Yaˬkoˆ 3:6 - Akha

⁶ Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Maeqlar-aq, miqdzaq lof-aer dur-awr, maqtsaq maqdawr-eu mirkhanq pyeuf-eu mae. Mawrdo dolan-aer lavjawf nya-awr, daefzir-anr taf-eu yawqjeq navluf-anr khawf shiqbuir lanma-euq miqdzaq keuqdof-awr, bi puivdzaqjir nya-eu mae.

Yaˬkoˆ 3:6 ပူးပေါင်းရင်းမြစ်များ

2 Saˬmeuˬlaˆ 16:20

Kʼoeˇ naˇ, Aˬhiˇtawˇpeˬlaˆ-ahˇ Aˬbaˇsaˬloˬ ehˇ nehˬ-eu, “Nymˬ-mˇ poˆ jawˇ nga maꞈ heu gaˇ oe keuˆ gʼaˬ-euˬ-aˬ, aˬ jeˬ ya mˇ nmˇ lehˇ nui noeˬ nui duˇ biꞈ nehˬ laꞈ-awˬ.”

2 Saˬmeuˬlaˆ 19:43

Iˇsaˬleˬlaˆ tsawˇ haˬ deuˬ ehˇ-eu, “Sahˬ paˬ Daˬbiˇ-aˬ, naw maꞈ-euˬ tsawˇ haˬ pyeuꞈ kʼawꞈ, aˬ yawꞈ-euˬ gaˇ kawˆ-ahˇ taꞈ leˇ-awˇ, naw maꞈ naˆ maˬ tseˇ nga maꞈ tseˇ bymˇ ehˇ kʼaˇ za ma. Aˬ jeˬ miˇ neh naw maꞈ nga maꞈ-ahˇ haw teˬ nehˬ laꞈ te. Sahˬ paˬ-ahˇ sheuˬ kʼoꞈ laˬ-iˇ ma lehˇ, naw maꞈ-euˬ jeˬ hu nga maꞈ ehˇ-euˬ maˬ ngeuˇ-a loˇ.” Ehˇ kʼawꞈ, Yuˇdaˆ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ naˆ maˬ tseˇ tsawˇ pyehˇ kʼaˆ-euˬ meh.

2 Laˬsaˬbaˬ 13:17

Aˬbiˇyaˬ hawˇ-eu aˬ yawꞈ-euˬ guiˇ maꞈ deuˬ neh, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ deuˆ deuˬ nehˬ-awˇ, nya dui dui-eu Iˇsaˬleˬlaˆ yehˇ ngaˬ seh gʼaˬ byah ni sehꞈ nehˬ-euˬ meh.

Jaceuq 140:3

Aˬ yawꞈ maꞈ-euˬ mehˬ laˇ aˇ lawˇ mehˬ laˇ loꞈ-ehˇ taˆ-awˇ, aˬ yawꞈ maꞈ-euˬ dawˬ aˇ lawˇ uiˇ naˆ-euˬ doꞈ-ahˇ duˇ-eu meh.

Jaceuq 64:3

Aˬ yawꞈ maꞈ-euˬ mehˬ laˇ mi cehˇ loꞈ-ehˇ siˬ taˆ taˬ-awˇ, kaˆ myaˬ-ahˇ duˇ-eu dawˬ ngoꞈ daˆ taˬ-euˬ meh.

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Dawqdaq 16:27

Haiˬ-eu tsawˇ haˬ aˬ cawˬ-ahˇ mˇ coeˬ-eu toˆ-awˇ, aˬ yawꞈ maꞈ-euˬ dawˬ miˬ dzaˬ doꞈ-eu meh.

Dawqdaq 6:19

jaˬ myawꞈ myawꞈ-eu tsawˇ haˬ tiˬ jeˬ, iˬ dehˬ iˬ ceh poˆ-eu tsawˇ haˬ tiˬ jeˬ.

Dawqdaq 7:5

Aˬ cawˬ aˬ ma hawˇ-eu haiˬ-eu zaˬ miˬ zaˬ deuˬ-ahˇ nawˇ buˬ-iˇ law-iˇ ni, zaˬ siˬ tsawˇ gahˇ nawˬ-ahˇ caw ba tehꞈ-a.

