များ

2 Saˬmeuˬlaˆ 15:26

Ehˇ kʼawꞈ, aˬ yawꞈ ngaˬ-ahˇ nui ma maˬ tsaˬ naˇ, aˬ yawꞈ kʼaˇ jahˇ mawꞈ-eu jeˬ jahˇ nehˬ laꞈ luꞈ-uˇ.”

2 Laˬsaˬbaˬ 30:8

Aˬ yawꞈ maꞈ loꞈ-ehˇ nui ma maˬ gʼahˇ ni, Sahˬpaˬ Miˬyehˇ-euˬ ehˇ dawˬ naˇ haˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh mˬ maˬ maˬ byaˆ zaˇ ziˇ bi muiˬ bi shawˇ laˇ gʼaˬ-euˬ Yeˬluˇsaˬlehˬ meu-ahˇ jaˆ-eu Uˬ duˬ tahˬ nymˇ nymˇ ma-ahˇ laˇ-awˇ, aˬ yawꞈ naw maꞈ-ahˇ nui ma pehˇ-eu jeˬ byoˆ-iˇ ni, aˬ yawꞈ-ahˇ uˬ duˬ tahˬ laˇ-awˬ.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 68:30

Aˇ toꞈ yaˇ-ahˇ uˇ-eu haiˬ-eu bawˇ tsahˬ jeˬ zaˬ-ahˇ duˇ-eu, Iˇjiˇtuˆ miˇ kʼahˬ-ahˇ nawˇ sawˇ dzeh-awˬ. Mawˇ neˇ mawˇ zaˬ sheuˬ-awˇ cah-eu mawˇ gaw deuˬ-ahˇ duˇ-eu tsawˇ jeuˬ kʼoeˇ deuˬ-ahˇ kʼawꞈ nawˇ sawˇ dzeh-awˬ. Aˬ cawˬ tsawˇ jeuˬ kʼoeˇ taˆ kawˬ taꞈ dzaˬ mawꞈ-eu deuˬ-ahˇ nawˇ nawˬ pahˬ-awˇ, guiˇ deuˆ mawꞈ-eu nui ma ahˇ-eu deuˬ-ahˇ teh byaˆ nehˬ-awˬ.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Daˬyeˬlaˇ 4:25

Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.

Daˬyeˬlaˇ 4:32

Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Gʼaˬkʼehˇ 26:19

“Kʼoeˇ miˇ neh, sahˬ paˬ Aˬgiˇpaˆ-oˇ, mˬ kʼoeˇ taˆ neh oe-euˬ yaw sahˇ laꞈ kʼoeˇ bi siˬ bi mawˇ-le-euˬ jeˬ-ahˇ ngaˇ maˬ naˇ haˬ geuꞈ ni maˬ byehˇ-aˬ.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

Lormav 14:11

Jaˇliꞈ laꞈ kʼoeˇ ehˇ taˬ-euˬ, “Sahˬpaˬ Miˬyehˇ ehˇ-eu, Dehꞈ-eu Miˬyehˇ pyeuꞈ-eu ngaˬ-ahˇ, yawˬ gʼaˬ na luꞈ pawˬ dmˬ dmˬ-awˇ, ngaˇ maˇ maˇ ni Miˬyehˇ meh lehˇ, saˇ kiˇ kamˬ-eu dawˬ ngehˬ tehꞈ-a.”

Eˇpeˇsu 4:27

Nehꞈ sahˬ paˬ neh muˇ juˇ taˬ bi juˇ gʼaˬ.

Eˇpeˇsu 5:21

La li-ahˇ yaw zeu baw-eu laꞈ kʼoeˇ, tiˬ gʼaˬ-euˬ laꞈ oˆ tiˬ gʼaˬ yaw muiˬ-ehˇ jawˇ-awˬ.

Eˇpeˇsu 6:13

Haiˬ-eu aˇ nah aˇ yamˬ kʼoeˇ keuˆ le ngeh, muiˇ-eu deuˬ deuˆ le gaˇ naw maꞈ ciˬ daˬ coeˇ-awˇ, aˇ saˬ deuˆ saˬ ngeh keuˆ ni tiˬ toꞈ-iˬ maˬ jiˆ kʼoꞈ-iˇ ni ziꞈ dah ni yawꞈ tehˬ coeˇ-eu gʼaˇ duˬ, Miˬyehˇ-euˬ guiˇ deuˆ-eu keu ka dawˬ tawˆ luꞈ-ahˇ nymˬ-mˇ dm-awˬ.

HeˬByehˇ 12:9

Aˬ dui-euˬ zaˬ baw aˬ da deuˬ kʼawꞈ, aˬ dui-ahˇ diˬ laˇ-eu meh. Ehˇ kʼawꞈ, yawˬ ha-euˬ aˬ da-ahˇ aˬ dui yaw zeu baw-eu ma. Toˆ-ehˇ ngeuˇ naˇ, mˬ kʼoeˇ taˆ jawˇ-eu aˬ dui-euˬ Aˬ da pyeuꞈ-eu Miˬyehˇ-ahˇ aˬ dui aˇ naˆ ni yaw zeu baw-awˇ dehꞈ paˬ nga.

1 Beˬtuˆluˆ 2:13

Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, miˇ kʼahˬ sahˬpaˬ sahˬ ma dawˬ tawˆ luꞈ-euˬ laꞈ oˆ dehꞈ-awˬ. Miˇ kʼahˬ sahˬ paˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ pyeuꞈ-eu Gehˇsaˬ sahˬ paˬ-euˬ ehˇ dawˬ-ahˇ maˬ ehˇ,

1 Beˬtuˆluˆ 5:6

Miˬyehˇ neh noeˬ taˬ-euˬ aˇ yamˬ tsaˬ laˇ ngeh, aˬ cawˬ kʼoeˇ taˆ naw maꞈ-ahˇ ciˬ huiˬ ciˬ mahˇ nehˬ laꞈ ni, Miˬyehˇ-euˬ baoˬ huiˬ-eu aˬ laꞈ uˬ moˆ naw maꞈ nui ma nahˬ yu ni taˬ-awˬ.

1 Saˬmeuˬlaˆ 3:18

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ jeˬ dawˬ tawˆ luꞈ, tiˬ jeˬ-iˬ maˬ zaꞈ taˬ ni, Eˇliˆ-ahˇ Saˬmeuˬlaˆ dzawˇ nehˬ jiˇ-euˬ meh. Eˇliˆ ehˇ-eu, “Aˬ yawꞈ Sahˬpaˬ Miˬyehˇ pyeuꞈ-eu miˇ neh, aˬ yawꞈ neh muiˬ meh lehˇ kʼaˇ noeˬ-euˬ jeˬ aˬ yawꞈ mˇ tehꞈ-a.”