Yaˬkoˆ 4:3 - Akha

³ Naw maꞈ paˇ shaˇ-euˬ kʼawꞈ, nui ma taˬ-euˬ maˬ tsaˬ-eu miˇ neh maˬ shaˇ za nya-a. Shiˬ shaˬ jiˇ-euˬ nui kʼahˇ geuꞈ-eu gʼaˇ duˬ naw maꞈ shaˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf shar-euq khawf maqza-eu-aq, nuima taq-eu maqtsaq-aer, yawqha-euq nuikhanr gharduq shar-eu mirnae mae.

Yaˬkoˆ 4:3 ပူးပေါင်းရင်းမြစ်များ

1 Sahˬpaˬ 3:11

Kʼoeˇ miˇ neh, Sawˇlaˬmoˬ-ahˇ aˬ yawꞈ ehˇ nehˬ-eu, “Nawˇ ziˇ baw ziˇ za ni maˬ ehˇ, smˇ muiˬ muiˬ laˇ ni maˬ ehˇ, nawˬ-ahˇ muiˇ-eu deuˬ ya shiˇ ni maˬ ehˇ, nawˇ maˬ shaˇ-ehˇ, yaw tsaˬ yaw dawˇ dawˇ-ehˇ uˆ lahˇ nya-eu zaˬ siˬ tsawˇ gahˇ tehꞈ-ehˇ shaˇ-euˬ meh.

Yawˇbaˆ 35:12

Aˬ yawꞈ maꞈ nui ma huiˬ-eu mahˇ-eu haiˬ-eu tsawˇ haˬ pyeuꞈ-eu miˇ neh, caw ba nehˬ laꞈ lehˇ shaˇ kʼawꞈ, Miˬyehˇ maˬ naˇ haˬ nehˬ-a.

Jaceuq 18:41

Caw ba laꞈlehˇyawꞈmaꞈguˇ kʼawꞈ, ka kʼoꞈ nehˬ-eu gʼaˬ maˬ jawˇ-a. SahˬpaˬMiˬyehˇ-ahˇguˇgaˬkʼawꞈ, aˬyawꞈmyaˆhaw maˬcawˬnehˬ-a.

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 21:13

Zaˬ coeˬ zaˬ-euˬ ngoeˇ dawˬ-ahˇ nawˇ maˬ naˇ haˬ naˇ, nawˬ-euˬ shaˇ dawˬ aˬ cawˬ-ahˇ maˬ gaˬ leˇ-a.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Yeˬlaˬmiˇ 11:11

Kʼoeˇ miˇ neh, aˬ yawꞈ maꞈ maˬ cehˆ dzeuˇ nya-eu luˬ-iˇ seˇ-iˇ-eu jeˬ bi keuˆ le ma lehˇ nymˬ-mˇ aˬ yawꞈ maꞈ-ahˇ ngaˇ ehˇ-eu ma. Caw ba nehˬ laꞈ lehˇ aˬ yawꞈ maꞈ ngaˬ-ahˇ guˇ-awˇ shaˇ kʼawꞈ, ngaˇ maˬ naˇ haˬ nehˬ.

Yeˬlaˬmiˇ 11:14

Yeˬlaˬmiˇ-oˇ, tsawˇ haˬ heu deuˬ-euˬ dah zaˇ ngaˬ-ahˇ guiˬ lahˬ taˬ shaˇ. Aˬ yawꞈ maꞈ shaˬ le zahˬ le-awˇ, caw ba nehˬ laꞈ lehˇ ngaˬ-ahˇ shaˇ ngeh, ngaˇ maˬ naˇ haˬ nehˬ.”

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Miˇkaˬ 3:4

Naw maꞈ Sahˬpaˬ Miˬyehˇ-ahˇ ngoeˇ ngoeˇ-ehˇ ya shaˇ-eu aˇ yamˬ peh le luꞈ meh. Ehˇ kʼawꞈ, naw maꞈ-ahˇ aˬ yawꞈ dawˬ maˬ ngehˬ cawˬ-a. Naw maꞈ maˬ muiˬ maˬ jaˬ-eu jeˬ mˇ-eu miˇ neh, naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ-a.

Zaˬkaˬliˇ 7:13

Ngaˬ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ-euˬ miˇ neh, aˬ yawꞈ maꞈ-euˬ guiˬ lahˬ shaˇ dawˬ-ahˇ ngaˇ maˬ naˇ haˬ.