Iˇsaˬyaˇ 30:27

Haw yawˬ. Sahˬpaˬ Miˬyehˇ-euˬ tsawˇ myahˇ, gaˇ mahˇ kaˬ gaˇ neh oe luꞈ meh. Miˬ dzaˬ hawˇ-eu uˬ kʼoeˬ laꞈ kʼoeˇ, aˬ yawꞈ nui ma pehˇ-eu jeˬ mehˬ luꞈ meh. Aˬ yawꞈ mehˬ luˬ nui ma pehˇ dui dui-awˇ, aˬ yawꞈ-euˬ dawˬ, miˬ dzaˬ-ahˇ duˇ-eu meh.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Yeˬlaˬmiˇ 20:10

“Yawˬ gaˇ na luꞈ guˆ-eu gaˆ-eu jeˬ keuˆ le-euˬ gaˆ kawˆ, Sahˬ paˬ sahˬ ma deuˬ-ahˇ tsaꞈ gaˬ-iˇ kaˇ-euˇ” lehˇ, yawˬ gʼaˬ na luꞈ dawˬ saˆ saˆ kʼoeˬ luꞈ-eu ngaˇ gaˬ-euˬ ma. Ngaˇ gʼoeˇ dui dui-eu cawˬ deuˬ-ahˇ keuˆ ni, ngaˇ coˬ-iˇ gaˇ dawˬ luꞈ-eu meh. “Aˬ dui maꞈ aˬ yawꞈ-ahˇ tsawˇ gahˇ gahˇ-awˇ, aˬ yawꞈ-ahˇ kʼmˇ paꞈ-awˇ laꞈ poˆ poˆ kaˇ-euˇ” lehˇ, aˬ yawꞈ maꞈ ngaˬ-euˬ gaˇ kawˆ ja luꞈ meh.

Yeˬlaˬmiˇ 28:16

Kʼoeˇ miˇ neh, nawˬ-ahˇ yuˇ dzeh ma lehˇ, Sahˬpaˬ Miˬyehˇ-euˬ mawˇ do ehˇ luꞈ meh. Tsawˇ haˬ heu deuˬ Sahˬpaˬ Miˬyehˇ-ahˇ puiˬ ni nawˇ jahˇ-euˬ miˇ neh, kʼoꞈ maˬ doˆ le mi naˆ-ehˇ nawˇ ya shiˇ tehꞈ-a.”

Uˬ duˬ 24:11

Iˇsaˬleˬlaˆ zaˬ miˬ zaˬ-euˬ aˬ li pyeuꞈ-eu tsawˇ haˬ kʼoeˇ gʼaˬ, Sahˬpaˬ Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Kʼoeˇ miˇ neh, tsawˇ haˬ kʼoeˇ gʼaˬ-ahˇ, Moˇseˬ jawˇ gaˇ aˬ yawꞈ maꞈ sheuˬ gʼeh-euˬ meh. (Aˬ yawꞈ-euˬ aˬ ma-aˬ, Daˬ aˇ jeuˬ Diˇbaˬliˇ-euˬ aˬ buˇ Sheˬloˇmiˇ pyeuꞈ-eu meh.)

Bawˇtsahˬ 25:2

Mawˇbaˆ miˬ yehˇ-ahˇ uˬ duˬ tahˬ-eu lawˇ-eu shehˇ-eu bawˬ-iˬ gʼeh gaˇ, zaˬ miˬ zaˬ kʼoeˇ deuˬ aˬ yawꞈ maꞈ-ahˇ sheuˬ gʼeh-euˬ meh. Iˇsaˬleˬlaˆ tsawˇ haˬ deuˬ aˬ cawˬ tsawˇ jeuˬ-euˬ dzaˇ dzaˬ-awˇ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-euˬ meh.

Bawˇtsahˬ 31:16

Peˬoˇ lehˇ kuˇ-eu jawˇ duˬ-ahˇ zaˬ miˬ zaˬ heu deuˬ Baˬlamˬ neh mehˬ nehˬ-euˬ loꞈ-ehˇ mˇ-awˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ saˇ jaˇ maˬ ziꞈ ni pyeuꞈ-iˇ-euˬ naw maꞈ ngehˇ teˬ loˇ. Kʼoeˇ baˬ da neh Sahˬpaˬ Miˬyehˇ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ keuˆ le-euˬ maˬ ngeuˇ-a loˇ.

