Yaˬkoˆ 4:17 - Akha

¹⁷ Kʼoeˇ miˇ neh, yawˬ ha mˇ paˬ-ehˇ gʼeh-eu jeˬ-ahˇ siˬ nya-awˇ maˬ mˇ-eu tsawˇ haˬ-aˬ, iˬ baˇ ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, tsawrhaq tiq ghaq yawmuiq jeq mr-eu tsaq mae laer siqnya-eu khawf maqmr nar-aq, khoer-aq, aqyawf-euq gharduq iqbax mae.

Yaˬkoˆ 4:17 ပူးပေါင်းရင်းမြစ်များ

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yoˇhaˬ 15:22

Ngaˇ oe-awˇ aˬ yawꞈ maꞈ-ahˇ maˬ ehˇ mehˬ le law nmˇ-aˬ, aˬ yawꞈ maꞈ iˬ baˇ maˬ ahˇ lehˇ ehˇ nya tehꞈ-a. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ neh mˇ-euˬ jeˬ iˬ baˇ ahˇ tehꞈ-a lehˇ aˬ yawꞈ maꞈ maˬ duˇ-aˬ lehˇ maˬ paˇ pyehˇ nya meh.

Yoˇhaˬ 9:41

Yeˬsuˇ ehˇ-eu, “Naw maꞈ myaˆ behꞈ law nmˇ-aˬ, iˬ baˇ maˬ ahˇ-aˇ. Ehˇ kʼawꞈ, naw maꞈ myaˆ nuiˇ mawˇ nya ma lehˇ yawˬ haˇ yawˬ ha ehˇ-eu miˇ neh, iˬ baˇ ahˇ-eu meh.”

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Lormav 7:13

Toˆ-ehˇ maˇ-iˬ, muiˬ-eu jaˬ-eu jeˬ kʼoeˇ neh ngaˬ-euˬ kʼoeˇ taˆ shiˇ-eu jeˬ bi keuˆ le-euˬ ta loˇ. Maˬ ngeuˇ-a. Kʼoeˇ loꞈ-ehˇ jahˇ nehˬ laꞈ-euˬ kʼoeˇ-aˬ, iˬ baˇ neh meh. Aˬ yawꞈ maˇ maˇ ni iˬ baˇ pyeuꞈ-eu gaˇ kawˆ bya cehˆ ni bi mawˇ duˬ laˇ-eu gʼaˇ duˬ, yaw muiˬ jeˬ-ahˇ gʼoe-awˇ ngaˬ-euˬ kʼoeˇ taˆ shiˇ-eu jeˬ bi keuˆ le-euˬ meh. Kʼoeˇ miˇ neh, zahˇ dawˬ kʼoꞈ dawˬ baˬ da neh iˬ baˇ kʼoeˇ yaw beh naˆ maˬ tseˇ doeˇ dzehˬ-eu mawˇ duˬ laˇ-eu meh.

2 Beˬtuˆluˆ 2:21

Yaw tsaˬ yaw dawˇ gaˇ ma-ahˇ siˬ nya gʼaˬ miˇ tsa, aˬ yawꞈ maꞈ-ahˇ biꞈ taˬ-euˬ muiˬ-eu shawˇ-eu Miˬyehˇ-euˬ dawˬ-ahˇ byehˇ dzeh-euˬ kʼoeˇ-aˬ, yaw tsaˬ yaw dawˇ gaˇ ma-ahˇ tiˬ poˆ-iˬ maˬ siˬ nya-ehˇ dehꞈ ngeh naˆ maˬ tseˇ doeˇ dzehˬ-eu meh.