Maꞈtehˬ 20:22

Aˬ nyaꞈ nmˇ-ahˇ Yeˬsuˇ ehˇ nehˬ-eu, “Naw nyaꞈ nmˇ shaˇ-eu jeˬ-ahˇ naw nyaꞈ nmˇ maˬ siˬ nya-a. Ngaˇ dawˇ-eu lehˇ gʼeh-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇ dawˇ coeˇ ma loˇ.” Aˬ nyaꞈ nmˇ ehˇ-eu, “Dawˇ coeˇ ma.”

Maˬkuˆ 10:38

Aˬ nyaꞈ nmˇ-ahˇ Yeˬsuˇ ehˇ-eu, “Naw nyaꞈ nmˇ shaˇ luꞈ-eu jeˬ-ahˇ naw nyaꞈ nmˇ maˬ siˬ nya-a. Ngaˇ ya dawˇ-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇdawˇ coeˇ ma loˇ. Ngaˇ baˇ tiˇ saˬ kamˬ-euˬ jeˬ-ahˇ naw nyaꞈ nmˇ kamˬ coeˇ ma loˇ.”

Luˇkaꞈ 11:10

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ kʼawꞈ, poˆ mawˇ tehꞈ-a. Laˇ gʼoˆ-ahˇ kʼoˆ-eu tsawˇ haˬ-ahˇ laˇ gʼoˆ pah nehˬ tehꞈ-a.

Luˇkaꞈ 15:13

Gʼawˬ mya nah maˬ gʼeh-ehˇ, aˬ li aˬ nyiˇ gʼaˬ aˬ yawꞈ kʼaˇ jaˆ-eu yuˇ jiˇ-awˇ, gaˇ mahˇ kaˬ-eu miˇ kʼahˬ-ahˇ doˆ-iˇ-awˇ, kʼaˇ dehꞈ mawꞈ-eu dehꞈ-awˇ, aˬ yawꞈ-euˬ pyuˇ shuiˇ myawˬ gahˬ zmˬ dzeh jiˇ-euˬ meh.

Luˇkaꞈ 15:30

Ehˇ kʼawꞈ, nawˬ-euˬ pyuˇ shuiˇ myawˬ gahˬ deuˬ-ahˇ, meh maˬ laˇ nehˬ-ehˇ byawˬ gʼa byawˬ gʼa-ehˇ zmˬ dzeh jiˇ-euˬ nawˬ li heu li gʼoꞈ laˇ-euˬ gaˇ, cu tsuˇ taˬ-euˬ mawˇ neˇ mawˇ gaw zaˬ kʼoeˇ mawˇ sehꞈ nehˬ-euˬ nga laˬ.’

Yaˬkoˆ 4:1

Naw maꞈ yaw kaˬ iˬ dehˬ iˬ ceh myaˬ-eu jeˬ aˬ gaˇ neh doˆ le-euˬ ta. Naw maꞈ-euˬ gʼawˇ mawˇ laꞈ kʼoeˇ aˬ myah luꞈ ceh luꞈ-eu jeˬ pyeuꞈ-eu byawˬ gʼa mo gʼa-eu nui kʼahˇ-ahˇ neh doˆ le-euˬ meh.

1 Yoˇhaˬ 3:22

Aˬ yawꞈ-euˬ dawˬ-ahˇ aˬ dui naˇ haꞈ geuꞈ-awˇ, aˬ yawꞈ nui kʼahˇ shiˇ-eu jeˬ aˬ dui mˇ-eu miˇ neh, aˬ yawꞈ-ahˇ kʼaˇ shaˇ-eu jeˬ aˬ dui za-eu ma.

1 Yoˇhaˬ 5:14

Miˬyehˇ mehˬ shi aˬ dui-euˬ nui ma ziꞈ dah ni jaˆ luꞈ ma. Aˬ jeˬ miˇ neh ehˇ naˇ, aˬ yawꞈ nui ma tsaˬ-eu loꞈ-ehˇ aˬ dui shaˇ naˇ, aˬ dui kʼaˇ shaˇ-eu jeˬ-ahˇ aˬ yawꞈ naˇ haˬ nehˬ laꞈ tehꞈ-a lehˇ aˬ dui jah duˬ taˬ-euˬ ma.