Maꞈtehˬ 12:24

Kʼoeˇ loꞈ-ehˇ ehˇ gaˇ Paˬliˬsehˇ deuˬ ya gaˬ ngeh, “Tsawˇ haˬ teu gʼaˬ nehꞈ sahˬ paˬ Beˬlaˇzeuˬbuˇlaˆ-euˬ baoˬ-ahˇ gʼoe-awˇ nehꞈ teh doˆ-eu nga” lehˇ ehˇ-eu meh.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maˬkuˆ 7:15

Laꞈ nyiˇ paw neh tsawˇ haˬ-euˬ laꞈ kʼoeˇ kʼaˇ ahˇ-iˇ-eu jeˬ, tsawˇ haˬ zaˬ-ahˇ maˬ muiˬ maˬ shawˇ-ehˇ bi pyeuꞈ-iˇ nya-eu tiˬ jeˬ-iˬ maˬ jaˆ-a. Tsawˇ haˬ-euˬ laꞈ kʼoeˇ neh doˆ laˇ-euˬ jeˬ tehꞈ-ehˇ, tsawˇ haˬ zaˬ-ahˇ maˬ muiˬ maˬ shawˇ ni bi pyeuꞈ-iˇ nya-eu meh.”

Luˇkaꞈ 16:24

Kʼoeˇ ngeh, aˬ yawꞈ guˇ-awˇ ehˇ-eu, ‘Aˬ da Aˬbyaˬhaˬ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Laˬzaˬluˇ-euˬ laꞈ noeˇ iˇ cuꞈ-ahˇ bi cawˬ duiˆ-awˇ, ngaˬ-euˬ mehˬ laˇ coꞈ-iˇ ni tiˬ poˆ bi dzaˆ aˬ le sheˇ. Miˬ dzaˬ lahˇdui dui-eu miˇ neh tiˬ pawꞈ-iˬ maˬ daˬ coeˇ nya.’

Gʼaˬkʼehˇ 20:30

Naw maꞈ-euˬ laꞈ kʼoeˇ tsawˇ haˬ tiˬ paˆ na deuˬ doˆ laˇ-awˇ, jah-eu tsawˇ haˬ deuˬ-ahˇ mehˇ shuiˇ shuiˇ-eu laꞈ kʼoeˇ aˬ yawꞈ maꞈ jawˇ paw sheuˬ pyawˇ gʼeh tehꞈ-a.

Gʼaˬkʼehˇ 5:3

Beˬtuˆluˆ ehˇ-eu, “Aˬnaˬniˇ-oˇ, aˬ jeˬ miˇ neh Saˬdaˬ nawˬ-ahˇ bi uˆ lahˇ-awˇ, Muiˬ-eu shawˇ-eu Yaw sahˇ Miˬyehˇ-ahˇ jaˬ myawꞈ myawꞈ-eu laꞈ kʼoeˇ, myawˬ gahˬ ahˬ za-euˬ pyuˇ tiˬ paˆ yuˇ doˆ taˬ yaꞈ teˬ.

Gʼaˬkʼehˇ 6:13

Kʼoeˇ naˇ, jaˬ myawꞈ myawꞈ-eu gʼaˇ duˬ aˬ yawꞈ maꞈ neh mehˬ gahˇ taˬ-euˬ tsawˇ haˬ deuˬ sheuˬ ahˇ laꞈ-awˇ, heu loꞈ-ehˇ bi ehˇ-euˬ meh. “Tsawˇ haˬ heu gʼaˬ-aˬ, aˬ dui-euˬ muiˬ-eu shawˇ-eu Uˬ duˬ tahˬ nymˇ nymˇ ma hawˇ-eu Moˇseˬ-euˬ Zahˇ dawˬ kʼoꞈ dawˬ-ahˇ bahˬ leˇ-eu dawˬ maˬ tsehˆ leˇ ni ngehˬ luꞈ meh.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

Yaˬkoˆ 2:7

Naw maꞈ-ahˇ biꞈ taˬ-euˬ tsawˇ myahˇ yaw muiˬ-ahˇ yehˬ bawˬ sehˇ lu-ehˇ ehˇ-eu deuˬ-aˬ, smˇ muiˬ smˇ baw kʼoeˇ deuˬ meh.

