Yaˬkoˆ 3:8 - Akha

⁸ Ehˇ kʼawꞈ, tsawˇ haˬ tiˬ gʼaˬ-iˬ mehˬ laˇ-ahˇ maˬ laˆ yah nya-a. Mehˬ laˇ-aˬ, maˬ nyehꞈ gʼaˬ nya-eu yaw haiˬ jeˬ pyeuꞈ-awˇ, doꞈ tiˬ byah ni ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aerkhawf, tsawrhaq tiqghaq-iq maeqlar-anr maq lavyan nya-a. Maeqlar-aq, lavsaef nya-eu dof khav-awr, tiqghaq-iq maq uvlanr nya-eu yawdoer jeq pyeuf-eu mae.

Yaˬkoˆ 3:8 ပူးပေါင်းရင်းမြစ်များ

Jaceuq 140:3

Aˬ yawꞈ maꞈ-euˬ mehˬ laˇ aˇ lawˇ mehˬ laˇ loꞈ-ehˇ taˆ-awˇ, aˬ yawꞈ maꞈ-euˬ dawˬ aˇ lawˇ uiˇ naˆ-euˬ doꞈ-ahˇ duˇ-eu meh.

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Jaceuq 57:4

Tsawˇ haˬ shaˬ jiˇ dzaˬ-eu aˇ laˬ jaˬ shiˇ-ahˇ duˇ-eu muiˇ-eu deuˬ, ngaˬ-ahˇ jawˬ lahˇ taˬ-euˬ meh. Aˬ yawꞈ maꞈ-euˬ seuˬ, gahˬ hawˇ-eu kaˆ myaˬ-ahˇ duˇ-awˇ, aˬ yawꞈ maꞈ-euˬ mehˬ laˇ, taˆ dui dui-eu mi cehˇ-ahˇ duˇ-eu meh.

Jaceuq 58:4

Aˬ yawꞈ maꞈ aˇ lawˇ loꞈ-ehˇ doꞈ ahˇ-awˇ, aˇ lawˇ uiˇ naˆ naˬ bawˬ loꞈ-ehˇ, naˬ bawˇ paꞈ tsoeˬ tsoeˬ taˬ-euˬ meh.

Jaceuq 59:7

Aˬ yawꞈ maꞈ yaˬ kʼehˇ yaˬ yaˬ-ehˇ lmˬ luꞈ gaˇ naˇ haˬ sheˇ. Aˬ yawꞈ maꞈ-euˬ mehˬ laˇ-aˬ, kʼaˬ meh laꞈ kʼoeˇ ahˇ-eu mi cehˇ-ahˇ duˇ kʼawꞈ, aˬ yawꞈ maꞈ dawˬ ngehˬ gaˇ aˬ cawˬ maˬ gaˬ nya-aˇ lehˇ noeˬ-eu meh.

Dawqdaq 17:20

Nui gʼoꞈ ahˇ-eu deuˬ maˬ dehꞈ dzaˬ laˇ-ehˇ, jaˬ myawꞈ mehˇ shuiˇ deuˬ duˬ kʼahˬ-ahˇ ga ahˇ-eu meh.

Dawˬ tsoˆ 10:11

Aˇ lawˇ neh jeˬ huˬ bi toˆ shaw naˇ, aˇ lawˇ-ahˇ laˆ yah nya-eu tsawˇ gahˇ tiˬ jeˬ-iˬ gaˇ dahˇ maˬ paˇ tsoeˬ meh.

Lormav 3:13

Kʼaˬ meh lmˬ bymˇ duˬ kʼahˬ pyeuꞈ-awˇ, mehˬ laˇ jaˬ myawꞈ mehˇ shuiˇ kʼmˇ-awˇ, mehˬ luˬ aˇ lawˇ doꞈ-ahˇ duˇ meh.

Dawˬmehˬ 32:33

aˇ lawˇ-euˬ doꞈ shehˆ ahˇ taˬ-euˬ aˬ gaꞈ dzaˇ uiˇ-ahˇ duˇ-eu meh.

Yaˬkoˆ 3:6

Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.

Yaˬkoˆ 3:7

Tsawˇ haˬ zaˬ-aˬ, jeˬ zaˬ aˇ jiˇ dawˬ tawˆ luꞈ-ahˇ laˆ yah nya-eu meh. Bawˇ tsahˬ jeˬ zaˬ deuˬ, aˇ jiˇ deuˬ, miˇ tsa joe joe-ehˇ cah-eu jeˬ zaˬ deuˬ hawˇ-eu, ngaˬ shaˬ ngaˬ deˇ deuˬ-ahˇ laˆ yah-awˇ cu geuꞈ nya-eu meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.