Yaˬkoˆ 4:2 - Akha

² Naw maꞈ nui kʼahˇ jaˆ-eu jeˬ-ahˇ naw maꞈ maˬ za nya-eu miˇ neh aˬ cawˬ-ahˇ sehꞈ-eu meh. Naw maꞈ mawꞈ dui dui-eu jeˬ-ahˇ maˬza nya-eu miˇ neh iˬ dehˬ iˬ ceh doˆ laˇ-eu meh. Naw maꞈ Miˬyehˇ-ahˇ maˬ shaˇ-eu miˇ neh yawˬ haˬ geuꞈ mawꞈ-eu jeˬ-ahˇ maˬ za nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawmaf maqjav-eu jeq-anr maerjuir juir-eu mirnae, aqcawq-anr saef-eu mae. Nawmaf, aqcawq-euq myawq-anr geufmawf-eu khawf maqza nya-eu mirnae, caedzaq-awr guirdeuv deuv-eu jeq dovlar-eu mae. Nawmaf maqjav-eu-aq, maqshar-eu mirnae mae.

Yaˬkoˆ 4:2 ပူးပေါင်းရင်းမြစ်များ

1 Sahˬpaˬ 21:6

Aˬ yawꞈ ehˇ-eu, “Naˬboˆ neh ngaˬ-ahˇ ehˇ nehˬ laꞈ-euˬ dawˬ baˬ da neh, ngaˇ heu loꞈ-ehˇ jawˇ luꞈ-eu ma. Aˬ yawꞈ-euˬ aˬ gaꞈ yaˇ kmˇ ngaˇ zeuˇ mawꞈ nya lehˇ aˬ yawꞈ-ahˇ ngaˇ ehˇ nehˬ-euˬ ma. Maˬ ngeuˇ naˇ kʼawꞈ, aˬ yawꞈ nui kʼahˇ shiˇ naˇ, aˬ gaꞈ yaˇ kmˇ yawˬ kmˇ yawˬ biꞈ tsoeˬ nehˬ ma lehˇ ehˇ nehˬ-euˬ ma. Ehˇ kʼawꞈ, aˬ gaꞈ yaˇ kmˇ kʼoeˇ kmˇ ngaˬ-ahˇ maˬ biꞈ nya lehˇ aˬ yawˬ ehˇ-eu meh.”

Dawqdaq 1:19

Heu-aˬ, yaw haiˬ mˇ-awˇ dehꞈ dzaˬ-eu deuˬ ya iˇ-eu, maˬ law-iˇ nya-eu gaˇ ma meh. Aˬ cawˬ-ahˇ tahˇ joe joe-eu tsawˇ haˬ, yawˬ ha-euˬ saꞈ laˇ maˬ lahˇ dzeuˇ-a.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Iˇsaˬyaˇ 7:12

Aˬkaˆ ehˇ-eu, “Bi siˬ bi mawˇ-eu jeˬ bi keuˆ le-awˬ lehˇ ngaˇ maˬ shaˇ, Sahˬpaˬ Miˬyehˇ-ahˇ lawˬ haw-eu jeˬ ngaˇ maˬ mˇ.”

Haˬbaˬkuˆ 2:5

Jiˇ baˬ maˇ tsaꞈ saˇ jaˇ maˬ jawˇ. Aˇ gah kʼoeˇ gah jawˇ naˬ maˬ mˇ. Pyuˇ shuiˇ nui kʼahˇ ciˇ tahˬ miˇ oˆ, aˬ yawꞈ shiˇ ngeh nui kʼahˇ maˬ jiˇ. Tsawˇ jeuˬ dawˬ tawˆ deuˆ gʼaˬ jiˇ-awˇ, miˇ tsaˬ zaˬ paꞈ uiˬ jiˇ-euˬ meh.

Yoˇhaˬ 16:24

Iˬ nah keuˆ ni, ngaˬ-euˬ tsawˇ myahˇ laꞈ kʼoeˇ naw maꞈ tiˬ jeˬ-iˬ maˬ shaˇ-aˬ siˬ. Naw maꞈ laˬ kʼaˬ cehˇ-eu jeˬ tiˬ byah tiˬ loꞈ za ni shaˇ-awˬ. Shaˇ naˇ za tehꞈ-a.”

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

1 Yoˇhaˬ 3:15

Yawˬ ha-euˬ cawˬ pyeuꞈ-eu Ka li zaˬ deuˬ-ahˇ bye-eu tsawˇ haˬ-aˬ, aˬ cawˬ-ahˇ sehꞈ gaˇ duˇ-eu meh. Aˬ cawˬ-ahˇ sehꞈ-eu tsawˇ haˬ-aˬ, yawˬ ha laꞈ kʼoeˇ mˬ maˬ maˬ byaˆ zaˇ ziˆ dehꞈ-eu jeˬ-ahˇ maˬ za nya-a lehˇ naw maꞈ siˬ nya meh.