Yaˬkoˆ 3:7

Tsawˇ haˬ zaˬ-aˬ, jeˬ zaˬ aˇ jiˇ dawˬ tawˆ luꞈ-ahˇ laˆ yah nya-eu meh. Bawˇ tsahˬ jeˬ zaˬ deuˬ, aˇ jiˇ deuˬ, miˇ tsa joe joe-ehˇ cah-eu jeˬ zaˬ deuˬ hawˇ-eu, ngaˬ shaˬ ngaˬ deˇ deuˬ-ahˇ laˆ yah-awˇ cu geuꞈ nya-eu meh.

2 Beˬtuˆluˆ 3:3

Aˇ saˬ saˬ-eu aˇ nah aˇ yamˬ heu laꞈ kʼoeˇ, yawˬ ha-euˬ shiˬ shaˬ jiˇ nui kʼahˇ mehˬ nah caw teh-awˇ dehꞈ-eu tsawˇ haˬ deuˬ doˆ le tehꞈ-a lehˇ, naw maꞈ-ahˇ jeˬ huˬ bi siˬ nya taˬ-eu tsaˬ meh. Tsawˇ haˬ kʼoeˇ deuˬ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa laˇ tehꞈ-a.

3 Yoˇhaˬ 1:10

Teu miˇ neh ngaˇ laˇ naˇ, aˬ yawꞈ neh kʼaˇ mˇ kʼaˇ shaˇ-euˬ jeˬ-ahˇ ehˇ ma. Nga maꞈ-euˬ gaˇ kawˆ ja bu ja doeˇ-euˬ jeˬ hawˇ-eu aˬ yawꞈ neh jaˬ myawꞈ kʼaˇ myawꞈ-euˬ jeˬ dawˬ tawˆ luꞈ ehˇ ma. Kʼoeˇ naˆ tehꞈ maˬ ngeuˇ-a siˬ. Aˬ yuiꞈ a nyiˇ Ka li zaˬ deuˬ laˇ ngeh aˬ yawꞈ maˬ ha geuꞈ-euˬ uˬ taꞈ, kʼaˇ ha geuꞈ mawꞈ-eu tsawˇ haˬ deuˬ-ahˇ kʼawꞈ laˆ tsoeˬ-awˇ, Ka li zaˬ aˇ muˇ laꞈ kʼoeˇ neh teh doˆ-eu lehˇ leh jeh-eu meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Panmaeq 13:14

Jeˬ zaˬ yaw beh mawˇ-euˬ mehˬ shi zahˬ leˇ paˬ-ehˇ gʼeh-eu gʼawˬ mya jeˬ mˇ mehˬ-eu aˬ kawˬ-aˬ za taˬ-euˬ gaˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ aˬ yawꞈ sheuˬ bahˬ gʼeh-euˬ meh. Mi cehˇ neh bi deuˆ naˇ-awˇ, maˬ shiˇ-ehˇ dehꞈ luꞈ-eu jeˬ zaˬ kʼoeˇ mawˇ-ahˇ taˬ huiˬ taˬ mahˇ-eu laꞈ kʼoeˇ tahˬ pahˬ aˬ ma mawˇ kawˇ tehˆ-awˇ ka tuˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh.

Panmaeq 18:23

Tsiˇ kʼmˬ doꞈ bya taˬ-euˬ yaw shehꞈ, tiˬ jawˇ-iˬ maˬ paˇ ya mawˇ-aˇ. Miˬ daꞈ zaˬ daꞈ jiˇ cehˇ gʼeh-eu, teˇ saˇ maˬ paˇ ya gaˬ haw-aˇ. Nawˬ-euˬ tsawˇ haˬ baw gaꞈ kʼoeˇ deuˬ, miˇ tsaˬ kʼoeˇ taˆ kʼawˇ teˇ doˆ-awˇ, nawˬ-euˬ mah loˬ ja maw kʼoeˇ neh, miˇ tsaˬ zaˬ-ahˇ shuiˇ tawˆ-euˬ meh.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.