Yaˬkoˆ 4:12 - Akha

¹² Miˬyehˇ tiˬ gʼaˬ tehꞈ-ehˇ zahˇ dawˬ kʼoꞈ dawˬ biꞈ nya-awˇ yaˇ kʼaˬ daˇ nya-eu gʼaˬ pyeuꞈ-eu meh. Ka kʼoꞈ-eu maˬ ehˇ, laˆ luꞈ laˆ seˇ-eu maˬ ehˇ, aˬ yawꞈ tiˬ gʼaˬ tehꞈ-ehˇ mˇ nya-eu meh. Ka li zaˬ cawˬ cawˬ yaw lehˬ poˆ paˬ-ehˇ naw maꞈ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ luꞈ te.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Zanrdawq khofdawq bifnaeq laf-eu tiq ghaq taef-aer jawr-eu mae. Aqyawf-aq, tsawrhaqzaq-anr bibuq-ir nya-awr, tsawrhaqzaq-anr lavcawv nya-eu mae. Nawq-euq dawqpae jawr-eu tsawrhaq-euq khoertav yarkhaqdar paq-aer nawr aqsur ghaq le?

Yaˬkoˆ 4:12 ပူးပေါင်းရင်းမြစ်များ

Yawˇbaˆ 38:2

“Tsawˇ gahˇ maˬ ahˇ-eu dawˬ ngehˬ-awˇ ngaˬ-euˬ zaˬ siˬ tsawˇ gahˇ gaˇ kawˆ naˇ haˬ-eu aˬ suˇ gʼaˬ te.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Luˇkaꞈ 12:5

Aˬ suˇ gʼaˬ-ahˇ guˆ-eu tsaˬ ta lehˇ, naw maꞈ-ahˇ ngaˇ mehˬ nehˬ nyaˇ. Gʼawˇ mawˇ-ahˇ sehꞈ-eu uˬ taꞈ, shiˬ buiˇ lah ma-ahˇ biˬ ahˇ nya-eu baoˬ jaˆ-eu Miˬyehˇ-ahˇ guˆ-awˬ. Ngaˇ ehˇ gaˇ jah-awˬ. Naw maꞈ aˬ yawꞈ-ahˇ ya guˆ meh.

Lormav 14:13

Kʼoeˇ miˇ neh, aˬ dui tiˬ gʼaˬ tiˇ gʼaˬ iˬ baˇ poˆ-eu jeˬ-ahˇ byehˇ dzeh kaˇ-euˇ. Yawˬ ha-euˬ cawˬ Ka li zaˬ deuˬ sahˬ tiꞈ tiꞈ-awˇ iˬ baˇ laꞈ kʼoeˇ bi coˬ ahˇ-eu gʼaˇ duˬ tiˬ jeˬ-iˬ maˬ mˇ lehˇ, naw maꞈ noeˬ tsehˆ-eu tsaˬ meh.

Lormav 14:4

Aˬ cawˬ-euˬ zaˬ kʼaˆ-ahˇ yaw lehˬ poˆ paˬ-ehˇ nawˇ aˬ suˇ gʼaˬ te. Aˬ yawꞈ tsaˬ-eu lehˬ-eu gaˇ kawˆ, aˬ yawꞈ-euˬ baw leˬ gʼaˬ ngehˬ tehꞈ-a. Aˬ yawꞈ-aˬ tsaˬ-eu tsawˇ haˬ pyeuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ tsaˬ ni Sahˬpaˬ Miˬyehˇ jahˇ nya-eu meh.

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

Yaˬkoˆ 5:9

Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tiˬ gʼaˬ tiˇ gʼaˬ iˬ baˇ taˬ-eu dawˬ maˬ ngehˬ ni yahˇ-awˬ. Yaˇ kʼaˬ daˇ le-eu gʼaˬ, laˇ gʼoˆ dawˬ peh oe keuˆ-awˇ yawꞈ luꞈ meh.

1 Saˬmeuˬlaˆ 25:10

Naˬbaˬlaˇ ehˇ-eu, “Daˬbiˇ neh teu loꞈ-ehˇ bi tsaꞈ le taˬ lehˇ la. Daˬbiˇ ehˇ-eu aˬ suˇ gʼaˬ-aˬ. Ngaˇ tiˬ poˆ-iˬ maˬ gaˬ haw-aˬ. Miˇ kʼahˬ heu kʼahˬ laꞈ kʼoeˇ nymˬ-mˇ kaˬ-ahˇ cehˆ byoˆ taˬ-euˬ zaˬ kʼaˆ gʼawˬ mya gʼaˬ jawˇ meh.